દક્ષિણ ગુજરાતમાં કોરોનાના પોઝિટિવ કેસોમાં સતત વધારો થઈ રહ્યો છે. ત્યારે નવસારી જિલ્લામાં રેકોર્ડ બ્રેક કોરોનાના પોઝિટિવ કેસ સામે આવ્યા હતાં. નવસારી જિલ્લામાં એક જ દિવસમાં કોરોનાના 21 પોઝિટિવ કેસ નોંધાયા હતાં. 21 કેસ નોંધાતા આરોગ્ય વિભાગમાં ખળભળાટ મચી ગયો હતો.
નવસારી જિલ્લામાં લોકલ સંક્રમણ દિવસે ને દિવસે વધતા કેસોની સંખ્યા 500ને પાર પહોંચી ગઈ છે. નવસારી જિલ્લાના જલાલપોર, વાસદા, ખેરગામ, ગણદેવી તથા ચીખલીમાં સતત કોરોના પોઝિટિવ કેસોની સંખ્યામાં સતત વધી રહ્યાં છે. નવસારી જિલ્લા વહીવટીતંત્ર સુરત તથા મુંબઈ તરફની બોર્ડર સીલ કરવામાં નિષ્ક્રિય જોવા મળી હતી.
રાજ્યમાં હાલ 13198 એક્ટિવ કેસ છે, જેમાંથી 87 વેલ્ટીલેટર પર છે અને 13111 દર્દીઓ સ્ટેબલ છે, જ્યારે અત્યાર સુધી કુલ 42412 દર્દીઓ સારવાર બાદ ડિસ્ચાર્જ થઈ ગયા છે. ગુજરાતમાં અત્યાર સુધી કુલ 6,90,092 ટેસ્ટ કરવામાં આવ્યા છે.