Gujarat Assembly Election Result: દ્વારકા બેઠક પર પબુભા માણેકની 8મી વખત જીત

Gujarat Assembly Election Result: ૮૨ વિધાનસભા બેઠક પર દ્વારકાના પબુભા માણેકની ૮ મી વખત જીત થતાં ખંભાળિયાથી દ્વારકા સુધી સમર્થકો વિજય સરઘસ સ્વરૂપમાં જોડાયા હતા.

Gujarat Assembly Election Result: ૮૨ વિધાનસભા બેઠક પર દ્વારકાના પબુભા માણેકની ૮ મી વખત જીત થતાં ખંભાળિયાથી દ્વારકા સુધી સમર્થકો વિજય સરઘસ સ્વરૂપમાં જોડાયા હતા અને ત્યાર બાદ દ્વારકા પહોંચી દ્વારકાના મુખ્ય ચોક એવા હોમગાર્ડ ચોક ખાતે સભા યોજી અને જનતાનો આભારમાની અને શક્તિ પ્રદર્શન કર્યું હતું.

છેલ્લા ૮ ટર્મથી દ્વારકા - ૮૨ વિધાનસભા બેઠક પર જીત મેળવતા અને શિવ શિવના સૂત્રથી ઓળખાતા પબુભા માણેકનો ૫૩૦૦ થી વધુ જેટલા મતથી વિજય થતા ધારાસભ્ય પબુભા માણેકએ દ્વારકા શહેરમાં તથા ઓખામંડળમાં સભા યોજી અને જનતા જનાદેશનો આભાર વ્યક્ત કર્યો હતો. ખંભાળિયાથી નીકળી કાર રેલી કલ્યાણપુર ગામડાઓ ફરી દ્વારકા અને ઓખા સુધી પહોંચી હતી. પબુભાએ આ સતત 8 મો વિજય મેળવી પોતાની સર્વોપરિતા સાબિત કરી હતી. રેલીમાં અને બાદ સભામાં માનવ મહેરામણ  ઉમટી પડ્યું હતું. સમી સાંજે યોજાયેલ સભામાં દ્વારકાનાં વિવિધ જ્ઞાતિઓનાં આગેવાનો અને સમાનય લોકો પણ પબુભાનું સન્માન કરવા ઉમટી પડ્યા હતા .બાદ પબુભા દ્વારકાધીશનાં દર્શન કરવા નીકળ્યા હતા. સહુ કોઈનો વિનમ્રતાથી આભાર માણ્યો હતો.

 કૉંગ્રેસમાંથી જીતેલા 17 ઉમેદવારોને જાણો કેટલી લીડ મળી

ગુજરાત વિધાનસભાની ચૂંટણીના પરિણામો આજે જાહેર થઈ રહ્યા છે. ભાજપે કોગ્રેસ, આમ આદમી પાર્ટીના સૂપડાં સાફ કરીને એક તરફી વિજય મેળવ્યો હતો. ભાજપની પ્રચંડ જીત બાદ મુખ્યમંત્રી ભુપેન્દ્ર પટેલ અને પ્રદેશ અધ્યક્ષ સી.આર.પાટીલે રાજ્યના તમામ લોકોનો આભાર વ્યક્ત કર્યો છે. ગુજરાતના ઈતિહાસમાં પ્રથમ વખત વિધાનસભામાં ભાજપના ઉમેદવાર 150 કરતાં વધુ બેઠકો પર વિજયી થયા છે. આ ચૂંટણીમાં કૉંગ્રેસની કારમી હાર થઈ છે. કૉંગ્રેસના 17 ઉમેદવારોને જીત મળી છે.

કૉંગ્રેસના જીતેલા 17 ધારાસભ્યોની લીડ

પોરબંદર અર્જૂન મોઢવાડિયા 8181
આંકલાવ અમીત ચાવડા 2729
વીજાપુર સી.જે.ચાવડા 7053
વડગામ જીગ્નેશ મેવાણી 4928
વાવ ગેનીબેન ઠાકોર 15601
દાંતા કાંતિ ખરાડી 6327
કાંકરેજ અમૃતજી ઠાકોર 5295
પાટણ કિરીટ પટેલ 17177
ચાણસ્મા દિનેશ ઠાકોર 1404
વાંસદા અનંત પટેલ 35,033
દાણીલીમડા શૈલેશ પરમાર 13,487
જમાલપુર ખાડીયા ઈમરાન ખેડાવાલ 13,658
ખંભાત ચિરાગ પટેલ 3711
ખેડબ્રહ્મા તુષાર ચૌધરી 1464
લુણાવાડા ગુલાબસિંહ ચૌહાણ 26620
માણાવદર અરવિંદ લાડાણી 3553
સોમનાથ વિમલ ચુડાસમા 922

શું કહ્યું સી.આર.પાટીલે

સી.આર.પાટીલે કહ્યું, ગુજરાતના લોકોના આશીર્વાદથી ભાજપનો વિજય થયો. ૨૭ વર્ષ પછી ફરીથી ભારતીય જનતા પાર્ટી ૫ વર્ષ માટે સરકાર બનાવવા જઈ રહી છે. આ વિજય માં હું નરેન્દ્ર મોદીનો આભાર વ્યક્ત કરું છું. આ વિજયના શિલ્પકાર નરેન્દ્ર મોદી છે, જેમને કઠોર પરિશ્રમ કર્યો. નરેન્દ્ર મોદીને ગુજરાતની જનતા દિલથી ચાહે છે. અમિત શાહ નો પણ આભાર વ્યક્ત કરું છું, જેમને ૩૩ સભા કરી, રોડ શો કર્યા. જેપી નડ્ડાનો પણ આભાર વ્યક્ત કરું છું, જેમણે અમારું માર્ગદર્શન કર્યું. ભારતીય જનતા પાર્ટી શાસિત રાજ્યોના મુખ્યમંત્રી પ્રચાર માટે આવ્યા તેમનો પણ આભાર વ્યક્ત કરું છું. નરેન્દ્ર મોદીના નેતૃત્વમાં આ વિકાસ ભાજપની ડબલ એન્જિનવાળી સરકાર કરી શકે તેનું ઉદાહરણ આ પરિણામ છે. ગુજરાતમાં બીજી પાર્ટીએ ઘણા વચનો કર્યા, વાતો કરી પરંતુ તે સરકાર તો બનાવવાની જ નહોતી. આ ગુજરાત છે જે સમર્થ અને અભિવાદનને ઓળખે છે, બીજી પાર્ટીને નકારીને ભાજપને ભવ્ય વિજય અપાવ્યો. મને વિશ્વાસ છે ગુજરાત જનતાનાં આશીર્વાદથી આ સરકાર બની છે. યુવા મહિલા, કિસાન યુવા મતદાતાઓને ગુજરાતને સુરક્ષિત રાખવા માટે જે વિશ્વાસ રાખ્યો છે. શપથ વિધિ ૧૨ તારીખે ૨ વાગ્યે થશે.

ભૂપેન્દ્ર પટેલે શું કહ્યું

મુખ્યમંત્રી ભૂપેન્દ્ર પટેલે કહ્યું, ભારતીય સંસ્કૃતિ પાર્ટીના વિજય રથની સાથે છે. નરેન્દ્ર ભાઇએ પહેલા જ કહ્યું હતું કે, ગુજરાતની જનતાએ મન બનાવી લીધું હતું કે વિકાસની આ યાત્રા શરૂ રાખવી છે. એક વાર ફરી ગુજરાતની જનતાએ નરેન્દ્ર મોદી ઉપર વિશ્વાસ મૂક્યો છે. ગુજરાતની જનતાના આદેશને વિનમ્રતાથી સ્વીકારીએ છીએ. લોકોએ ઠગવા વાળી પાર્ટીને નકાર્યા છે. અમિત શાહ અમારી નાની વાતોનું ધ્યાન રાખ્યું અને અમારી સાથે રહ્યા. સીઆર પાટીલે સામૂહિક નેતૃત્વ સાથે ભાજપની સરકાર લઈ આવ્યા. બીજેપીનું વચન માત્ર ચૂટણી પૂરતું નથી, અમને બધાને ગર્વ છે ગુજરાત ગ્રોથ એન્જિન બન્યું, નરેન્દ્ર મોદીની કાળી મહેનત અને પરિશ્રમનું આ પરિણામ છે.