BJP Candidates List 2021: આસામ વિધાનસભા ચૂંટણીને લઈ ભારતીય જનતા પાર્ટીએ આજે ઉમેદવારોની પ્રથમ યાદી જાહેર કરી છે. મુખ્યમંત્રી સર્બાનંદ સોનવાલ ગત વખતની જેમ જ માજુલીથી અને હેમંત બિસ્વા શર્મા બાલુકબરી બેઠક પરથી ચૂંટણી લડશે. ભાજપે આજે 70 ઉમેદવારોની પ્રથમ યાદી જાહેર કરી છે. ભાજપે 11 હાલના ધારાસભ્યોને ટિકિટ નથી આપી.
આસામમાં ભાજપ આસામ ગણ પરિષદ અને યૂનાઈટેડ પીપુલ્સ પાર્ટી લિબરલ સાથે ગઠબંધનન કરી ચૂંટણી લડી રહ્યું છે. ગઠબંધન કરાર મુજબ ભાજપ 92, એજીપી 26 અને યૂપીપીએલ 8 બેઠકો પર ચૂંટણી લડશે. ઉલ્લેખનીય છે કે ઉમેદવારોના નામ પર મંથન માટે ગુરુવારે દિલ્હીમાં ભાજપ કેંદ્રીય ચૂંટણી સમિતિની બેઠક મળી હતી. આ બેઠકમાં પીએમ મોદી, અમિત શાહ, ભાજપના અધ્યક્ષ જેપી નડ્ડા સહિત પાર્ટીના કેંદ્રીય ચૂંટણી સમિતિના સદસ્યો હાજર રહ્યા હતા. આસામમાં કુલ 126 વિધાનસભા બેઠકો પર 27 માર્ચથી ત્રણ તબક્કામાં મતદાન થશે. મતગણતરી 2જી મેના દિવસે કરવામાં આવશે.