બેઝોસ સફેદ કુર્તો અને નારંગી રંગના જેકેટ પહેરી પુરી રીતે ભારતીય પહેરવેશમાં જોવા મળ્યા હતા. તેમણે રાજઘાટ પર મહાત્મા ગાંધીને શ્રદ્ધાંજલિ આપ્યા બાદ ટ્વિટ કર્યું હતું કે, થોડા સમય અગાઉ જ ભારત પહોંચ્યો છું , એ વ્યક્તિને શ્રદ્ધાંજલિ આપી જેણે વાસ્તવમાં દુનિયા બદલી હતી.
બેઝોસમાં ભારતમાં અમેઝોન દ્ધારા નાના અને મધ્યમ બિઝનેસમેન માટે આયોજીત બે દિવસ કાર્યક્રમમાં સામેલ થવા માટે આવ્યા છે. આ કાર્યક્રમ દિલ્હીમાં બુધવારથી શરૂ થશે. હાલમાં પ્રતિસ્પર્ધા આયોગ દ્ધારા અમેઝોન અને ફ્લિપકાર્ટ વિરુદ્ધ નિયમોના ભંગ બદલ તપાસ ચાલી રહી છે. આ તપાસ તેમના પ્રાયરિટી ડિસ્કાઉન્ટ્સ યોજનાઓ અંગે છે.
આ વચ્ચે દેશની એક મોટી બિઝનેસ સંસ્થા કન્ફડરેશન ઓફ ઇન્ડિયન ટ્રેડર્સે ઇ-કોમર્સ કંપનીઓના ડિસ્કાઉન્ટ પ્રેક્ટિસ વિરુદ્ધ દિલ્હીના જંતર-મંતર પર પ્રદર્શન કરવાનો નિર્ણય લીધો છે. નોંધનીય છે કે અમેઝોનના સીઇઓની કુલ સંપત્તિ 115 અબજ ડોલર છે.