Weather Live Updates: અમરેલી જિલ્લામાં સતત ચોથા દિવસે કમોસમી વરસાદ, જાણો ક્યાં સુધી રહેશે માવઠાની અસર

Weather Updates: હવામાન વિભાગની આગાહીને પગલે ગુજરાતના અનેક વિસ્તારોમાં વાતાવરણમાં પલટો આવ્યો છે.

બ્રેકગ્રાઉન્ડ

Weather Updates: ગુજરાતના ખેડૂતો માટે ખરાબ સમાચાર આવ્યા છે. હવામાન વિભાગે આગાહી કરી છે કે હજુ આગામી બે દિવસ કમોસમી વરસાદ વરસશે. હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સ અને એક સિસ્ટમ બનવાને કારણે ગુજરાતમાં વરસાદી માહોલ રહેશે. હવામાન વિભાગના મતે ભારે પવન અને કરા સાથે વરસાદ વરસશે. આજે અમદાવાદ, બોટાદ, ભાવનગર, સુરેન્દ્રનગર, ગાંધીનગર, સાબરકાંઠા, અરવલ્લી, સુરત, ડાંગ, તાપી, નર્મદા, છોટાઉદેપુર, વડોદરા તો આવતીકાલે અમદાવાદ, ગાંધીનગર, દાહોદ અને ડાંગમાં વરસાદ વરસી શકે છે. હવામાન વિભાગના અનુસાર, કમોસમી વરસાદને લઈ ત્રણ દિવસ તો તાપમાનનો પારો સ્થિર રહેશે. પરંતુ ત્યારબાદ 10 માર્ચથી તાપમાનનો પારો 3 ડિગ્રી વધી શકે છે.શેત્રુજી નદીમાં ભર ઉનાળે પૂર આવ્યું, અમરેલીમાં આભમાંથી વરસ્યા કરાહવામાન વિભાગની આગાહીને પગલે આજે રાજ્યના 15 જિલ્લામાં વરસાદ પડ્યો છે. જેના કારણે ખેતીના પાકને મોટી નુકસાની ગઈ છે. કેરી,ચીકુ અને કપાસના પાકને મોટી નુકસાની ગઈ છે. અમરેલી અને જુનાગઢ વિસ્તારમાં ભારે વરસાદને કારણે નદીઓમાં પુરની સ્થિતિ જોવા મળી હતી. જૂનાગઢના આંબાજળ નદીમાં પૂર આવ્યું હતું. વિસાવદર પંથકમાં વરસાદથી રસ્તાઓ પર પાણી ભરાઈ ગયા હતા. મુંડીયારાવણી, વેકરીયા, રાજપરા ગામમાં ભારે પવન સાથે વરસાદ પડ્યો હતો. કમોસમી વરસાદથી ખેડૂતોને નુકસાનની ભીતિ છે.તો બીજી તરફ  અમરેલી જિલ્લામાં વરસાદ આવતા નદીમાં પુર આવ્યું હતું. ધારી પંથકમાં ધોધમાર વરસાદ પડ્યો હતો. ધારીના બોરડી ગામે શેત્રુજી નદીમાં પૂર આવ્યું હતું. તો ધારીના મીઠાપુર નક્કી ગામે પણ નદીમાં પૂર આવ્યું હતું. ધારીના મીઠાપુર, દલખાણીયા, કુબડા, ચાચઇ પાણીયા,ગીગાસણ, ગોવિંદપુર, ફાચરિયા, સરસિયા, જીરા, ખિસરી સહિતના ગ્રામ્ય વિસ્તારોમાં વરસાદી માહોલ જોવા મળ્યો હતો. 

07/03/2023 17:17:28

અમરેલી જિલ્લામાં સતત ચોથા દિવસે કમોસમી વરસાદ

અમરેલી જિલ્લામાં સતત ચોથા દિવસે કમોસમી વરસાદ પડ્યો છે. કમોસમી વરસાદે ધારી પંથકને નિશાન બનાવ્યું છે. ધારીના ગીર કાંઠાના ચાંચઈ, પાણીયા, આંબાગાળા, સહિતના ગામોમાં કમોસમી વરસાદ છે. ક્યાંક વરસાદી છાંટા તો ક્યાંક હળવા ઝાપટાં પડ્યા છે. ચાર દિવસથી વરસતા કમોસમી વરસાદના કારણે ખેડૂતો મુશ્કેલીમાં મુકાયા છે. ધારી તાલુકાના ગ્રામ્ય વિસ્તારોમાં કમોસમી વરસાદના કારણે સૌથી વધુ નુકસાનની ભીતી છે.

07/03/2023 16:34:32

રાજકોટ મોસમી વરસાદને લઈને ખેતીવાડી અધિકારીઓ દ્વારા સર્વે શરૂ કરવામાં આવ્યો..

રાજકોટ મોસમી વરસાદને લઈને ખેતીવાડી અધિકારીઓ દ્વારા સર્વે શરૂ કરવામાં આવ્યો છે. જિલ્લા ખેતીવાડી અધિકારી અશોક સોજીત્રાએ કહ્યું, કમોસમી વરસાદના કારણે સૌથી વધુ ફરીયાદ જસદણ તાલુકામાંથી મળી, ત્યાં સર્વેની કામગીરી આજ સવારથી શરૂ કરાવી. મે પોતે રાજકોટ તાલુકાના 10 ગામોની મુલાકાત લીધી છે. રાજકોટ જિલ્લાની ખેતીલાયક જમીનમાં 95% પાકની લણણી થઈ ચૂકી છે, 5% પાક ખેતરમાં પાક ઉભો હોવાનું અનુમાન છે. કમોસમી વરસાદના કારણે ઉત્પાદનમાં કોઈ મોટો તફાવત જોવા નહિ મળે. કમોસમી વરસાદના કારણે તૈયાર થયેલ પાકની ગુણવત્તામાં ચોક્કસ ઘટાડો નોંધાશે, પડધરી, લોધિકા, ગોંડલ તાલુકામાંથી મોટા પ્રમાણમાં ફરીયાદો હજુ સુધી સામે નથી આવી.

07/03/2023 14:01:18

ક્યારથી ગરમીમાં થશે વધારો

આવતીકાલથી વરસાદ ન પડવાની શક્યતા છે. 40 km/h ની સ્પીડથી પવન ફુંકાવવાની શક્યતા છે. માવઠાને કારણે હવામાન વિભાગે ખેડૂતો માટે સાવચેતીના પગલાં લેવા જણાવાયું છે. 48 કલાક બાદ ગરમીમાં વધારો થશે

07/03/2023 13:57:44

રાજ્યમાં 24 કલાક સુધી રહેશે માવઠાની અસર

હવામાન વિભાગ દ્વારા માવઠાને લઈ આગાહી કરવામાં આવી છે. આગામી 24 કલાક સુધી માવઠું રહેવાની શક્યતા છે. રાજકોટ, અમરેલીમાં વરસાદની આગાહી છે, દક્ષિણ ગુજરાતમાં નવસારી, વલસાડ, સુરત, તાપીમાં વરસાદની આગાહી છે, જ્યારે દાહોદ અને પંચમહાલ, મહીસાગર અને અરાવલ્લીમાં પણ વરસાદની શક્યતા છે.

07/03/2023 11:33:11

રાજકોટ જિલ્લાના લોધિકામાં ધાણાના પાકમાં નુકસાન

કમોસમી વરસાદના કારણે રાજકોટ જિલ્લાના લોધિકમાં ધાણાના ભાવમાં 50 ટકા કરતા વઘારે ઘટ પડશે, ઉપરાંત  ધાણાની ક્વોલીટીમાં ઘટાડો થયો છે. હાલ ધાણાના  1000 થી  1200 ભાવ મળી રહ્યા છે, જેના વરસાદના કારણેે 400 થી 500 રુપિયા ભાવ મળશે.

07/03/2023 11:00:55

કમોસમી વરસાદ બાબતે કૃષિમંત્રી રાઘવજી પટેલનું નિવેદન

કમોસમી વરસાદ બાબતે કૃષિમંત્રી રાઘવજી પટેલે નિવેદન આપતાં કહ્યું, અગાઉથી જ ખેડૂતોને કમોસમી વરસાદ મામલે ચેતવ્યા હતા. વરસાદથી પાક પર થતી અસર માટે અગાઉથી સૂચના અપાય હતી. હજી પણ 2 દિવસના વરસાદની આગાહી છે. વરસાદ પર રિપોર્ટ આવશે, રિપોર્ટ બાદ નિર્ણય લેવામાં આવશે.

07/03/2023 10:57:32

દાહોદ જિલ્લામાં રાત્રિ દરમિયાન નોંધાયેલા વરસાદના આંકડા

દાહોદ  04 mm,  ઝાલોદમાં 17  mm, ફતેપુરા 2.mm વરસાદ નોંધાયો. ખેડૂતોનો ઘઉં અને મકાઈના પાકમાં નુકશાન. સિંગવડમાં વૃક્ષ અને વીજ પોલ ધરાશાય થયા બાદ અમુક વિસ્તારમાં વીજપુરવઠો બંધ.

 

07/03/2023 09:38:31

રાજકોટમાં વરસાદ સાથે વીજળી પડતા ત્રંબા ખાતે ખેડૂત નું થયું મોત

ગઇકાલે રાજકોટના ગ્રામીણ વિસ્તારમાં વીજળી પડવાની સંખ્યાબંધ ઘટનાઓ નોંધાઈ હતી. રાજકોટમાં વરસાદ સાથે વીજળી પડતા ત્રંબા ખાતે ખેડૂતનું  મોત થયું છે. માવઠા રૂપી વરસાદથી કેટલાક સ્થળે ખાનાખરાબી સર્જાઈ છે.

07/03/2023 09:37:28

મહીસાગર જિલ્લામાં ગત રાત્રિએ નોંધાયો સાર્વત્રિક વરસાદ.

મહીસાગર જિલ્લામાં ગત રાત્રિએ  સાર્વત્રિક વરસાદ પડ્યો. ખાનપુર તાલુકામાં 8 mm, સંતરામપુર તાલુકામાં 5mm, વીરપુર તાલુકામાં 4 mm, લુણાવાડા કડાણા 2- 2 mm વરસાદ નોંધાયો છે. વરસાદના કારણે ખેડૂતોનો ઘઉંનો પાક આડો પડી ગયો છે, જેના કારણે ખેડૂતોને રાતા પાણીએ રોવાનો વારો આવ્યો છે. નરોડા ગામે વરસાદ અને ભારે પવનને કારણે વીજ પોલ  ધરાશાઈ થયા હતા. 4 વીજ પોલ પડી જતા ગામમાં વીજ પુરવઠો ખોરવાયો હતો.

07/03/2023 09:14:04

રાજકોટ જિલ્લાના મોટાભાગના તાલુકાઓમાં ગઈકાલે પડેલા વરસાદથી શિયાળુ પાકને નુકસાન

રાજકોટ જિલ્લાના મોટાભાગના તાલુકાઓમાં ગઈકાલે પડેલા વરસાદથી શિયાળુ પાકને નુકસાન થયું છે. વરસાદ,કરા અને ભારે પવનથી મોટા પ્રમાણમાં નુકસાન થયું છે. મોટાભાગના ગામડાઓમાં ઘઉંનો ઊભો પાક સુઈ ગયો છે. રાજકોટ, લોધીકા, ગોંડલ, કોટડા સાંગાણી, પડધરી, જસદણ સહિતના તાલુકાઓમાં મોટા પ્રમાણમાં નુકસાન થયું છે. ખેડૂતો ના ઘઉં,ચણા,જીરું,લસણ ડુંગળી અને ધાણાના પાકમાં મોટા પ્રમાણમાં નુકસાન થયું છે. જિલ્લા ખેતીવાડી અધિકારીઓએ નુકસાનીનો સર્વે કરવો જરૂરી છે.

07/03/2023 09:12:04

પાટણ જિલ્લામાં મીની વાવાઝોડા સાથે કમોસમી વરસાદ વરસ્યો

પાટણ જિલ્લામાં ગઈકાલે મીની વાવાઝોડા સાથે કમોસમી વરસાદ વરસ્યો હતો. સમી તેમજ શંખેસ્વર, રાધનપુર માં મોડી રાત્રે ભારે પવન તેમજ વીજળીના કડાકા સાથે કમોસમી વરસાદ પડ્યો. જેના કારણે ખેડૂતોએ ભારે મહેનત કરી પાક તૈયાર કર્યા બાદ કુદરતી આફતે ખેડૂતની કમર તોડી છે. ભારે પવન સાથે પડેલા વરસાદમાં જીરું તેમજ ચણા અને એરંડા ના પાકમાં નુકસાન થયું છે.

07/03/2023 09:10:20

આગામી 3 કલાકમાં દક્ષિણ ગુજરાતમાં વરસાદની આગાહી

હવામાન વિભાગે આગામી 3 કલાકમાં  દક્ષિણ ગુજરાતમાં વરસાદની આગાહી કરી છે. સુરત,તાપી,ડાંગ,નવસારી,,વલસાડ,દાદનગર હવેલી અને દમણમાં વરસાદની આગાહી છે. સામાન્ય અને છૂટા છવાયા વરસાદની આગાહી છે, પવનની ગતિ 40 કિમી પ્રતિ કલાક રહેશે.

07/03/2023 09:09:30

રાજ્યમા 24 કલાકમાં 103 તાલુકામાં વરસાદ

રાજ્યમા 24 કલાકમાં 103 તાલુકામાં વરસાદ નોધાયો છે. સૌથી વધુ રાજકોટના કોટડાસાંગાણીમાં એક ઇંચથી વધુ વરસાદ પડ્યો છે. ઉપરાંત રાજ્યના અનેક તાલુકામાં 1 થી લઇને 9મિમી સુધી કમોસમી વરસાદ પડ્યો છે. રાજકોટના કોટડા સાંગાણી 27 મિમી, અમરેલીના બગસરામાં 23મિમી, રાજકોટના લોધીકામાં 19મિમી, દાહોદના ઝાલોદમાં 17 મિમી, સુરેન્દ્રનગરના સાયલામાં 13મિમી, રાજકોટમાં 12 મિમી, નર્મદા ડેડિયાપાડામાં 12મિમી, ડાંગના સુબીરમાં 12મિમી, બનાસકાંઠાના ભાભરમાં 12મિમી, રાજકોટના ગોંડલમાં 10મિમી, ગાંધીનગરના માણસામાં 10મિમી અને અમદાવાદના માંડલમાં 10મિમી વરસાદ નોંધાયો છે.