Ayodhya Ram Mandir: PM મોદીએ કહ્યુ- 'આપણા રામલલા હવે ટેન્ટમાં નહી રહે, પ્રભુ દિવ્ય મંદિરમાં રહેશે '
Ayodhya Ram Mandir Inauguration Live Updates: રામ મંદિર પરિસર સહિત સમગ્ર અયોધ્યા ધામને ફૂલોથી શણગારવામાં આવ્યું છે
gujarati.abplive.com Last Updated: 22 Jan 2024 03:00 PM
બ્રેકગ્રાઉન્ડ
Ayodhya Ram Mandir Inauguration Live Updates: ભગવાનની કૃપાથી બધું જ શક્ય છે...એટલે કે ભગવાનની કૃપા હોય ત્યારે બધાં કામ થઈ જાય છે. હિન્દુ સમાજની 500 વર્ષની તપસ્યા બાદ આખરે સોમવારે...More
Ayodhya Ram Mandir Inauguration Live Updates: ભગવાનની કૃપાથી બધું જ શક્ય છે...એટલે કે ભગવાનની કૃપા હોય ત્યારે બધાં કામ થઈ જાય છે. હિન્દુ સમાજની 500 વર્ષની તપસ્યા બાદ આખરે સોમવારે ભગવાન શ્રી રામ લલા તેમના નવા, ભવ્ય અને દિવ્ય મહેલમાં નિવાસ કરવા જઈ રહ્યા છે. આજે રામલલાના મંદિરની પ્રાણ પ્રતિષ્ઠાની વિધિ સંત સમાજ અને પીએમ મોદી અને સીએમ યોગી સહિત ખાસ લોકોની હાજરીમાં પૂર્ણ થવા જઈ રહી છે. અયોધ્યા શહેરને ફૂલોથી શણગારવામાં આવ્યું છે. અવધપુરીમાં ઉત્સવનો માહોલ છે. સૂર્યવંશની રાજધાની અયોધ્યા ધામ સહિત દેશભરના મંદિરોમાં રામ સંકીર્તન અને રામ ચરિત માનસના પાઠ થઈ રહ્યા છે.ફૂલોથી સુશોભિત અયોધ્યામાં જન્મભૂમિ પથથી રામ પથ, ભક્તિપથ અને ધર્મપથ સુધી અલૌકિક આભા દેખાય છે. સાંસ્કૃતિક નૃત્ય અને સંગીતનાં સાધનો દ્વારા રાજ્યની તેમજ સમગ્ર દેશની પરંપરાઓ અને કલાઓને વિવિધ સ્થળોએ જોડવામાં આવી રહી છે. ભગવાન રામના ભજનો સર્વત્ર સંભળાઈ રહ્યા છે. સોમવારે સાંજે ભવ્ય રોશની ઉત્સવની તૈયારીઓ ચાલી રહી છે. એવું લાગે છે કે જાણે આખું સ્વર્ગ રઘુનંદનને નમસ્કાર કરવા પૃથ્વી પર આવી ગયું છે.અયોધ્યા પ્રાણ પ્રતિષ્ઠાની ઉજવણી માટે તૈયાર છેરામ મંદિર પરિસર સહિત સમગ્ર અયોધ્યા ધામને ફૂલોથી શણગારવામાં આવ્યું છે. જન્મભૂમિ સ્થળને વિવિધ પ્રકારના દેશી-વિદેશી ફૂલોથી શણગારવામાં આવ્યું છે, તો જન્મભૂમિ પથ, રામ પથ, ધરમ પથ અને લતા ચોકને પણ સુંદર ફૂલોથી શણગારવામાં આવ્યા છે. વિવિધ પ્રકારના સાંસ્કૃતિક કાર્યક્રમો માટે સ્ટેજ બનાવવામાં આવ્યા છે. વિવિધ ધર્મગુરુઓ દ્વારા વિવિધ સ્થળોએ રામ કથાનું આયોજન કરવામાં આવી રહ્યું છે અને વિવિધ દેશોમાં રામલીલાઓનું પણ આયોજન કરવામાં આવી રહ્યું છે. લતા ચોક ખાતે સ્થાપિત વીણાને પણ લાઇટિંગ અને ફૂલોના અદ્ભુત સંયોજનથી પ્રકાશિત કરવામાં આવી છે. સમગ્ર અયોધ્યા ધામમાં ભગવાન શ્રી રામના જીવન ચરિત્ર સાથે સંબંધિત વિવિધ પ્રસંગોને દિવાલ પેઇન્ટિંગ દ્વારા દર્શાવવામાં આવ્યા છે.દસ લાખ દીવા પ્રગટાવીને દિવાળી ઉજવવાની તૈયારીઅયોધ્યા તરફ જતા વિવિધ રાજમાર્ગોને પણ ફૂલો અને રોશનીથી શણગારવામાં આવ્યા છે. એકંદરે અયોધ્યા સ્વર્ગ સમાન અનુભવી રહી છે. આ સાથે અયોધ્યામાં સૂર્યાસ્ત બાદ 10 લાખ દીવાઓ સાથે દિવાળીની ઉજવણીની તૈયારીઓ પણ કરવામાં આવી છે. સાથે જ દેશ અને દુનિયાભરમાં દીપોત્સવની ઉજવણી કરવામાં આવશે. પીએમ મોદી અને સીએમ યોગીએ દેશવાસીઓને સૂર્યાસ્ત પછી 5 દીવા પ્રગટાવવાની અપીલ કરી છે.
તેમણે કહ્યું કે રામ વિવાદ નથી, પરંતુ સમાધાન છે
વડાપ્રધાન મોદીએ કહ્યું હતું કે રામ અગ્નિ નહી પરંતુ ઊર્જા છે. તેમણે કહ્યું કે રામ વિવાદ નથી, પરંતુ સમાધાન છે. પીએમ મોદીએ કહ્યું કે રામ ભારતની આસ્થા છે, રામ ભારતનો આધાર છે, રામ ભારતનો વિચાર છે, રામ ભારતનું વિધાન છે, રામ ભારતનું ચિંતન છે, રામ ભારતની પ્રતિષ્ઠા છે. રામ ભારતનો પ્રતાપ છે. રામ પ્રભાવ છે, રામ પ્રવાહ છે, રામ નિતિ પણ છે, રામ નિત્યતા છે, રામ નિરંતરતા પણ છે. રામ વ્યાપક છે. તેથી જ્યારે રામની પ્રતિષ્ઠા થાય છે તો તેનો પ્રભાવ સદીઓ સુધી ટકતો નથી, તેની અસર હજારો વર્ષો સુધી રહે છે.