Gujarat Rain Forecast:હવામાન વિભાગની (Meteorological Department) આગાહી (Forecast,)મુજબ રાજ્યના 27 જિલ્લામાં હળવાથી મધ્યમ વરસાદની હવામાન વિભાગે આગાહી કરી છે. . અલગ અલગ જિલ્લાના છુટાછવાયા સ્થળો પર આજે હળવોથી મધ્યમ વરસાદ (rain) વરસી શકે છે.
ઉત્તર ગુજરાતના છ જિલ્લામાં હળવોથી મધ્યમ વરસાદ (rain)વરસી શકે છે.. બનાસકાંઠા, પાટણ, મહેસાણા, સાબરકાંઠા,ગાંધીનગર અને અરવલ્લી જિલ્લાના છુટાછવાયા સ્થળો પર ઝરમર વરસાદ (rain) વરસી શકે છે
મધ્ય ગુજરાતના આઠ જિલ્લામાં આજે વાદળછાયા વાતાવરણ વચ્ચે મધ્યમ વરસાદ વરસી શકે છે. ખેડા,અમદાવાદ, આણંદ, પંચમહાલ, દાહોદ, મહિસાગર, વડોદરા અને છોટા ઉદેપુર જિલ્લાના છુટાછવાયા સ્થળો પર હળવાથી મધ્યમ વરસાદની (rain) શક્યતા છે.
દક્ષિણ ગુજરાતના સાત જિલ્લાના છુટાછવાયા સ્થળો પર મધ્યમ વરસાદની હવામાન વિભાગે આગાહી વ્યક્ત કરી છે. નર્મદા, ભરૂચ, સુરત, ડાંગ, તાપી, નવસારી અને વલસાડમાં હળવોથી મધ્યમ વરસાદ વરસી શકે છે.
કચ્છ સહિત સૌરાષ્ટ્રના છ જિલ્લાના છુટાછવાયા સ્થળો પર આજે સામાન્ય વરસાદની હવામાન વિભાગે આગાહી વ્યક્ત કરી છે. રાજકોટ, જૂનાગઢ, અમરેલી, ભાવનગર, ગીર સોમનાથ અને બોટાદમાં ઝરમર વરસાદ વરસી શકે છે.
સંઘ પ્રદેશ દીવ, દમણ અને દાદરાનગર હવેલીના છુટાછવાયા સ્થળો પર આજે ઝરમર વરસાદ વરસી શકે છે. સંઘ પ્રદેશોમાં મોસમનો મિજાજ બદલાય શકે છે, અહીં સામાન્ય વરસાદની આગાહી છે.
રાજ્યના આટલા ડેમમાં થયા ઓવરફ્લો
રાજ્યના કુલ 207 પૈકી 116 જળાશયો સંપૂર્ણ ભરાયા છે. કચ્છ-સૌરાષ્ટ્રના 94 જળાશયો ઓવરફ્લો થયા છે. તો મધ્ય ગુજરાતના 11, દક્ષિણ ગુજરાતના નવ અને ઉત્તર ગુજરાતના બે જળાશયો ઓવરફ્લો છે.પાણીની ભારે આવકથી રાજ્યના 172 જળાશયો હાઈએલર્ટ, એલર્ટ અને વોર્નિંગ પર છે. 90 ટકાથી વધુ ભરાયેલા 151 ડેમ હાઈએલર્ટ પર છે. 80થી 90 ટકા ભરાયેલા 10 ડેમ એલર્ટ, તો 70થી 80 ટકા ભરાયેલા 11 ડેમ વોર્નિંગ પર છે.
ચોમાસાની સિઝનનો ક્યો કેટલો વરસ્યો વરસાદ
ચોમાસાની સિઝનનો રાજ્યમાં અત્યાર સુધીમાં 125.07 ટકા વરસાદ વરસ્યો છે. સૌથી વધુ કચ્છમાં સિઝનનો 183.32 ટકા વરસાદ વરસ્યો છે. જ્યારે સૌરાષ્ટ્રમાં સિઝનનો 129.74 ટકા વરસાદ વરસી ચૂક્યો છે.દક્ષિણ ગુજરાતમાં ચોમાસાની સિઝનનો અત્યાર સુધીમાં 129.37 ટકા વરસાદ વરસી ચૂક્યો છે.. જ્યારે મધ્ય ગુજરાતમાં ચોમાસાની સિઝનનો અત્યાર સુધીમાં 121.11 ટકા વરસાદ વરસી ચૂક્યો છે. તો ઉત્તર ગુજરાતમાં ચોમાસાની સિઝનનો 107.66 ટકા વરસાદ વરસી ચૂક્યો છે.
આ પણ વાંચો
આ સરકારી યોજનાથી 20 લાખથી વધુ લોકોને મળશે રોજગારી, મોદીએ ગુજરાતમાં કરી મોટી જાહેરાત