ગુજરાતના તાપમાનમાં 3 ડિગ્રીનો ઘટાડો થયો હોય તેવું લાગી રહ્યું છે. આજે અમદાવાદનું મહત્તમ તાપમાન 24 ડિગ્રીની આસપાસ રહેવાની સંભાવના છે જ્યારે લઘુત્તમ તાપમાન 10 ડિગ્રી પર રહેશે. આજ પ્રમાણે રાજ્યના વિવિધ શહેરોના તાપમાનમાં પણ ઘટાડો નોંધાયો છે.
આજથી ઠંડીના ચમકારામાં વધારો થયો છે. આગામી દિવસ સાઈક્લોનિક સરક્યુલેશનની અસરના કારણે ઠંડીમાં વધારો થશે તેવું હવામાન વિભાગે કહ્યું હતું. સૌરાષ્ટ્ર અને કચ્છમાં ઠંડીના ચમકારામાં વધારો થયો છે. આગામી બે દિવસ બાદ ઠંડીના ઘટશે તેવી સંભાવના વ્યક્ત કરવામાં આવી રહી છે.
એટલે કે રવિવાર સુધી રાજ્યનું લઘુત્તમ તાપમાન 8 ડિગ્રીની આસપાસ રહે તેવી સંભાવના છે. સોમવારે સૌરાષ્ટ્ર અને કચ્છ તથા ઉત્તર ગુજરાતમાં થયેલા વરસાદના કારણે પણ અહીં ઠંડીનું પ્રમાણ વધારે અનુભવાઈ રહ્યું છે. જોકે મંગળવારે સાંજે 5 વાગ્યા સુધીના આંકડા પર નજર કરીએ તો નલિયા 6.2 ડિગ્રી સાથે રાજ્યનું સૌથી ઠંડું શહેર બન્યું હતું.
આ ઉપરાંત ભુજમાં 9.2, ડિસામાં 9.4, રાજકોટમાં 12, કેશોદ-જૂનાગઢમાં 11.2, ગાંધીનગરમાં 11.8 અને અમદાવાદમાં 12.8 ડિગ્રી નોંધાયું હતું. આગામી પાંચ દિવસના હવામાન પર નજર કરીએ તો રાજ્યમાં વરસાદની સંભાવના નહિવત્ છે.