Bye Election Result 2024: મહારાષ્ટ્ર અને ઝારખંડની વિધાનસભા ચૂંટણીઓની સાથે 14 રાજ્યોની 48 બેઠકો પર વિધાનસભા પેટાચૂંટણીના પરિણામો આવી ગયા છે. સૌથી વધુ ચર્ચા યુપીની 9 બેઠકો પરની ચૂંટણીની રહી. તેમાંથી 7 બેઠકો જીતીને લોકસભા ચૂંટણીનો બદલો લઈ લીધો. જોકે, ભાજપ માટે 14માંથી 5 રાજ્યોમાંથી ખરાબ સમાચાર આવ્યા. ભાજપ કર્ણાટક, કેરળ, મેઘાલય, પંજાબ અને પશ્ચિમ બંગાળમાં થયેલી પેટાચૂંટણીમાં ખાતું પણ ખોલી શક્યું નહીં.


યુપીમાં કેવો રહ્યો ટ્રેન્ડ?


યુપીમાં 9 બેઠકો પર પેટાચૂંટણીના પરિણામો સામે આવ્યા છે. તેમાં કુંદરકીની બેઠકના પરિણામો સૌથી રસપ્રદ છે. આ બેઠક પર ભાજપના રામવીર સિંહ મેદાનમાં છે. જ્યારે સપાની તરફથી મોહમ્મદ રિઝવાન છે. રસપ્રદ વાત એ છે કે કુંદરકી પેટાચૂંટણીમાં 11 મુસ્લિમ ઉમેદવારો ચૂંટણી લડી રહ્યા હતા. છતાં રામવીર સિંહ આગળ ચાલી રહ્યા છે. 22 રાઉન્ડની ગણતરી સુધી રામવીર સિંહ 1 લાખ 13 હજાર મતોથી આગળ ચાલી રહ્યા છે. આ વિધાનસભા બેઠક મુસ્લિમ બહુમતી ધરાવે છે. કુંદરકી વિધાનસભામાં કુલ મત 395375 છે. જ્યારે હિન્દુ મત 156000, મુસ્લિમ મત 239375, સામાન્ય મુસ્લિમ 115000, મુસ્લિમ પછાત વર્ગ 124375 છે.


જ્યારે ચર્ચિત કરહલ વિધાનસભા બેઠક પર સપાના તેજપ્રતાપ સિંહે જીત મેળવી છે. તેમણે ભાજપના અનુજેશ પ્રતાપ સિંહને લગભગ 14 હજાર મતોથી હરાવ્યા છે. આ ઉપરાંત ભાજપે યુપી પેટાચૂંટણીની 9 બેઠકોમાંથી 6 બેઠકો જીતી લીધી છે. જ્યારે સપાએ બે બેઠકો જીતી છે. 1 બેઠક પર રાલોદે જીત મેળવી છે.


પંજાબમાં આમ આદમી પાર્ટી અને કોંગ્રેસમાં કોણે બાજી મારી?


પંજાબમાં 4 બેઠકો પર પેટાચૂંટણી યોજાઈ હતી. તેમાં 3 બેઠકો પર આમ આદમી પાર્ટીએ બાજી મારી લીધી છે. આ બેઠકો છે - ડેરા બાબા નાનક, છબ્બેવાલ, ગિદ્દડબાહા. જ્યારે કોંગ્રેસે બરનાલાની બેઠક જીતી લીધી છે. બરનાલાની બેઠક કોંગ્રેસે 2 હજાર મતોના અંતરથી જીતી લીધી છે. બાકીની ત્રણ બેઠકો પર આમ આદમી પાર્ટીએ સારા માર્જિનથી જીત મેળવી છે.


શિવરાજ સિંહની બુધની વિધાનસભા બેઠકનું શું થયું?


મધ્ય પ્રદેશની બુધની વિધાનસભા બેઠક પર પેટાચૂંટણી ત્યારે યોજાઈ જ્યારે પૂર્વ મુખ્યમંત્રી અને હાલના કેન્દ્રીય મંત્રી શિવરાજ સિંહ ચૌહાને લોકસભા ચૂંટણી જીત્યા બાદ આ બેઠક પરથી રાજીનામું આપી દીધું હતું. પેટાચૂંટણીમાં ભાજપની તરફથી રમાકાંત ભાર્ગવ ચૂંટણી લડ્યા, જ્યારે કોંગ્રેસની તરફથી રાજકુમાર પટેલ મેદાનમાં છે. પરિણામો બાદ રમાકાંત ભાર્ગવ આ બેઠક પરથી ચૂંટણી જીતી ચૂક્યા છે. આ બેઠક માટે શિવરાજ, તેમના પુત્ર કાર્તિકેય અને તમામ ભાજપના મોટા નેતાઓએ પ્રચાર કર્યો હતો.


દક્ષિણ ભારતની બેઠકો પર કોણ કેટલા પાણીમાં?


દક્ષિણ ભારતની પાંચ વિધાનસભા બેઠકો પર પેટાચૂંટણી યોજાઈ છે. આ બેઠકો કર્ણાટક અને કેરળની છે. આ બેઠકોમાં 4 બેઠકો કોંગ્રેસના ખાતામાં ગઈ છે. એક બેઠક વામ પક્ષે જીતી. દક્ષિણ ભારતની પેટાચૂંટણીમાં કોંગ્રેસની જીતે એક વાત સ્પષ્ટ કરી દીધી છે કે કોંગ્રેસનો દબદબો હજુ પણ દક્ષિણના રાજ્યોમાં છે.


5 રાજ્યોમાં ભાજપનું ખાતું નથી ખૂલ્યું?


ભાજપે 48 વિધાનસભા પેટાચૂંટણીની બેઠકોમાં 20 બેઠકો કાં તો જીતી લીધી છે અથવા આગળ ચાલી રહી છે. જ્યારે કોંગ્રેસે કુલ વિધાનસભા પેટાચૂંટણીની બેઠકોમાંથી 7 બેઠકો કાં તો જીતી લીધી છે અથવા આગળ ચાલી રહી છે. પરંતુ ભાજપ કર્ણાટક, કેરળ, પંજાબ અને પશ્ચિમ બંગાળમાં એક પણ બેઠક જીતવામાં સફળ થઈ શક્યો નથી.


આ પણ વાંચોઃ


14 રાજ્યો 48 બેઠકો, 2 લોકસભા બેઠકો; ક્યાં કોને લાગ્યો આંચકો? પેટાચૂંટણીનું સંપૂર્ણ પરિણામ અહીં જુઓ