Patan News: થોડાક દિવસ પહેલા અમદાવાદના બોપલમાં કૉલેજ વિદ્યાર્થીની હત્યા બાદ વધુ એક વિદ્યાર્થીની હત્યા થયાની આશંકાની ઘટના સામે આવી છે. પાટણના ધારપુરમાં આવેલી મેડિકલ કૉલેજમાં ભણતા સુરેન્દ્રનગર જિલ્લાના ધ્રાંગધ્રા તાલુકાના જેસડા ગામનો 18 વર્ષના વિદ્યાર્થીનું મોત નીપજ્યુ હતું. આ શંકાસ્પદ મોતમાં પરિવારે આક્ષેપ કર્યો હતો કે, મારા દીકરા સાથે કૉલેજમાં રેગિંગ થયું હતુ. હાલ પોલીસે ગુનો નોંધીને કાર્યવાહી શરૂ કરી છે.
માહિતી પ્રમાણે, પાટણ જિલ્લાની ધારપુર મેડિકલ કૉલેજમાં પહેલા વર્ષમાં ભણતા વિદ્યાર્થીનું શંકાસ્પદ મોત નીપજ્યુ હતું. આ મૃતક 18 વર્ષીય વિદ્યાર્થી સુરેન્દ્રનગર જિલ્લાના ધ્રાંગધ્રા તાલુકાના જેસડા ગામનો રહેવાસી હતો. આ શંકાસ્પદ મોતમાં પરિવારે ગંભીર આક્ષેપ કરતા જણાવ્યુ છે કે, અમારા દીકરા સાથે કૉલેજમાં રેગિંગ થયું હતુ. હાલ પોલીસે ગુનો નોંધીને વધુ તપાસ હાથ ધરી છે.
ધારપુર મેડિકલ કૉલેજના ડીન હાર્દિક શાહે આ અંગે જણાવ્યુ છે કે, ગઈકાલે રાતે પહેલા વર્ષનો વિદ્યાર્થી કૉલેજમાં ઢળી પડ્યો હતો. તેને સારવાર માટે તાત્કાલિક હૉસ્પિટલ લઈ જવામાં આવ્યો હતો. વિદ્યાર્થીઓની આ અંગે પૂછપરછ કરતા જાણવા મળ્યું છે કે, સીનિયર વિદ્યાર્થીઓએ તેમને ત્રણેક કલાક ઊભા રાખીને પોતાનું ઇન્ટ્રૉડ્ક્શન આપવાનું કહ્યુ હતુ. જે દરમિયાન આ ઘટના બની છે. આ અંગે બનાવેલી કમિટિ પ્રમાણે અને પોલીસને પણ આ અંગેની વાત કરવામાં આવી છે. તેમના વાલીને પણ માહિતી આપીને મૃતદેહને પોસ્ટમોર્ટમ માટે પણ લઈ જવામાં આવ્યો છે. જો રેગિંગની ઘટના સાચી હશે તો તેમાં શિક્ષાત્મક પગલાં પણ લેવામાં આવશે. વિદ્યાર્થીના મોતના મામલે પિતરાઈ ભાઈએ જણાવ્યુ છે કે, અમને કૉલેજમાંથી પહેલા ફોન આવ્યો કે તમારો દીકરો ઢળી પડ્યો છે અને તેને દાખલ કરવામાં આવ્યો છે. જે બાદ અમે અહીં આવ્યા ત્યારે ખબર પડી કે, તેનું મોત નીપજ્યુ છે. એક મહિનાથી જ તે અહીં આવ્યો હતો. આ પહેલા તેણે ક્યારેય રેગિંગ કે કોઈ મુશ્કેલીની વાત કરી ન હતી.
આ પણ વાંચો
Heart Attack: લગ્ન પ્રસંગમાં દાંડીયા રમતાં-રમતાં યુવાનને આવ્યો હાર્ટ એટેક, મોત થતાં મહેમાનો સ્તબ્ધ