કાશીપુરમાં લગ્ન સમારોહમાં સામેલ થયેલા લોકો સહિત કુલ 100 લોકોના 8 જુલાઈએ સેમ્પલ લેવામાં આવ્યા હતા. જેમાં શનિવારે 24 લોકો કોરના સંક્રમિત હોવની પુષ્ટિ થઈ હતી, જે પૈકી 14 લોકો લગ્ન સમારોહમાં સામેલ થયા હતા. એક જ દિવસમાં 24 લોકોમાં કોરોના સંક્રમણની પુષ્ટિ થયા બાદ તંત્રમાં હાહાકાર મચી ગયો હતો.
તંત્ર દ્વારા કાશીપુરમાં કોવિડ-19 પોઝિટિવ કેસની અચાનક વધેલી સંખ્યાને ધ્યાનમાં રાખી તાત્કાલિક અસરથી 11 જુલાઈ, શનિવારે સવારે 10 વાગ્યાથી આગામી 38 કલાક સુધી લોકડાઉનની જાહેરાત કરવામાં આવી છે. આ લોકડાઉન 12-13 જુલાઈની મધરાત સુધી લાગુ રહેશે. આ દરમિયાન તમામ પ્રકારની વ્યવસાયિક ગતિવિધિઓ પ્રતિબંધ રહેશે. લોકડાઉન દરમિયાન માત્ર દવાની દુકાન, દૂધ ડેરી ખોલવાની છૂટ આપવામાં આવી છે.