By-Election Result Live : આઝમ ખાંના ગઢમાં લહેરાયો ભગવો, પંજાબમાં શિરોમણી અકાલી દળ આગળ

By Polls Results: આ બેઠકો પર 23 જૂને મતદાન થયું હતું. સમાજવાદી પાર્ટીના નેતાઓ અખિલેશ યાદવ અને આઝમ ખાને વિધાનસભા ચૂંટણી જીત્યા બાદ આઝમગઢ અને રામપુર બેઠકો ખાલી પડી હતી.

બ્રેકગ્રાઉન્ડ

By-Election Result: લોકસભાની ત્રણ અને સાત વિધાનસભા બેઠકો પર યોજાયેલી પેટાચૂંટણીના પરિણામો આજે જાહેર કરવામાં આવશે. આ પેટાચૂંટણીઓ ઉત્તર પ્રદેશ, પંજાબ અને ઝારખંડ સહિત દેશના છ રાજ્યોમાં યોજાઈ હતી. આજે સવારે 8 વાગ્યાથી મતગણતરી શરૂ થઈ છે. આ પેટાચૂંટણીમાં સૌથી મહત્વની બેઠકો ઉત્તર પ્રદેશની આઝમગઢ અને રામપુર છે.

26/06/2022 13:49:28

પંજાબમાં શિરોમણી અકાલી દળ આગળ

પંજાબની પેટા ચૂંટણીમાં આમ આદમી પાર્ટી પાછળ ચાલી રહી છે. શિરોમણી અકાળી દળ 5 હજાર મતથી આગળ છે.

26/06/2022 13:22:39

દિલ્હીમાં આપની જીત

રાષ્ટ્રીય રાજધાની દિલ્હીમાં આમ આદમી પાર્ટીનું વર્ચસ્વ યથાવત છે. રાજેન્દ્ર નગર વિધાનસભા બેઠકની પેટાચૂંટણીમાં આમ આદમી પાર્ટીએ 11 હજારથી વધુ મતથી જીત મેળવી છે. રાઘવ ચઢ્ઢાને રાજ્યસભામાં મોકલવામાં આવતાં તેમણે વિધાનસભા સીટ પરથી રાજીનામું આપ્યું હતું.

26/06/2022 12:30:32

ત્રિપુરામાં સીએમનો વિજય

26/06/2022 09:36:59

ઉત્તરપ્રદેશમાં શું છે ચિત્ર

26/06/2022 09:28:43

પંજાબમાં શિરોમણી અકાલી દળ આગળ

પંજાબમાં પ્રારંભિક વલણમાં શિરોમણી અકાલી દળે લીડ લીધી છે.

26/06/2022 09:26:19

પંજાબમાં મતગણતરી કેન્દ્ર પર પોલીસનો બંદોબસ્ત

26/06/2022 09:25:36

યુપીમાં આ ઉમેદવારો વચ્ચે સ્પર્ધા

ભાજપ તરફથી દિનેશ લાલ નિરહુઆને આઝમગઢથી ઉમેદવાર બનાવવામાં આવ્યા હતા. રામપુર બેઠક પરથી ભાજપે પેટાચૂંટણીમાં ઘનશ્યામ લોધીને મેદાનમાં ઉતાર્યા હતા. ઘનશ્યામ લોધી વિધાનસભાની ચૂંટણી પહેલા જાન્યુઆરીમાં જ સમાજવાદી પાર્ટી છોડીને ભાજપમાં જોડાયા હતા. સપાએ આઝમગઢથી પૂર્વ સાંસદ ધર્મેન્દ્ર યાદવને ઉમેદવાર બનાવ્યા હતા. બીજી તરફ બસપાએ ગુડ્ડુ જમાલીને મેદાનમાં ઉતાર્યા છે. રામપુર સીટની વાત કરીએ તો સપા તરફથી આસીમ રાજા મેદાનમાં ઉતર્યા હતા.

26/06/2022 09:25:16

આ બેઠકો પર પેટાચૂંટણી યોજાઈ હતી

આ બેઠકો પર 23 જૂને મતદાન થયું હતું. સમાજવાદી પાર્ટીના નેતાઓ અખિલેશ યાદવ અને આઝમ ખાને વિધાનસભા ચૂંટણી જીત્યા બાદ આઝમગઢ અને રામપુર બેઠકો ખાલી પડી હતી. એક લોકસભા સીટ પંજાબના સંગરુરની છે, જે ભગવંત માને પંજાબના મુખ્યમંત્રી બન્યા બાદ છોડી દીધી હતી. જે 7 વિધાનસભા બેઠકો પર પેટાચૂંટણી યોજાઈ હતી તેમાં દિલ્હીની રાજેન્દ્ર નગર બેઠક આમ આદમી પાર્ટીના રાઘવ ચઢ્ઢાએ રાજ્યસભાના સભ્ય બન્યા બાદ છોડી દીધી હતી. અન્ય વિધાનસભા બેઠકો ઝારખંડમાં મંદાર, આંધ્ર પ્રદેશમાં આત્મકુર અને ત્રિપુરામાં અગરતલા, ટાઉન બોરદોવાલી, સુરમા અને જુબરાજગનર છે.