Happy New Year 2023: ગુજરાતમાં ક્લબ અને પાર્ટી પ્લોટમાં નવા વર્ષની ઉજવણી

Happy New Year 2023: વર્ષ 2023ને શરૂ થવામાં હવે થોડા જ કલાકો બાકી રહ્યા છે. નવા વર્ષને આવકારવા યુવાનોમાં થનગનાટ જોવા મળી રહ્યો છે.

31/12/2022 23:06:53

અમદાવાદમાં પણ નવા વર્ષની ઉજવણી કરવામાં આવી

દુનિયાભરના લોકો નવા વર્ષની ઉજવણી કરવામાં આવી રહી છે. ગુજરાત સહિત ભારતમાં પણ લોકો નવા વર્ષનું સ્વાગત કરી રહ્યા છે. અમદાવાદમાં પણ નવા વર્ષની ઉજવણી કરવામાં આવી હતી. સુરતમાં યુવાધન હિલોળે ચડ્યુ હતું. રાજકોટમાં ડીજેના તાલે યુવાઓ ઝૂમ્યા હતા. મહેસાણામાં ફાર્મ હાઉસમાં ડીજે પાર્ટીનું આયોજન કરાયુ હતું.

અમદાવાદમાં પણ પાર્ટી પ્લોટમાં ઉજવણી કરવા લોકો એકઠા થયા હતા. જામનગર, જૂનાગઢમાં પણ નવા વર્ષના સ્વાગત માટે લોકો એકઠા થયા હતા.  

 

31/12/2022 19:32:28

ન્યૂઝીલેન્ડ પછી ઓસ્ટ્રેલિયામાં નવા વર્ષની ઉજવણી

વિશ્વમાં ન્યૂઝીલેન્ડના ઓકલેન્ડ બાદ હવે ઓસ્ટ્રેલિયાના સિડનીમાં નવા વર્ષની ઉજવણીની શરૂઆત થઈ છે. લોકો રસ્તા પર ઉતરીને ઉજવણી કરી રહ્યા છે. આતશબાજી પણ કરવામાં આવી હતી

31/12/2022 16:59:49

ન્યૂઝીલેન્ડમાં ધમાકેદાર અંદાજમાં નવા વર્ષનું સ્વાગત

ન્યૂઝીલેન્ડમાં ધમાકેદાર અંદાજમાં નવા વર્ષનું સ્વાગત કરવામાં આવ્યું હતું. ઓકલેન્ડમાં ભવ્ય આતશબાજી સાથે વર્ષ 2023નો પ્રારંભ થયો હતો.

31/12/2022 14:56:58

મહાકાળમાં મોટી સંખ્યામાં ઉમટ્યા લોકો

શનિવારે વર્ષ 2022નો અંતિમ દિવસ અને આવતીકાલે રવિવાર હોવાથી મહાકાળના દર્શનાર્થે મોટી સંખ્યામાં લોકો ઉમટ્યા છે. જેના કારણે તમામ જગ્યાએ ટ્રાફિક જામના દ્રશ્યો સર્જાયા છે.

31/12/2022 12:17:48

સુરતમાં બેફામ બાઈક ચલાવવા,ફોર વ્હીલરના બોનેટ ઉપર કે ડિકી ખોલીને બેસવા પર પ્રતિબંધ

સુરતમાં નવા વર્ષને આવકારવા ડુમસ રોડ પર આવેલા પાર્ટી પ્લોટમાં આયોજન કરવામાં આવ્યું છે. સુરતીઓ આજે DJ તાલે ઝૂમી ઉઠશે. લાઈટ સાઉન્ડ,ઓરકેસ્ટ્રા સાથે સુરતીઓ નવા વર્ષને આવકારશે 31 ડિસેમ્બરને લઈને સુરત પોલીસ પણ એલર્ટ છે. જાહેર રસ્તા-રોડ ફૂટપાથ ઉપર દારૂખાનું, ફટાકડા ફોડવા, સળગાવવા આતશબાજી કરવા પર પ્રતિબંધ મુકવામાં આવ્યો છે. આ ઉપરાંત બેફામ બાઈક ચલાવવા, ફોર વ્હીલરના બોનેટ ઉપર કે ડિકી ખોલીને બેસવા પર પ્રતિબંધ છે. રસ્તાઓ પર પાણીની બોટલ ફેકવા, તલવાર કે મોટા ચાકુથી કેક કાપવા પર પ્રતિબંધ મુકવામાં આવ્યો છે. જાહેરનામાનો ભંગ કરનાર શિક્ષાને પાત્ર થશે

31/12/2022 12:14:38

દિલ્હીવાસીઓ નવા વર્ષની ઉજવણીમાં તરબોળ થવા આતુર

દિલ્હીવાસીઓ નવા વર્ષની ઉજવણીમાં તરબોળ થવા આતુર છે. યુવાનોથી લઈને વડીલો, બાળકો સુધી દરેકમાં ઉત્સાહ જોવા મળે છે. કોરોના રોગચાળાને કારણે છેલ્લા બે વર્ષના પ્રતિબંધો બાદ ઉત્સાહભેર ઉજવવામાં આવતા નવા વર્ષની ઉજવણીમાં વીકેન્ડે ચાર ચાંદ લગાવ્યા છે. ઉજવણીની મજા બમણી કરવા માટે દિલ્હીની રેસ્ટોરાં, બાર અને ફૂડ કોર્ટ પણ સજાવવામાં આવી છે. કનોટ પ્લેસ, ગ્રેટર કૈલાશ, સાઉથ એક્સટેન્શન રાજૌરી ગાર્ડનથી લઈને મુખ્ય બજારોમાં આવેલા તમામ શોપિંગ મોલ્સ અને શોરૂમ, રેસ્ટોરાં અને બારમાં વિશેષ તૈયારીઓ કરવામાં આવી છે. લોકોને આકર્ષવા માટે ઓફર્સ પણ આપવામાં આવી રહી છે.

31/12/2022 12:05:22

ઉત્તરાખંડમાં પણ પ્રવાસીઓ ઉમટ્યાં

ઉત્તરાખંડમાં નવા વર્ષની ઉજવણી કરવા મોટી સંખ્યામાં આવતા પ્રવાસીઓની સુરક્ષા માટે રાજ્ય સરકારે માર્ગદર્શિકા બહાર પાડી છે. મસૂરી, નૈનીતાલ, દેહરાદૂન, ઋષિકેશ, હરિદ્વાર સહિત તમામ સ્થળોએ મોટાભાગની હોટેલો ભરેલી છે. તેને જોતા સરકારે પણ કડક સુરક્ષા વ્યવસ્થા કરી છે. આ સાથે અસામાજિક અને અરાજક તત્વો પર ચાંપતી નજર રાખવા અને તેમની સામે કડક કાર્યવાહી કરવાની પણ તૈયારી છે.

31/12/2022 12:04:24

કોમેડિયન કપિલ શર્મા સહિત અનેક હસ્તીઓ નવા વર્ષની ઉજવણી કરવા મનાલી પહોંચી

તાજી હિમવર્ષા બાદ શુક્રવારે પ્રવાસીઓ મજા માણવા મનાલી, નારકંડા, ડેલહાઉસી વગેરે સ્થળોએ પહોંચ્યા હતા. બોલિવૂડ એક્ટર અને કોમેડિયન કપિલ શર્મા સહિત અનેક હસ્તીઓ નવા વર્ષની ઉજવણી કરવા મનાલી પહોંચી છે.

31/12/2022 12:03:19

હિમાચલ પ્રદેશમાં ટ્રાફિક જામ

હિમાચલ પ્રદેશમાં નવા વર્ષની ઉજવણી માટે મોટી સંખ્યામાં પ્રવાસીઓ આવી રહ્યા છે. જેના પરિણામે તમામ રોડ રસ્તા પર ટ્રાફિક જામના દ્રશ્યો સર્જાયા છે.

બ્રેકગ્રાઉન્ડ

Happy New Year 2023: વર્ષ 2023ને શરૂ થવામાં હવે થોડા જ કલાકો બાકી રહ્યા છે. નવા વર્ષને આવકારવા યુવાનોમાં થનગનાટ જોવા મળી રહ્યો છે. ન્યૂ યર પાર્ટી માટે નિયમો તોડનારને અમદાવાદ પોલીસે અદભૂત રીતે ચેતવણી આપી છે. અમદાવાદ પોલીસે અમારી મહેમાનગતિથી સાવચેત રહેજો તેવી પોસ્ટ કરી છે. પોસ્ટમાં રેસ લગાવનારાઓ,દારુ પીને વાહન ચાલવાનારાઓની પોલીસ સ્ટેશનમાં ફ્રી એન્ટ્રીની કરવામાં આવશે તેવો ઉલ્લેખ છે.