Rain Live Update: બોડેલીમાં સૌથી વધુ 22 ઇંચ વરસાદ, રાજ્યના 12 તાલુકાઓમાં 8 ઇંચથી વધુ વરસાદ

મેઘરાજાએ રવિવારે મધ્ય ગુજરાત અને દક્ષિણ ગુજરાતમાં ધમાકેદાર એન્ટ્રી કરતાં જળબંબાકારની સ્થિતિ સર્જાઇ છે. અમદાવાદમાં 12 ઇંચ સુધી વરસાદ પડતાં સ્કૂલ-કોલેજોમાં આજે રજા જાહેર કરાઇ છે.

બ્રેકગ્રાઉન્ડ

અમદાવાદમાં ગઇકાલે સાંજથી મેઘરાજાની ધમાકેદાર એન્ટ્રી જતાં સમગ્ર અમદાવાદ પાણી-પાણી થઇ ગયું. પ્રહલાદનગર,બોપાલ વિસ્તારની અનેક સોસાયટી પાણીમાં ગરકાવ થઇ ગઇ....તો ભારે વરસાદના કારણે શાળા –કોલેજમાં પણ રજા જાહેર કરી દેવાઇ છે.અમદાવાદમાં ગઇકાલે સાંજથી મેઘરાજાની ધમાકેદાર એન્ટ્રી જતાં સમગ્ર અમદાવાદ પાણી-પાણી થઇ ગયું. પ્રહલાદનગર,બોપાલ વિસ્તારની અનેક સોસાયટી પાણીમાં ગરકાવ થઇ ગઇ..અમદાવાદમાં ગઇ કાલ સાંજે મૂળધાર વરસાદ વરસતાં સાંજે ઓફિસથી દુકાનથી ઘરે જતાં લોકોએ ભારે પરેશાનીનો સામનો કરવો પડી રહ્યો છે. સવાર સુધી પણ પાણી ન ઓસરતાં સવારે પણ ઓફિસ જતાં લોકો ભારે હાલાકીનો સામનો કરી રહ્યાં છે.

11/07/2022 14:59:10

રાજ્યના 12 તાલુકાઓમાં 8 ઇંચથી વધુ વરસાદ

રાજ્યમાં છેલ્લા ચોવીસ કલાકમાં સરેરાશ ૩૬ ટકાથી વધુ વરસાદ વરસ્યો છે. છોટા ઉદેપુરના બોડેલીમાં સૌથી વધુ ૨૨ ઇંચ વરસાદ તથા રાજ્યના ૧૨ તાલુકાઓમાં ૮ ઇંચથી વધુ વરસાદ સહિત રાજ્યના ૬૯ તાલુકાઓમાં નોંધપાત્ર વરસાદ વરસ્યો હોવાના અહેવાલો છે. 

11/07/2022 12:49:16

આગામી 24 કલાકમાં ગુજરાતમાં અતિ ભારે વરસાદની આગાહી, આ 6 જિલ્લામાં અપાયું રેડએલર્ટ

Heavy rain :આગામી 24 કલાક ગુજરાત માટે ભારે, હવામાન વિભાગે કરી અતિ ભારે વરસાદની આગાહી,  આ 6 જિલ્લામાં રેડ એલર્ટ અપાયું છે.

 

ગુજરાત પર હાલ વરસાદી સિસ્ટમ સક્રિય થઇ છે.  ફરી હવામાન વિભાગે ભારે વરસાદની આગાહી કરી છે. રાજ્યમાં અતિ ભારે વરસાદની આશંકાના  પગલે 6 જિલ્લામાં  રેડએલર્ટ અપાયું છે. ગુજરાતના વલસાડ, નવસારી, ડાંગ, તાપી, સુરત,. ભરૂચ, નર્મદ અને ઉદપુરમાં રેડ એલર્ટ જાહેર કરાયું છે.

 

હવામાન વિભાગે સૌરાષ્ટ્ર અને મધ્ય ગુજરાતના જિલ્લામાં પણ ભારે વરસાદની આગાહી કરી છે. અમરેલી, ભાવનગર, ખેડા મોરબી આણંદ અને વડોદરા પંમહાલ ઓરેંજ એલર્ટ અપાયું છે. ઓરેન્ડ અને રેડ એલર્ટ વાળા વિસ્તારમાં પ્રશાસન દ્વારા NDRFની ટીમ તૈનાત કરી દેવાઇ છે અન્ય રાજ્યોમાંથી પણ NDRFની ટીમ બોલાવવાની તૈયારી શરૂ કરી છે. તો નવસારી માટે એનડીઆરએફની ટીમ રવાના કરાઇ છે.

11/07/2022 10:33:50

અમદાવાદીઓ હજુ પણ વરસાદી પાણી સામે જજુમી રહ્યા છે, હાટકેશ્વર ચાર રસ્તાનો માર્ગ પાણીમાં ગરકાવ

અમદાવાદમાં બકેરી સિટી વેજલપુરમાં વીજપુરવઠો ગઇકાલ રાતથી ખોરવાયો  અને ભારે વરસાદના કારણે ગઇકાલ રાતથી અંધારપાટ છવાયો છે. ગઇકાલ રાતથી બકરી સિટીમાં કમર સુધીના પાણી ઘૂસી ગયા છે. ભારે પાણી ભરવાના કારણે સવારે ઓફિસે જવામાં લોકોને મુશ્કેલીનો સામનો કરવો પડ્યો હતો. વેજલપુરની મોટાભાગની સોસાયટીમાં કમર સુધી પાણી આવી જતાં લોકોની ઘર વખરીને પણ પારાવાર નુકસાન થયું છે. 

અમદાવાદીઓ હજુ પણ વરસાદી પાણી સામે જજુમી રહ્યા છે. હાટકેશ્વર ચાર રસ્તાનો માર્ગ પાણીમાં ગરકાવ  થઇ ગયો છે. વરસાદ બંધ થયાને કલાકો વીતવા છતાં  પાણી ઓસર્યા ન હોવાથી લોકોની મુશ્કેલી વધી છે. માર્ગ પર પણ  પાણી ફરી વળતા વાહન ચાલકો હાડમારી ભોગવી રહ્યા છે.પ્રિ મોન્સુન કામગીરી બાદ પાણીના નિકાલમાં પણ AMC નિષ્ફળ રહી હોવાની સ્થિતિ સ્પષ્ટ જોવા મળી રહી છે. 

11/07/2022 10:27:18

અમદાવાદ આનંદનગર વિસ્તારમાં દિવાલ ધરાશાયી, ભારે વરસાદે સર્જી જળબંબાકારની સ્થિતિ

અમદાવાદમાં સતત બીજા દિવસે અનેક સોસાયટીઓમાં પાણી ભરાયા હતા. વેજલપુર ગામની શેરીઓમાં વરસાદ પડતા જ પાણી ભરાઈ ગયા હતા. વાહનચાલકો મુશ્કેલીનો સામનો કરી રહ્યા છે. સામાન્ય વરસાદ થતાં જ પૂરની સમસ્યા શરૂ થઈ ગઈ છે. એક કલાકના વરસાદમાં અમદાવાદ શહેરના અનેક વિસ્તારોમાં પાણી ભરાઈ ગયા છે.

11/07/2022 07:24:15

છોટાઉદેપુરના બોડેલી પંથકમાં આભ ફાટ્યા જેવી સ્થિતિ, છોટાઉદેપુરના બોડેલી પંથકમાં આભ ફાટ્યા જેવી સ્થિતિ

છોટાઉદેપુર: છોટાઉદેપુરના બોડેલી પંથકમાં આભ ફાટ્યા જેવી સ્થિતિ થઈ છે.  છેલ્લા ચાર કલાકમાં જ 12 ઈંચ સહિત છેલ્લા 24 કલાકમાં કુલ 16 ઈંચથી વધુ વરસાદ વરસી ગયો.  બોડેલીના ગોલા ગામડી ગામ બેટમાં ફેરવાયું છે. ગામ તરફ જવાના રસ્તા પર અનેક વાહનો ફસાઈ ગયા છે. કેટલાય વાહનચાલકોએ પાણી વચ્ચેથી વાહન પસાર કરવાનો પ્રયાસ કરતા વાહન બંધ થઈ ગયા છે.  

આ તરફ સંખેડા તરફના રસ્તા પર પણ પાણી ભરાઈ ગયા હતાં.  બોડેલી તાલુકામાં ધોધમાર વરસાદથી અકોટાદર ગામ, ખીમલીયા, મોતીપુરા ગામ, ગોપાલપુરા, મંગલભારતી અને ગોલા ગામડીના રોડ- રસ્તા જળમગ્ન થયા.  આ ઉપરાંત પાનીયા ગામ પણ બેટમાં ફેરવાયું છે.  હાલ સલામતીના ભાગરૂપે પોલીસે ગોલા ગામડી ચાર રસ્તાથી બોડેલી તરફ જવાનો રસ્તો બંધ કરાવી દીધો છે.   હાલ પોલીસ બેરિકેડ લગાવી બોડેલી- છોટાઉદેપુર તરફ જવાના વાહનોને પરત મોકલી રહી છે. 

 

NDRF ની 13 ટીમ અને SDRFની 16 પ્લાટુન તૈનાત 
રાજ્યમાં NDRF ની 13 ટીમ અને SDRFની 16 પ્લાટુન હાલ તૈનાત કરવામાં આવી છે. છોટા ઉદેપુરમાં વડોદરાથી SDRF ની 1 પ્લાટુન મદદ માટે રવાના કરવામાં આવી છે.નવસારીમાં NDRFની 2 ટીમ , ગીર સોમનાથ અને સુરતમાં NDRFની 1 - 1 ટીમ, રાજકોટ, બનાસકાંઠા અને વલસાડમાં NDRFની 1 - 1 ટીમ,  ભાવનગર, કચ્છ અને અમરેલીમાં NDRFની 1 - 1 ટીમ અને જામનગર, દ્વારકા અને જૂનાગઢમાં NDRFની 1 - 1 ટીમ તૈનાત કરવામાં આવી છે. 

11/07/2022 07:20:11

મેઘરાજાએ મધ્ય ગુજરાત અને દક્ષિણ ગુજરાતને ઘમરોળ્યુ, જનજીવન થયું અસ્તવ્યસ્ત

Gandhinagar : દક્ષિણ ગુજરાતમાં અને ખાસ કરીને છોટાઉદેપુર નવસારી અને વલસાડમાં પડેલા ભારે વરસાદને લઈને મુખ્યમંત્રી ભુપેન્દ્ર પટેલે ઉચ્ચસ્તરીય સમીક્ષા બેઠક કરી હતી. રાજકોટ જિલ્લાના પ્રવાસમાંથી પરત આવી હેલિપેડથી સીધા જ ગાંધીનગરના સ્ટેટ ઈમર્જન્સી ઓપરેશન સેન્ટર પહોંચ્યા હતા.તેમણે ખાસ કરીને 6 જિલ્લામા થયેલા ભારે વરસાદની સ્થિતિની સમીક્ષા કરી હતી.મુખ્યમંત્રીએ આ ઓપરેશન સેન્ટરની હોટ લાઈનથી છોટાઉદેપુર કલેકટર કંટ્રોલ રૂમમાં વાતચીત કરી સ્થિતીનો તાગ મેળવ્યો હતો. 

 

11/07/2022 07:20:06

મેઘરાજાએ મધ્ય ગુજરાત અને દક્ષિણ ગુજરાતને ઘમરોળ્યુ, જનજીવન થયું અસ્તવ્યસ્ત

Gandhinagar : દક્ષિણ ગુજરાતમાં અને ખાસ કરીને છોટાઉદેપુર નવસારી અને વલસાડમાં પડેલા ભારે વરસાદને લઈને મુખ્યમંત્રી ભુપેન્દ્ર પટેલે ઉચ્ચસ્તરીય સમીક્ષા બેઠક કરી હતી. રાજકોટ જિલ્લાના પ્રવાસમાંથી પરત આવી હેલિપેડથી સીધા જ ગાંધીનગરના સ્ટેટ ઈમર્જન્સી ઓપરેશન સેન્ટર પહોંચ્યા હતા.તેમણે ખાસ કરીને 6 જિલ્લામા થયેલા ભારે વરસાદની સ્થિતિની સમીક્ષા કરી હતી.મુખ્યમંત્રીએ આ ઓપરેશન સેન્ટરની હોટ લાઈનથી છોટાઉદેપુર કલેકટર કંટ્રોલ રૂમમાં વાતચીત કરી સ્થિતીનો તાગ મેળવ્યો હતો. 

 

11/07/2022 07:18:39

છોટાઉદેપુર, નવસારી અને વલસાડમાંથી 1470 લોકો સહીત રાજ્યમાં 3250 લોકોનું સ્થળાંતર

દક્ષિણ ગુજરાતના ત્રણ જિલ્લામાં 1470 લોકોનું સ્થળાંતર 
મુખ્યમંત્રી ભુપેન્દ્ર પટેલે રાજ્યમાં આજે દિવસ દરમિયાન દક્ષિણ અને મધ્ય ગુજરાતના 6 જિલ્લાઓ છોટાઉદેપુર, ડાંગ, નર્મદા, વલસાડ, નવસારી અને પંચમહાલમાં થયેલા વ્યાપક અને ભારે વરસાદને પરિણામે સર્જાયેલી સ્થિતિની ઉચ્ચસ્તરીય સમીક્ષા આ જિલ્લાના જિલ્લા કલેકટરો સાથે ગાંધીનગર સ્ટેટ ઇમર્જન્સી ઓપરેશન સેન્ટર SEOCથી કરીને સ્થિતિનો સંપૂર્ણ જાયજો મેળવ્યો હતો.

આ જિલ્લાઓમાં નીચાણવાળા વિસ્તારમાં તથા કાચા મકાનમાં રહેલા લોકોના સલામત સ્થળાંતર અને તેમની ભોજન-આરોગ્ય સહિતની વ્યવસ્થાઓ સુનિશ્ચિત કરવા તેમણે સૂચનાઓ આપી હતી.છોટાઉદેપુરમાં 400 લોકો નવસારીમાં 550 લોકો અને વલસાડમાં 470 લોકો સહિત રાજ્યમાં 3250 લોકોનું સલામત સ્થળે સ્થળાંતર કરવામાં આવેલું છે. 

11/07/2022 07:17:22

અમદાવાદમાં મેઘરાજાની તોફાની બેટિંગ બોપલ વિસ્તારની ઇન્ડિયા કોલોની સહિતની આ સોસાયટી પાણીમાં ગરકાવ

અમદાવાદમાં ગઇકાલે સાંજથી મેઘરાજાની ધમાકેદાર એન્ટ્રી જતાં સમગ્ર અમદાવાદ પાણી-પાણી થઇ ગયું. પ્રહલાદનગર,બોપાલ વિસ્તારની અનેક સોસાયટી પાણીમાં ગરકાવ થઇ ગઇ....

અમદાવાદમાં ગઇકાલે સાંજથી મેઘરાજાની ધમાકેદાર એન્ટ્રી જતાં સમગ્ર અમદાવાદ પાણી-પાણી થઇ ગયું. પ્રહલાદનગર,બોપાલ વિસ્તારની અનેક સોસાયટી પાણીમાં ગરકાવ થઇ ગઇ..અમદાવાદમાં ગઇ કાલ સાંજે મૂળધાર વરસાદ વરસતાં સાંજે ઓફિસથી દુકાનથી ઘરે જતાં લોકોએ ભારે પરેશાનીનો સામનો કરવો પડી રહ્યો છે. સવાર સુધી પણ પાણી ન ઓસરતાં સવારે પણ ઓફિસ જતાં લોકો ભારે હાલાકીનો સામનો કરી રહ્યાં છે.

અમદાવાદમાં ભારે વરસાદના કારણે રોડ રસ્તા સહિત અનેક સોસાયટીઓમાં પણ પાણી ભરાઇ ગયા હતા. રાત્રિ વરસતાં અવિરત વરસાદના કારણે બોપલની અનેક સોસાયટીઓ માં પાણી ભરાયાં છે. સતરલિંગ સિટી, ઇન્ડિયા કોલોની પાણીમાં ગરકાવ થઇ ગઇ છે. ઉપરાંત શ્યમવૃંદ ટેનામેંટ, આત્મજ્યોતી સોસાયટીમાં પાણી ઘૂસી ગયા છે. જલદીપ બંગલો, બિગડેડી ચાર રસ્તા પાણીમાં ગરકાવ થઇ ગઇ છે.