ગાંધીનગર: હવામાન વિભાગની આગાહી વચ્ચે રાજ્યમાં આજે વહેલી સવારથી જ અનેક જિલ્લાઓમાં વરસાદ વરસ્યો છે. જૂનાગઢ જિલ્લામાં આજે સવારથી જ વાદળછાયા વાતાવરણ વચ્ચે સૌથી વધુ વરસાદ વરસ્યો છે. જૂનાગઢ જિલ્લામાં કેશોદમાં આજે ધોધમાર વરસાદ વરસ્યો છે. કેશોદમાં સૌથી વધુ 5 ઈંચથી વધુ વરસાદ નોંધાયો છે. કેશોદ તાલુકામાં ચાડા પાંચ ઈંચ વરસાદ ખાબકતા જળબંબાકારની સ્થિતિ જોવા મળી રહી છે. સવારથી બપોરના ત્રણ વાગ્યા સુધીમાં ચાડા પાંચ ઈંચ વરસાદ પડતા ચારે તરફ પાણી જ પાણી થઈ ગયા હતા.
ગ્રામ્ય વિસ્તારોમાં પણ ભારે વરસાદ પડી રહ્યો છે. વાડી વિસ્તારોના રસ્તાઓમાં નદી જેવો માહોલ સર્જાયો છે. ભારે વરસાદને કારમે ચેકડેમ અને તળાવો છલકાઈ ગયા છે. આ ઉપરાંત ખેતરોમાં પાણી ભરાયા છે. નોંધનીય છે કે, મૌસમનો કુલ સાડા એકવીસ ઈંચ વરસાદ પડી ચૂક્યો છે. ઉપરવાસમાં ભારે વરસાદના કારણે ઘેડ પંથકમાં ફરીથી જળબંબાકાર જેવી સ્થિતિ જોવા મળી રહી છે.
જૂનાગઢના માંગરોળ તાલુકાના સરસાલી ગામમાં જળબંબાકાર જેવી સ્થિતિ સર્જાઈ છે. ખેતરોના પાળા તૂટવાના સમાચાર મળી રહ્યા છે. પાળા તૂટવાથી સરસાલી ગામ વરસાદી પાણી ધુસ્યા છે. ખેતરનું ધોવાણ થઇ ગયું હોવાના સમાચાર પ્રાપ્ત થઈ રહ્યા છે. પાળા તૂટવાથી સરસાલી ગામ સંપર્ક વિહોણું બન્યું છે. રોડ રસ્તાઓ પાણીમાં ગરકાવ થયા છે. રોડ સ્તાઓ પર ગોઠણ ડુબ પાણી વહેતા જોવા મળી રહ્યા છે. જાણે શેરીઓમાં નદીઓ બની ગામમાંથી પસાર થઈ રહી હોય તેવા દ્રશ્યો સર્જાયા છે. પાણીનો તેજ પ્રવાહ સરસાલી ગામની શેરીયોમાથી વહી રહ્યો છે. લોકોને અવરજવર કરવામાં મુશ્કેલી પડી રહી છે. અનેક નીચાણવાળા વિસ્તારોમાં ઘરોમાં પાણી ઘૂસી ગયા છે. ઘરમાં પાણી ઘૂસી જતા ઘરવખળીને નુકશાની પહોંચી છે.
આજે આ તાલુકાઓમાં વરસાદ
કેશોદ 5.5 ઈંચ
પલસાણા 3.5 ઈંચ
માણાવદર 3.5 ઈંચ
મેંદરડા 3.5 ઈંચ
વાપી 3 ઈંચ
ગણદેવી 3 ઈંચ
વિસાવદર 3 ઈંચ
કપરાડા 2.5 ઈંચ
ઉમરપાડા 2.5 ઈંચ
ધોરાજી 2 ઈંચ
તિલકવાડા 2 ઈંચ
સુરત શહેર 2 ઈંચ
પારડી 2 ઈંચ
વંથલી 2 ઈંચ
ભેંસાણ 2 ઈંચ
છોટાઉદેપુર 1.5 ઈંચ
જૂનાગઢ 1.5 ઈંચ
વલસાડ 1.5 ઈંચ
માંગરોળ (જૂનાગઢ) 1.5 ઈંચ
બગસરા 1 ઈંચ
નવસારી 1 ઈંચ
મહુવા (સુરત) 1 ઈંચ
વઘઈ 1 ઈંચ
ડોલવણ 1 ઈંચ
ઉપલેટા 1 ઈંચ
શિહોર 1 ઈંચ
ચિખલી 1 ઈંચ
બોટાદ 1 ઈંચ
માળિયા હાટિના 1 ઈંચ