સુરેન્દ્રનગરઃ સરલા દુધઈની સીમ વિસ્તારમાં દિપડાએ દેખા દેતાં ખેડૂતોમાં ભયનો માહોલ જોવા મળી રહ્યો છે. મુળી તાલુકાનાં સરલા, દુધઈ, ટીકર અને ખાટડી ગામોનાં સીમ વિસ્તારમાં હાદાસરમાં આજે દિપડાએ દેખા દેતાં ખેડૂતોમાં ભયનો માહોલ છે. કાલે સાત વાગ્યાનાં અરસામાં હાદાસર વિસ્તારમાં વાડી ધરાવતા વિપુલભાઈ પટેલ ટ્રેક્ટર ચલાવતાં હતાં ત્યારે અચાનક દિપડો ચડી આવ્યો હતો.
વિપુલ નાગરભાઈ પટેલ નામના સડલાના ખેડૂતે કહ્યું કે, હું ટ્રેક્ટર ચલાવતો હતો અને પાછળ જોયું તો દીપડો જોયો. આથી ટ્રેક્ટર લઈને હું દૂર જતો રહ્યો. અંધારું હોવાથી ફોટા આવે તેમ ન હોવાથી ફોટા નથી પાડ્યા. આ પછી દીપડો જતો રહ્યો. દીપડો ખાલી 20 ફૂટ છેટો હતો.
ખેડૂતોમાં નાસભાગ મચી જવા પામી હતી. નજરે જોનાર ખેડૂતે જણાવ્યું કે, ટ્રેક્ટરથી વીસ ફુટ જ દૂર દિપડો નજરે ચડ્યો હતો . તેઓ ટ્રેક્ટર લઇ દૂર ચાલ્યા ગયા હતા. આ વાત સમગ્ર પંથકમાં વાયુવેગે પ્રસરી ગઇ હતી અને ખેડૂતોમાં હાલ ભયનું વાતાવરણ ફેલાયું છે.
Mehsana : દીકરી માટે છોકરો જોવા ગયેલા પરિવારને નડ્યો અકસ્માત, માતા સહિત બેનાં મોતથી અરેરાટી
મહેસાણાઃ વિસનગરમાં દીકરી માટે છોકરો જોવા ગયેલા પરિવારને અકસ્માત નડ્યો હતો. માતા સહિત બેના ઘટના સ્થળે જ મોત નીપજ્યા છે. નંદાસણ પાસે સામેથી આવી રહેલી કાર સાથે અકસ્માત સર્જાયો હતો. એક કારનું ટાયર ફાટતા બીજી કાર સાથે અકસ્માત સર્જાયો હતો. બુડાસણ ગામના પરિવારને નંદાસણ પાસે અકસ્માત નડ્યો હતો. કારના ડ્રાઈવર સહિત બે લોકોના મોત થયા છે. બુડાસણનો પરિવાર દીકરી માટે સગપણ જોઈને પરત ફરી રહ્યો હતો ત્યારે બનાવ બન્યો હતો.
અન્ય એક અકસ્માતની વાત કરીએ તો પશ્ચિમ કચ્છના ધાણેટી પાસે અકસ્માતમાં બન્ને ચાલકના મોત નીપજ્યા છે. ટ્રક અને ડમ્પર ચાલકના ઘટના સ્થળે મોત નીપજ્યા હતા. આગ લાગવાના કારણે બન્ને ડ્રાઇવર સળગીને ભડથું થઈ ગયા. ગત મોડી રાત્રે ભુજ-ભચાઉ હાઇવે ઉપર અકસ્માત સર્જાયો હતો.
આ સિવાય, વડોદરામાં રાત્રે પૂરપાટ ઝડપે આવતા કારચાલકે સાયકલ સવારને અડફેટે લીધો હતો. અલકાપુરી વિન્ડસર પ્લાઝા પાસે અકસ્માત થયો હતો. કાર ચાલક ગજેન્દ્ર ગોસ્વામીએ સ્ટેરિંગ પરથી કાબુ ગુમાવતાં અકસ્માત થયો. અકસ્માત બાદ કાર ડીવાઈડર તોડી રોંગ સાઈડ પલટી મારી હતી. રેસ્ટોરન્ટમાં નોકરી પૂરી કરી ઘરે પરત ફરતાં દલપત બારીયા અકસ્માતમાં ગંભીર રીતે ઇજાગ્રસ્ત થયા. કારચાલક નશો કરેલી હાલતમાં હોવાનો લોકોનો આક્ષેપ. ગોત્રી પોલીસે ગુનો નોંધી વધુ તપાસ હાથ ધરી.