એક વરિષ્ઠ અધિકારીએ જણાવ્યું કે, આજે પોણા અગિયાર વાગે કઠુઆના બોબિયામાં ચારથી છ આતંકવાદીઓના એક દળે અંતરરાષ્ટ્રીય સરહદની આ બાજુ આવવાની કોશિશ કરી હતી. આ ઘટનામા જવાનોને લઈને જઈ રહેલા એક વાહન પર આરપીજીએ હુમલો કર્યો હતો. અને તેના પછી બન્ને વચ્ચે ભીષણ ગોળીબાર થયો હતો.
અધિકારીના મતે, આ વાહન ઘૂસણખોરીના પ્રયાસ દરમિયાન સરહદ પર હતું. સરહદની સિક્યોરિટી કરનાર બીએસએફના અધિકારીઓએ જોરદાર કાર્યવાહી કરી હતી. બન્ને વચ્ચે લગભગ 20 મિનિટ સુધી ગોળીબાર ચાલ્યો હતો. માનવામાં આવી રહ્યું છે કે આ ઘૂસણખોરીના સમર્થનમાં પાકિસ્તાનની સરહદ ચોકીઓને નિશાન બનાવી હતી.
બીએસએફના જવાનોએ મૂંહતોડ જવાબી કાર્યવાહી કરતા ફાયરિંગ કર્યું હતું, અને તેના પછી આતંકીઓ ત્યાંથી ભાગી ગયા હતા. બતાવવામાં આવી રહ્યું છે કે તમામ આતંકી પાકિસ્તાનથી આવ્યા હતા. મોડી રાત્રે આ ઘટનાનો એક વીડિયો પણ સામે આવ્યો છે, જેમાં એક આતંકી ઘાયલ થયેલા સાથીને ઘસેડી રહ્યો છે.