PM Modi Gujarat Visit Live : વડોદરાએ તો મને એક દિકરાની જેમ સાચવ્યો છેઃ પીએમ મોદી
PM Modi Gujarat Visit: સાયન્સ સિટી ખાતે આયોજીત કાર્યક્રમ બાદ વડાપ્રધાન મોદી બોડેલી ખાતે આયોજીત કાર્યક્રમમાં હાજરી આપશે
છોટાઉદેપુરના બોડેલીમાં લોકોને સંબોધતા વડાપ્રધાન મોદીએ કહ્યું કે ઉમરગામથી અંબાજી સુધી વિકાસ થયો છે. સાડા સાત હજાર ગ્રામ પંચાયતોને વાઈફાઈ પહોંચાડવાનું કામ પૂર્ણ થયું છે. ગામોના લોકો માટે મોબાઈલ, ઈંટરનેટ નવું નથી. ઈંટરનેટ સેવા હવે તમામને મળી રહી છે. સાવલીમાં અનેક શિક્ષણના કામો થયા છે. આદિવાસીઓ માટે વિશેષ યોજના લઈને આવ્યો છું. આજે સારી શાળાઓ, રસ્તાઓ, મકાનો બન્યા છે.
વધુમાં વડાપ્રધાન મોદીએ કહ્યું કે ગરીબોને ઘર, પાણી, રોડ, વીજળી, શિક્ષણ આપવું પ્રાથમિકતા છે. આજે દેશભરમાં ગરીબો માટે ચાર કરોડથી વધુ પાકા ઘર બન્યા છે. આદિવાસીઓને મરજી પ્રમાણે ઘર બનાવી આપ્યા છે. આદિવાસીઓને જરૂરિયાત પ્રમાણે મકાનો મળે તેવી પ્રાથમિકતા છે. લાખો બહેનો આજે લખપતી દીદી બની ગઈ છે. દોઢ-બે લાખના ઘરો માતા-બહેનોના નામે થયા છે. આજે નળથી જળ આવે એવી વ્યવસ્થા કરી છે. આજે ઘેર ઘેર પાઈપથી પાણી પહોંચાડવાનો પ્રયાસ કર્યો છે. આજે 10 કરોડ પરિવારોમાં પાઈપથી પાણી ઘરમાં પહોંચે છે.
વડાપ્રધાને કહ્યું કે 2 દશક પહેલા લોકો શાળા છોડવા માટે મજબૂર હતા. હું મુખ્યમંત્રી બન્યો ત્યારે વિજ્ઞાન પ્રવાહની શાળા નહોતી. આજે આદિવાસી જવાનો સીમા પર દેશની રક્ષા કરતા જોવા મળે છે. આદિવાસી પટ્ટામાં 25 હજાર નવા ક્લાસરૂમ બનાવ્યા છે. આદિવાસી પટ્ટામાં આજે 5 મેડિકલ કોલેજો બની છે. કૌશલ વિકાસ યોજનાનો લાખો યુવાનો લાભ લઈ રહ્યા છે. આજે વગર ગેરન્ટીએ યુવાનોને પોતાના કામ માટે લોન મળી રહી છે. નવી નવી યોજનાઓ થકી આ વિસ્તારનો વિકાસ કરીશુ.
વાઈબ્રન્ટ સમિટના 20 વર્ષ પૂર્ણ થવાના કાર્યક્રમમાં PM મોદીએ ભારતને દુનિયાની ટોપ-3 પૈકીની ઈકોનોમી બનાવવાની ગેરન્ટી આપી હતી. તેમણે ગુજરાતને દેશનું તો ભારતને દુનિયાનું ગ્રોથ એન્જિન એન્જિન ગણાવ્યું હતું. વડાપ્રધાને કહ્યું કે ગુજરાતને અસ્થિર કરવાના અનેક પ્રયાસો થયા હતા. વાઇબ્રન્ટ ગુજરાત સમિટમાં અન્ય રાજ્યને પણ આમંત્રણ આપવામાં આવ્યું હતું. ગુજરાત સરકારે સ્ટેટ સમિટનું પણ આયોજન કર્યુ હતું. ગુજરાત ફાઈનાન્સિયલ હબ અને એગ્રીકલ્ચર પાવર હાઉસ બન્યુ છે. ટેક્સટાઈલ ક્ષેત્રે અનેક રોજગાર ઉભા થયા છે. છેલ્લા 20 વર્ષમાં તમામ ક્ષેત્રમાં ગુજરાતનો વિકાસ થયો છે.
વધુમાં વડાપ્રધાન મોદીએ કહ્યું કે ગુજરાતમાં રોકાણક્ષેત્રે અનેક ગણો વધારો થયો છે. ફાર્મા સેક્ટરમાં ગુજરાતે હરણફાળ ભરી છે. દુનિયામાં તૈયાર થતા હીરામાંથી 70 હીરા ગુજરાતમાં તૈયાર થાય છે. દુનિયાના સિરામિક માર્કેટમાં મોરબીનો હિસ્સો 90 ટકા છે. સંરક્ષણ ક્ષેત્રમાં ઉત્પાદનમાં ગુજરાત હબ બનશે.
વડાપ્રધાન મોદીએ કહ્યું હતું કે ભૂકંપ પહેલા વર્ષો સુધી રાજ્યમાં દુષ્કાળ પડ્યો. 2001માં મુખ્યમંત્રી તરીકે મારી નવી ભૂમિકા હતી. વિકટ પરિસ્થિતિ વચ્ચે વાઇબ્રન્ટ ગુજરાતનું બિજ રોપાયું હતું. વિકટ પરિસ્થિતિ વચ્ચે પણ ગુજરાતના નાગરિકો પર ભરોસો હતો. વિકટ સ્થિતિમાં કેટલાક લોકો ગુજરાત વિરોધી એજન્ડા લઈને ચાલ્યા હતા. દુનિયામાં ગુજરાતને બદનામ કરવાનું ષડયંત્ર રચાયુ હતું. ગુજરાત સરકારની નિર્ણયશક્તિને દુનિયાએ જોઈ છે. આજે દુનિયા વાઈબ્રન્ટ સમિટની સફળતા જોઈ રહી છે. વાઇબ્રન્ટ સમિટની શરૂઆતમાં કેન્દ્ર સરકાર અડચણરૂપ બની હતી.
વડાપ્રધાન મોદીએ કાર્યક્રમને સંબોધતા કહ્યું હતું કે 20 વર્ષ અગાઉ વાઇબ્રન્ટ સમિટનું બિજ રોપાયુ હતું. વાઇબ્રન્ટનું બિજ હવે વટવૃક્ષ બની ગયું છે. વાઇબ્રન્ટ ગુજરાત ગુજરાતના નાગરિકોનું સામર્થ્ય છે. શરૂઆતમાં વાઇબ્રન્ટ ગુજરાતની કેટલાક લોકોએ મજાક ઉડાવી હતી. આ સમિટનો દુનિયાએ સ્વીકાર કર્યો છે. ભૂકંપ પછી ગુજરાતની સ્થિતિ ઘણી નાજુક હતી.
વાઈબ્રન્ટ ગુજરાત સમિટના 20 વર્ષની ઉજવણીના કાર્યક્રમમાં વડાપ્રધાન મોદી પહોંચ્યા હતા. અમદાવાદના સાયન્સ સિટીમાં આયોજીત કાર્યક્રમમાં PMએ 'સમિટ ઓફ સક્સેસ' પેવેલિયનનું ઉદ્ધાટન કર્યુ હતું. રાજ્યપાલ, CM અને ભાજપ પ્રદેશ પ્રમુખ કાર્યક્રમમાં ઉપસ્થિત છે. PMએ નેચર પાર્ક, રોબોટિક ગેલેરી નિહાળી હતી.
વડાપ્રધાન મોદી અમદાવાદના સાયન્સ સિટી ખાતે વાઈબ્રન્ટ ગુજરાત સમિટના 20 વર્ષની ઉજવણીના કાર્યક્રમમાં પહોંચ્યા હતા. સાયન્સ સિટીમાં 'સમિટ ઓફ સક્સેસ' પેવેલિયનનું ઉદ્ધાટન કરશે. વડાપ્રધાનની સાથે મુખ્યમંત્રી ભૂપેન્દ્ર પટેલ પણ ઉપસ્થિત રહેશે. સાથે રાજ્યપાલ આચાર્ય દેવવ્રત, ભાજપ પ્રદેશ પ્રમુખ સી.આર.પાટીલ પણ ઉપસ્થિત છે.
20 વર્ષ પહેલા એટલે કે 28 સપ્ટેમ્બર 2003માં નરેન્દ્ર મોદીના નેતૃત્વમાં ગુજરાતમાં પ્રથમવાર વાઇબ્રન્ટ ગુજરાત ગ્લોબલ સમિટની શરૂઆત કરવામાં આવી હતી. આજે વાયબ્રન્ટ ગુજરાત સમિટ ભારત અને વિશ્વમાં પણ સૌથી પ્રમુખ બિઝનેસ સમિટ તરીકે જાણીતી બની છે.
વડાપ્રધાન નરેન્દ્ર મોદી વાઈબ્રન્ટ ગુજરાત સમિટને 20 વર્ષની ઉજવણીના કાર્યક્રમમાં સવારે 10 વાગ્યે હાજરી આપશે. સાયન્સ સિટીમાં ‘સમિટ ઓફ સક્સેસ’ પેવેલિયનનું ઉદ્ઘાટન પણ કરશે. આ કાર્યક્રમમાં રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ, ઉદ્યોગમંત્રી બળવંતસિંહ રાજપૂત, ઉદ્યોગ રાજ્યમંત્રી હર્ષ સંઘવી સહિતના મહાનુભાવો હાજર રહેશે
બ્રેકગ્રાઉન્ડ
PM Modi Gujarat Visit: વડાપ્રધાન મોદીના ગુજરાત પ્રવાસનો આજે બીજો દિવસ છે. આજે PM મોદી અમદાવાદમાં સાયન્સ સિટી ખાતેના કાર્યક્રમમાં ઉપસ્થિત રહેશે. વાઈબ્રન્ટ ગુજરાત સમિટને 20 વર્ષની ઉજવણીના કાર્યક્રમમાં વડાપ્રધાન સવારે 10 વાગ્યે હાજરી આપશે. ઉપરાંત વડાપ્રધાન સાયન્સ સિટી ખાતે ‘સમિટ ઓફ સક્સેસ’ પેવેલિયનનું ઉદ્ઘાટન પણ કરશે. આ કાર્યક્રમમાં રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ, ઉદ્યોગ મંત્રી બળવંતસિંહ રાજપૂત, ઉદ્યોગ રાજ્યમંત્રી હર્ષ સંઘવી, સૂક્ષ્મ, લઘુ અને મધ્યમ ઉદ્યોગો (MSMEs) ના રાજ્યમંત્રી જગદીશ વિશ્વકર્મા, નવસારીના સાંસદ સી.આર. પાટીલ, અમદાવાદના મેયર પ્રતિભા જૈન અને મુખ્ય સચિવ રાજકુમાર ઉપસ્થિત રહેશે.
સાયન્સ સિટી ખાતે આયોજીત કાર્યક્રમ બાદ વડાપ્રધાન મોદી બોડેલી ખાતે આયોજીત કાર્યક્રમમાં હાજરી આપશે. ત્યારબાદ બપોરે 1 વાગ્યે બોડેલી ખાતે વિવિધ લોકાર્પણ કાર્યક્રમમાં તેઓ હાજરી આપશે. બોડેલીનો કાર્યક્રમ પૂર્ણ થયા બાદ વડાપ્રધાન વડોદરા પહોંચશે. જ્યાં નારી શક્તિ વંદન કાર્યક્રમમાં હાજરી આપશે. જ્યાંથી કાર્યક્રમ પૂર્ણ કરી તેઓ દિલ્હી જવા રવાના થશે.
નિર્ધારિત કાર્યક્રમ મુજબ વડાપ્રધાન મોદી સવારે 10 વાગે સાયન્સ સિટી ખાતેના કાર્યક્રમમાં પહોંચશે. આ કાર્યક્રમમાં ઉદ્યોગ સંગઠનો, વેપાર અને વાણિજ્ય ક્ષેત્રની અગ્રણી હસ્તીઓ, યુવા ઉદ્યોગ સાહસિકો, ઉચ્ચ અને ટેકનિકલ શિક્ષણ કોલેજોના વિદ્યાર્થીઓ સહિત અન્ય લોકો ભાગ લેશે.
પીએમ મોદી લગભગ 12.45 વાગ્યે છોટા ઉદેપુરના બોડેલી જશે, જ્યાં તેઓ 5,200 કરોડ રૂપિયાથી વધુના પ્રોજેક્ટ્સનું ઉદ્ઘાટન અને શિલાન્યાસ કરશે. PM મોદી બુધવારે ગુજરાતના છોટા ઉદેપુરમાં 22 જિલ્લાના ગ્રામીણ વિસ્તારોમાં Wi-Fi સુવિધાઓ સહિત 5,206 કરોડ રૂપિયાના વિકાસ પ્રોજેક્ટનું ઉદ્ઘાટન કરશે. ગુજરાત સરકારે એક નિવેદનમાં જણાવ્યું હતું કે પીએમ મોદી મિશન સ્કૂલ ઓફ એક્સલન્સ હેઠળ અન્ય વિકાસ કાર્યોની સાથે 4,505 કરોડ રૂપિયાના પ્રોજેક્ટનું ઉદ્ઘાટન કરશે.
પ્રથમ વાઇબ્રન્ટ ગુજરાત ગ્લોબલ ઇન્વેસ્ટર્સ સમિટ 2003માં તત્કાલિન મુખ્યમંત્રી નરેન્દ્ર મોદીના નેતૃત્વમાં યોજાઇ હતી. દેશની પ્રથમ ગ્લોબલ ઇન્વેસ્ટર્સ સમિટને 20 વર્ષ પૂર્ણ થયા છે. પીએમ મોદીએ એક નિવેદનમાં કહ્યું કે વાઈબ્રન્ટ ગુજરાત ગ્લોબલ સમિટ શરૂ થયાને 20 વર્ષ થઈ ગયા છે. આ બે દાયકામાં ગુજરાતની આ પહેલ અનેક રીતે દેશ માટે માર્ગદર્શક બની રહી છે.
- - - - - - - - - Advertisement - - - - - - - - -