Gujarat Weather Update: રાજ્યમાં સાર્વત્રિક વરસાદ વરસી રહ્યો છે ત્યારે હવામાન વિભાગે આગામી પાંચ દિવસ માટે હળવાથી મધ્યમ વરસાદની આગાહી કરી છે. હવામાન વિભાગ અનુસાર 1 જૂનથી 3 જુલાઈ સુધીમાં રાજ્યમાં સરેરાશ કરતાં 7 ટકા વધુ વરસાદ પડ્યો છે. રાજ્યમાં અત્યાર સુધી 144 mm વરસાદ નોંધાયો છે.
આજે રાજ્યમાં વરસાદને લઇ અલર્ટ
બનાસકાંઠા, સાબરકાંઠા, અરવલ્લી, સુરત, નવસારી, વલસાડ, દમણ, દાદરા નગર હવેલીમાં આજે અતિભારે વરસાદની આગાહી હવામાન વિભાગે કરી છે. આજે સૌરાષ્ટ્રમાં ભારે વરસાદની આગાહી છે. સુરેન્દ્રનગર, સૌરાષ્ટ્ર, સુરેન્દ્રનગર, રાજકોટ, અમરેલી, ભાવનગર, બોટાદમાં ભારે વરસાદની આગાહી છે. અમદાવાદ અને ગાંધીનગરમાં પણ ભારે વરસાદની આગાહી છે.
આવતીકાલે રાજ્યમાં ભારે વરસાદની આગાહી
સુરત, નવસારી, વલસાડ, દમણ, દાદરા નગર હવેલીમાં ભારે વરસાદની આગાહી છે.
રાજ્યમાં આજે કેટલો વરસાદ પડ્યો
ચોમાસાએ નિર્ધારિત સમયથી 6 દિવસ (2 જુલાઈ) પહેલાં જ સમગ્ર દેશને આવરી લીધો છે. દેશભરના લગભગ બધા રાજ્યોમાં ભારે વરસાદ પડી રહ્યો છે. ત્યારે આજે રાજ્યના 178 તાલાકમાં મેઘમહેર થઈ છે. હવામાન વિભાગે છેલ્લા 24 કલાકના આંકડા જાહેરા કર્યા છે જે અનુસાર રાજ્યમાં 178 તાલુકામાં વરસાદ નોંધાયો છે જેમાં સૌથી વધુ બનાસકાંઠાના લાખણીમાં 11 ઇંચ વરસાદ ખાબક્યો છે.
છેલ્લા 24 કલાકમાં 178 તાલુકામાં નોંધાયો વરસાદ
બનાસકાંઠાના લાખણીમાં 11 ઈંચ વરસાદ
મહેસાણા તાલુકામાં ચાર ઈંચ વરસાદ વરસ્યો
મહેસાણાના બહુચરાજીમાં વરસ્યો ચાર ઈંચ વરસાદ
નવસારીના ચીખલીમાં વરસ્યો પોણા ચાર ઈંચ વરસાદ
બનાસકાંઠાના દાંતિવાડામાં વરસ્યો પોણા ચાર ઈંચ વરસાદ
બનાસકાંઠાના વાવમાં વરસ્યો સવા ત્રણ ઈંચ વરસાદ
બનાસકાંઠાના સુઈગામમાં વરસ્યો સવા ત્રણ ઈંચ વરસાદ
અરવલ્લીના મોડાસામાં વરસ્યો પોણા ત્રણ ઈંચ વરસાદ
ડાંગના વઘઈમાં વરસ્યો પોણા ત્રણ ઈંચ વરસાદ
નવસારીના વાંસદામાં વરસ્યો અઢી ઈંચ વરસાદ
પાટણના સિદ્ધપુરમાં વરસ્યો અઢી ઈંચ વરસાદ
મહીસાગરના બાલાસિનોરમાં વરસ્યો અઢી ઈંચ વરસાદ
બનાસકાંઠાના થરાદમાં વરસ્યો સવા બે ઈંચ વરસાદ
તાપીના ડોલવણમાં વરસ્યો સવા બે ઈંચ વરસાદ
દાહોદના ફતેપુરામાં વરસ્યો સવા બે ઈંચ વરસાદ
મહેસાણાના ઊંઝામાં વરસ્યો બે ઈંચ વરસાદ
સુરતના ઓલપાડમાં વરસ્યો પોણા બે ઈંચ વરસાદ
ચાણસ્મા અને સરસ્વતિ તાલુકામાં પોણા બે ઈંચ વરસાદ
નવસારી, ખેરગામ, જલાલપોરમાં પોણા બે ઈંચ વરસાદ
ડાંગના આહવામાં પોણા બે ઈંચ વરસાદ
પંચમહાલના શહેરામાં પોણા બે ઈંચ વરસાદ
હિંમતનગર, પાટણમાં પોણા બે ઈંચ વરસાદ
જોટાણા,કપડવંજમાં વરસ્યો પોણા બે ઈંચ વરસાદ
લુણાવાડા, દેત્રોજ, સંજેલીમાં પોણા બે ઈંચ વરસાદ
તલોદ, ઝાલોદ,વાલોડમાં દોઢ ઈંચ વરસાદ
વ્યારા, પાલનપુર, પ્રાંતિજમાં દોઢ ઈંચ વરસાદ
વડનગર, સંતરામપુરમાં વરસ્યો દોઢ ઈંચ વરસાદ
અમદાવાદ શહેરમાં વરસ્યો દોઢ ઈંચ વરસાદ
કઠલાલ, પલસાણામાં વરસ્યો દોઢ ઈંચ વરસાદ
સમી, ડીસા, નડિયાદમાં વરસ્યો દોઢ ઈંચ વરસાદ
સોનગઢ, સાવરકુંડલા, વલસાડમાં સવા સવા ઈંચ વરસાદ
સુરતના મહુવા, ઉમરપાડામાં સવા ઈંચ વરસાદ
કડી, ગણદેવીમાં એક એક ઈંચ વરસાદ
દસક્રોઈ, સાણંદ, મેઘરજમાં એક એક ઈંચ વરસાદ
દસાડા, સુબીર, વાપીમાં એક એક ઈંચ વરસાદ
વિસનગર, કાંકરેજ, ખેડબ્રહ્મામાં એક એક ઈંચ વરસાદ
બારડોલી, વિજાપુર, ઉચ્ચછમાં પોણો ઈંચ વરસાદ
માંડલ, ધરમપુર, પાલિતાણામાં પોણો ઈંચ વરસાદ
ભિલોડા, અંકલેશ્વરમાં પોણો ઈંચ વરસાદ