સરિતા ગાયકવાડને પોલેન્ડમાં તાલિમ દરમિયાન પગમાં ઇજા પહોંચી હતી. તેના બાદ નવસારી ખાતે એક હોસ્પિટલમાં નાનું ઓપરેશન કરાવ્યું છે. લાંબા સમયથી સરિતાના પગમાં એક નાનકડી ગાંઠ હતી જેને ઓપરેશન દ્વારા દૂર કરવામાં આવી છે. ડોક્ટરોએ તેને થોડો સમય આરામ કરવાની સલાહ આપી હોવાથી 28 તારીખે દોહામાં રમાનારી આંતરાષ્ટ્રીય સ્પર્ધામાંથી બહાર થઈ ગઈ છે. જેને લઈ સરિતાએ અફસોસ વ્યક્ત કર્યો છે.
સરિતાએ જણાવ્યું હતું કે દોડવીરોને તાલિમ દરમિયાન કે રમતમાં નાની મોટી ઇજાઓ પહોંચતી હોય છે જોકે તેનાથી મારી રમત પર કોઈ અસર નહીં પડે.' તેણે કહ્યું કે આ સ્પર્ધા ઑલિમ્પિક બાદ સૌથી મોટી છે તેથી તેમાં ભાગ ન લેવાનું દુ:ખ છે પરંતુ હું હતાશ નથી. રમતવીરો આ પ્રકારની સમસ્યાઓમાંથી પસાર થતાં હોય છે તેથી આગામી સમયમાં હું મેદાન પર ફરીશ.