તેમણે જણાવ્યું કે સર્ચ ઓપરેશન દરમિયાન આતંકવાદીઓએ સુરક્ષાદળો પર ફાયરિંગ કર્યું હતું, બાદમાં બંને વચ્ચે અથડામણ શરૂ થઈ હતી. એક અધિકારીએ જણાવ્યું કે અથડામણમાં બે આતંકવાદીના મોત થયા છે. આતંકવાદીઓની ઓળખ કરવામાં આવી રહી છે.
આ પહેલા ભારતીય સુરક્ષાદળોએ આતંકીઓને આત્મસમર્પણ કરવાનું કહ્યું પરંતુ આતંકીઓએ ફાયરિંગ ચાલુ રાખ્યું હતું. બાદમાં સુરક્ષાદળોએ પણ ફાયરિંગ શરૂ કર્યું હતું. ફાયરિંગના અવાજથી લાગી રહ્યું હતું કે આ વિસ્તારમાં ત્રણ આતંકી હોઈ શકે છે. બંને તરફથી થયેલા ફાયરિંગમાં બે આતંકી માર્યા ગયા જ્યારે એક આતંકીની શોધખોળ શરૂ છે.