PM Modi Daman Visit : વડાપ્રધાન નરેન્દ્ર મોદી સુરત બાદ દમણ પહોંચ્યા હતા. વડાપ્રધાન નરેન્દ્ર મોદીનો દમણમાં ભવ્ય રોડ શો યોજાયો હતો. જેમાં મોટી સંખ્યામાં લોકો ઉમટ્યા હતા. રોડ શો બાદ વડાપ્રધાન નરેન્દ્ર મોદીએ નમો એરપોર્ટ અને નમો હોસ્પિટલનું લોકાર્પણ કર્યું હતું. વડાપ્રધાન મોદી દમણને રૂ. 3000 કરોડના 53 પ્રોજેક્ટ્સની ભેટ આપી હતી. જેમાં કુલ 38 પ્રોજેક્ટ્સનું લોકાર્પણ કર્યું હતું. તેમજ 15 નવી પરિયોજનાઓનો શિલાન્યાસ કર્યું હતું.
લોકોને સંબોધતા વડાપ્રધાન મોદીએ કહ્યું હતું કે આજે દમણમાં વિકાસને વધુ વેગ મળ્યો છે. યુદ્ધ વચ્ચે પણ ભારતનો વિકાસ દર અટક્યો નથી. આજે દેશ વિકાસની નવી ઉંચાઈ પર પહોંચી રહ્યો છે. આજે દેશમાં ઈન્ફ્રસ્ટ્રક્ચરનો વિકાસ થયો છે. ગરીબ કલ્યાણને લઇને દેશમાં કામ થઈ રહ્યું છે. આજે દેશ મોટી અર્થવ્યસ્થામાં તેજ ગતિથી આગળ વધે છે. દુનિયા સંકટો વચ્ચે ઘેરાયેલી છે. વૈશ્વિક સંકટ વચ્ચે પણ 140 કરોડ લોકોનું ધ્યાન રખાયુ છે. દુનિયાભરમાં ચાલતા સંકટોનો સામનો કરી દૃઢ સંકલ્પ સાથે દેશ આગળ વધી રહ્યો છે. વૈશ્વિક સંકટની વચ્ચે પણ ભારતના અવિરત વિકાસની ગેરંટી છે.
વધુમાં તેમણે કહ્યું હતું કે વિકાસની સાથે વિકાસનું મોડલ સ્થિર હોવું જરુરી છે. દમણની સરકારી ઈમારતોમાં પણ સૌર ઉર્જાનું ઉત્પાદન થઈ રહ્યું છે. વીજળીમાંથી લોકોને આવક મળે તેવા પ્રયાસ કરવામાં આવી રહ્યા છે. દમણમાં સ્વચ્છતા અભિયાનને પણ વેગ મળ્યો છે. સ્વચ્છતા એ જ દમણના સંસ્કાર છે. દાદરા નગર હવેલી, દમણ અને દીવ ભારતની ઓળખ અને વિરાસત છે.