હંગામાના કારણે સંસદના બંન્ને ગૃહોની કાર્યવાહીમાં અડચણ ઉભી થઇ હતી. જેને કારણે લોકસભાની કાર્યવાહી બપોરે 12 વાગ્યા અને રાજ્યસભા બપોરે બે વાગ્યા સુધી સ્થગિત રહી હતી. 12 વાગ્યે લોકસભાની કાર્યવાહી ફરી શરૂ થઇ હતી જે બપોરે બે વાગ્યા સુધી ફરીવાર સ્થગિત કરી દેવાઇ હતી.
કોગ્રેસના સાંસદોએ ‘બંધારણની હત્યા બંધ કરો...બંધ કરો’ના નારા લગાવ્યા હતા. આ વચ્ચે લોકસભાના અધ્યક્ષ ઓમ બિરલાએ રાહુલ ગાંધીને પ્રશ્વ પૂછવા માટે આમંત્રણ આપ્યુ પરંતુ રાહુલ ગાંધીએ મહારાષ્ટ્રનો મુદ્દો ઉઠાવતા કહ્યું કે, હું આજે સવાલ પૂછવા આવ્યો હતો પરંતુ સવાલ પૂછવાનો કોઇ અર્થ નથી કારણ કે મહારાષ્ટ્રમાં લોકતંત્રની હત્યા થઇ છે. એટલા માટે મારો સવાલ પૂછવાનો કોઇ અર્થ નથી.