હાઇકોર્ટે યોગી સરકારને કહ્યું કે, પ્રદેશ સરકારને આ પ્રકારનો નિર્ણય લેવાનો અધિકાર નથી. ફક્ત સંસદ જ એસટી એસસી જાતિઓમાં ફેરફાર કરવાનો અધિકાર છે. ઉત્તર પ્રદેશની યોગી સરકારને 24 જૂનના રોજ શાસનાદેશ જાહેર કર્યો હતો. યોગી સરકારે 17 પછાત જાતિઓને અનુસુચિત જાતિઓની યાદીમાં સામેલ કરવામાં આવી હતી. આ જાતિઓને અનુસૂચિત જાતિઓની લિસ્ટમાં સામેલ કરવા પાછળ યોગી સરકારે કહ્યુ હતું કે, જાતિઓ સામાજિક અને આર્થિક રીતે વધુ પછાત છે.
યોગી સરકારે આ 17 પછાત જાતિઓને અનુસૂચિત જાતિનું પ્રમાણપત્ર આપવાનો નિર્ણય કર્યો હતો. આ માટે જિલ્લા અધિકારીઓને આ 17 જાતિઓના પરિવારોને જાતિ પ્રમાણ પત્ર આપવાનો આદેશ કર્યો હતો. આ જાતિઓમાં નિષાદ, બિંદ, મલ્લાહ, કેવટ, કશ્યપ, ભર, ધીવર, બાથમ, મછુઆરા, પ્રજાપતિ, રાજભર, કહાર, કુમ્હાર, ધીમર, માંઝી, તુરહા, ગૌડ વગેરેનો સમાવેશ થાય છે. આ જાતિઓને હવે એસસી કેટેગરીમાં નાખવામાં આવ્યા હતા. આ જાતિઓને પરિવારોને જાતિ પ્રમાણપત્ર જાહેર કરવાનો આદેશ આપ્યો હતો જેના પર હાઇકોર્ટે રોક લગાવી દીધી છે.