ટિકિટોના બુકિંગ પહેલા સાંચે ચાર કલાકે શરૂ થવાનું હતું પરંતુ કેટલીક ટેકનીકલી મુશ્કેલીઓને કારણે તેમાં વિલંબ થયો. સાંજે અંદાજે પોણા પાંચ કલાકે IRCTCએ જાણકારી આપી કે બુકિંગ સાંજે છ કલાકે શરૂ થશે.
હાવરા-નવી દિલ્હી ટ્રેન આજે સાંજે પાંચ કલાકને પાંચ મિનિટે હાવરાથી રવાના થશે. વેબસાઈટ પર ટિકિટ ઉપલબ્ધતા તપાસવા પર જાણવા મળ્યું કે ભુવનેશ્વર-નવી દિલ્હી વિશેષ ટ્રેનના એસી-1 અને એસી-3ની ટિકિટ પણ સાંજે સાડા છ કલાકની આસપાસ વેચાઈ ગઈ હતી.
બુકિંગમાં વિલંબ થવા પર IRCTCએ સ્પષ્ટતા કરતાં સાંજે 5-45એ ટ્વિટ કર્યું કે, ”વિશેષ ટ્રેન (ડેટા) અપલોડ કરવામાં આવી રહ્યો છે. બુકિંગ ટૂંકમાં જ શરૂ થશે.” આ પહેલા સૂત્રોએ કહ્યું હતું કે, વેબસાઈટ ઠપ્પ નથી થઈ, પરંતુ ડેટા અપલોડ કરવામાં આવી રહ્યો છે. તેમમે પ્રવાસીઓને રાહ જોવા માટે કહ્યું હતું.
આ વિશેષ ટ્રેન દિલ્હીથી અગરતલા, હાવડા, પટના, ડિબ્રુગઢ, બિલાસપુર, રાંચી, ભુવનેશ્વર, સિકંદરાબાદ, બેંગલુરુ, ચેન્નઈ, તુરુવનંતપુરમ, મડગાંવ, મુંબઈ સેન્ટ્રલ, અમદાવાદ અને જમ્મુ માટે ચાલશે.