રાજકોટ જિલ્લાના અનેક ગામોમાં માવઠું પડતા ખેડૂતોના પાકને મોટું નુકસાન થયું છે. હોડથળી ગામમાં માત્ર 15 મીનિટના કમોસમી વરસાદના કારણે ખેડૂતોનો પાક બરબાદ થઈ ગયો છે. રાજપીપળા, બાડપર, હરિપર, ઉમરાળી સહિતના ગામોના ખેડૂતોના પાકને વ્યાપક નુકસાન પહોંચ્યું છે.
પાટણમાં ગઈકાલે વરસેલા માવઠાને કારણે ખેડૂતોના એરંડાના પાકને વ્યાપક નુકસાન થયું છે. ભારે પવનના કારણે એરંડાના ઉભા છોડ ભાંગી ગયા છે.શંખેશ્વર, રાધનપુર,સમી,હારીજ અને સાંતલપુર તાલુકામાં રવિ સિઝનના તમામ પાકોમાં 40થી 80 ટકા સુધીનું નુકસાન થયું છે.