DELHI : આવતીકાલે 15 ઓગષ્ટ 2022 એટલે આઝાદીનો 76મોં સ્વતંત્રતા દિવસ. આ દિવસ આઝાદીના 75 વર્ષ પુરા થવા સાથે અનેક રીતે ખાસ રહેવાનો છે. પીએમ મોદી સતત 9મી વાર લાલ કિલ્લા પરથી રાષ્ટ્રને સંબોધિત કરશે, તો દેશના ઇતિહાસમાં પ્રથમવાર સ્વદેશી તોપથી રાષ્ટ્રધ્વજને સલામી આપવામાં આવશે.
અત્યાર સુધી બ્રિટિશ પાઉન્ડર તોપનો થતો હતો ઉપયોગ
PM બરાબર 7.30 વાગ્યે લાલ કિલ્લા પર ધ્વજ ફરકાવશે. આ પછી તરત જ રાષ્ટ્રગીત વગાડવામાં આવશે અને 21 તોપોની સલામી આપવામાં આવશે. આઝાદીના 75 વર્ષ પછી પહેલીવાર એવું બનશે કે 21 તોપોની સલામીમાં સ્વદેશી તોપનો સમાવેશ કરવામાં આવશે. અત્યાર સુધી બીજા વિશ્વયુદ્ધની બ્રિટિશ પાઉન્ડર તોપથી 21 તોપોની સલામી આપવામાં આવતી હતી.
રાષ્ટ્રધ્વજને સ્વદેશી તોપોની સલામી
આ વર્ષે પ્રથમ વખત, લાલ કિલ્લા પર સ્વતંત્રતા દિવસની ઉજવણીમાં, વડાપ્રધાનને સ્વદેશી આર્ટિલરી બંદૂક 'અટગ'થી 21 તોપોની સલામી આપવામાં આવશે. આ વર્ષે લાલ કિલ્લા પર 21 તોપોની સલામીમાં છ બ્રિટિશ પાઉન્ડર ગન સાથે સ્વદેશી અટાગ તોપનો સમાવેશ થશે.
DRDO દ્વારા ટાટા અને ભારત-ફોર્જ કંપનીઓ સાથે મળીને એડવાન્સ્ડ ટોવ્ડ આર્ટિલરી ગન સિસ્ટમ (Advanced Towed Artillery Gun System - ATAGS) વિકસાવવામાં આવી છે. 155 x 52 કેલિબરની આ ATAGS ગન લગભગ 48 કિમીની રેન્જ ધરાવે છે અને તે ટૂંક સમયમાં ભારતીય સેનાની આર્ટિલરીનો ભાગ બનવા જઈ રહી છે.
‘દેશી બોફોર્સ તોપ’
DRDO ની પુણે સ્થિત લેબ આર્મમેન્ટ રિસર્ચ એન્ડ ડેવલપમેન્ટ એસ્ટાબ્લિશમેન્ટ (ARDE) ને ભારત ફોર્જ લિમિટેડ, મહિન્દ્રા ડિફેન્સ નેવલ સિસ્ટમ્સ, ટાટા પાવર સ્ટ્રેટેજિક અને ઓર્ડનન્સ ફેક્ટરી બોર્ડ દ્વારા વિકસાવવામાં આવી છે.
તેનું વિકાસ કાર્ય 2013 માં શરૂ થયું હતું અને પ્રથમ સફળ પરીક્ષણ 14 જુલાઈ 2016 ના રોજ કરવામાં આવ્યું હતું.
આ તોપનો ઉપયોગ અને વિશેષતા બોફોર્સ તોપ જેવી જ છે, તેથી તેને દેશી બોફોર્સ પણ કહેવામાં આવે છે.
એક મિનિટમાં સાત ગોળા છોડી શકે છે
સંરક્ષણ મંત્રાલયે કહ્યું કે તોપનો ઉપયોગ કરવાની પહેલ સ્વદેશી રીતે શસ્ત્રો અને દારૂગોળો વિકસાવવાની ભારતની વધતી ક્ષમતાનો પુરાવો હશે. ફંક્શન માટે તોપમાં કેટલાક ટેકનિકલ ફેરફારો કરવામાં આવ્યા છે. હોવિત્ઝર તોપ એક મિનિટમાં સાત ગોળા છોડી શકે છે. તોપની મારક ક્ષમતા 45 કિલોમીટરની છે.