Bengal Bandh: 'મોદી બાબૂ તમે બંગાળમાં આગ લગાવી રહ્યાં છો' - મમતા બેનર્જીનો મોટો આરોપ

Bengal Bandh: પશ્ચિમ બંગાળમાં ભાજપ દ્વારા અપાયેલા બંધને લઈને હોબાળો મચી ગયો છે. બુધવારે બપોરે રાજ્યના વડા મમતા બેનર્જીએ પોતે ચાર્જ સંભાળ્યો હતો

Bengal Bandh: પશ્ચિમ બંગાળમાં ભાજપ દ્વારા અપાયેલા બંધને લઈને હોબાળો મચી ગયો છે. બુધવારે બપોરે રાજ્યના વડા મમતા બેનર્જીએ પોતે ચાર્જ સંભાળ્યો હતો. આ દરમિયાન મમતાએ ભાજપ અને ખાસ કરીને પીએમ મોદી પર નિશાન સાધ્યું હતું. તેમણે બંગાળમાં થયેલી હિંસાનો સંપૂર્ણ દોષ ભાજપ પર નાખ્યો. પીએમ મોદી પશ્ચિમ બંગાળમાં આગ લગાવી રહ્યા હોવાનો પણ આક્ષેપ કર્યો હતો. મમતાએ કહ્યું કે જો તેઓ બંગાળમાં આવું કરશે તો મણિપુરમાં પણ આવું થશે.

મમતા બેનર્જીએ ભાષણની શરૂઆત કરતા કહ્યું કે, આજનો દિવસ એ મહિલાઓને સમર્પિત છે જેમને અત્યાચાર સહન કરવો પડ્યો છે. ખાસ કરીને આર.જી.ની દીકરી માટે મમતાએ કહ્યું કે ભાજપે આજે બંધનું એલાન આપ્યું છે. ભાજપ વાસ્તવિક આંદોલન પર પાણી નાંખી રહ્યું છે. એક ષડયંત્ર દ્વારા બંગાળને બદનામ કરવાનો પ્રયાસ કરવામાં આવી રહ્યો છે.

ઇડી, સીબીઆઇ પર શું બોલ્યા મમતા બેનર્જી 
મમતા બેનર્જીએ દેશની એજન્સીઓને કેન્દ્ર સરકારની ગુલામ ગણાવી છે. તેમણે કહ્યું કે ED, CBI બધા દલદાસ છે. આવી કેન્દ્ર સરકાર મેં ક્યારેય જોઈ નથી. મમતાએ કહ્યું કે ઉત્તર પૂર્વની દીકરીઓ હજુ પણ ન્યાયની રાહ જોઈ રહી છે. આસામમાં તેઓ એન્કાઉન્ટરમાં માર્યા ગયા. મણિપુર હજુ પણ ન્યાયની રાહ જોઈ રહ્યું છે.

બંગાળ બંધ દરમિયાન ભાજપ નેતાની કાર પર ફેંકાયો બોમ્બ, ફાયરિંગ પણ કરાયું 

પશ્ચિમ બંગાળના નોર્થ-24 પરગના જિલ્લામાં 12 કલાકના બાંગ્લા બંધ દરમિયાન ભારતીય જનતા પાર્ટી (ભાજપ)ના નેતા પ્રિયાંગુ પાંડે અજાણ્યા લોકો દ્વારા કથિત રીતે હુમલો કરવામાં આવ્યો હતો. પ્રિયાંગુ પાંડેએ આરોપ લગાવ્યો છે કે તૃણમૂલ કોંગ્રેસના કાર્યકરોએ તેમના પર ગોળીબાર કર્યો હતો. પ્રિયાંગુએ કહ્યું હતું કે જ્યારે તેઓ પોતાની કારમાં ભાટપારા જઈ રહ્યા હતા ત્યારે ટીએમસીના કાર્યકરોએ તેમની કારને નિશાન બનાવીને બોમ્બ પણ ફેંક્યા હતા. ભાજપના નેતા અને વિધાનસભામાં વિરોધ પક્ષના નેતા સુવેન્દુ અધિકારીએ પણ આનો એક વીડિયો સોશિયલ મીડિયા પર શેર કર્યો છે. ન્યૂઝ એજન્સી ANI સાથે વાત કરતી વખતે પ્રિયાંગુ પાંડેએ કહ્યું કે હું મારા નેતા અર્જુન સિંહના ઘરે જઈ રહ્યો હતો. અમે થોડા દૂર જ પહોંચ્યા હતા કે ભાટપારા નગરપાલિકાના જેટિંગ મશીન દ્વારા રસ્તો બ્લોક કરવામાં આવ્યો હતો. જેવી અમારી કાર રોકાઇ કે લગભગ 60 લોકોએ અમારી કારને નિશાન બનાવી હતી. મારી કાર પર ઓછામાં ઓછા સાતથી આઠ બોમ્બ ફેંકવામાં આવ્યા હતા અને પછી છથી સાત રાઉન્ડ ફાયર કરવામાં આવ્યા હતા. આ તૃણમૂલ અને પોલીસનું સંયુક્ત કાવતરું છે."

આ પણ વાંચો