CDS Bipin Rawat Death News : CDS જનરલ બિપિન રાવત સહિત અન્ય તમામને PM મોદીએ આપી શ્રદ્ધાંજલિ

CDS Bipin Rawat Death News Live Updates: તમિલનાડુના કુન્નુરમાં હેલિકોપ્ટર દુર્ઘટનામાં જીવ ગુમાવનારા CDS બિપિન રાવત અને તેમની પત્નીના પાર્થિવ દેહને આજે લશ્કરી વિમાન દ્વારા દિલ્હી લાવવામાં આવશે.

09/12/2021 21:16:00

રક્ષા મંત્રીએ શ્રદ્ધાંજલિ આપી હતી

 

વડાપ્રધાન નરેન્દ્ર મોદીએ  પુષ્પાંજલિ અર્પણ કર્યા બાદ રક્ષા મંત્રી રાજનાથ સિંહે શ્રદ્ધાંજલિ આપી હતી.  આ દરમિયાન રાષ્ટ્રીય સુરક્ષા સલાહકાર અજીત ડોભાલ, ત્રણેય દળોના વડાઓ ઉપરાંત સેનાના અન્ય ઘણા વરિષ્ઠ અધિકારીઓ  હાજર હતા.

09/12/2021 21:15:19

પીએમ મોદીએ શ્રદ્ધાંજલિ આપી

 

વડા પ્રધાન નરેન્દ્ર મોદીએ પાલમ એરપોર્ટ પર CDS જનરલ બિપિન રાવત અને તેમની પત્ની સહિત તમામ સેનાના જવાનોના નશ્વર દેહ પર પુષ્પાંજલિ અર્પણ કરી શ્રદ્ધાંજલિ આપી હતી. આ દરમિયાન રક્ષા મંત્રી રાજનાથ સિંહ, રાષ્ટ્રીય સુરક્ષા સલાહકાર અજિત ડોભાલ, ત્રણેય દળોના વડાઓ ઉપરાંત સેનાના ઘણા વરિષ્ઠ અધિકારીઓ હાજર હતા.

09/12/2021 20:58:06

PM મોદી પાલમ એરપોર્ટ પહોંચ્યા

 

વડાપ્રધાન નરેન્દ્ર મોદી પાલમ એરપોર્ટ પર પહોંચી ગયા છે. પીએમ મોદી પહેલા રક્ષા મંત્રી રાજનાથ સિંહ, રાષ્ટ્રીય સુરક્ષા સલાહકાર અજીત ડોભાલ, ત્રણેય દળોના પ્રમુખો ઉપરાંત સેનાના ઘણા વરિષ્ઠ અધિકારીઓએ પણ પાલમ એરપોર્ટ પર પહોંચીને શ્રદ્ધાંજલિ આપી હતી.

09/12/2021 20:39:16

રાજનાથ સિંહ પાલમ એરપોર્ટ પર પહોંચ્યા

 

રક્ષા મંત્રી રાજનાથ સિંહનો કાફલો પાલમ એરપોર્ટ પર પહોંચી ગયો છે. અહીં પહોંચવા પર રાજનાથ સિંહ CDS જનરલ બિપિન રાવત અને તેમની પત્ની સહિત અન્ય સેનાના જવાનોને પુષ્પાંજલિ અર્પણ કરશે. ત્રણેય સેનાના વડા પાલમ એરપોર્ટ પર પહોંચી ગયા છે.

09/12/2021 20:38:45

NSA પાલમ એરપોર્ટ પહોંચ્યા

રાષ્ટ્રીય સુરક્ષા સલાહકાર (NSA) અજીત ડોભાલ પાલમ એરપોર્ટ પર પહોંચી ગયા છે. પાલમ એરપોર્ટ પહોંચ્યા બાદ અજીત ડોભાલ પીડિત  પરિવારના સભ્યો સાથે મુલાકાત કરી રહ્યા છે. તેમના આગમન બાદ રક્ષા મંત્રી રાજનાથ સિંહ ત્યાં પહોંચશે. આ દરમિયાન ત્રણેય સેનાના પ્રમુખ સ્થળ પર હાજર રહેશે.

09/12/2021 20:01:26

CDS જનરલ બિપિન રાવતનો મૃતદેહ પાલમ એરપોર્ટ પહોંચ્યો

 

CDS જનરલ બિપિન રાવતનું પાર્થિવ શરીર પાલમ એરપોર્ટ પર પહોંચી ગયું છે. તેમની સાથે 12 અન્ય લોકોના મૃતદેહ પણ પાલમ એરપોર્ટ પર પહોંચ્યા છે, જેઓ આ ઘટનામાં મૃત્યુ પામ્યા હતા. જણાવી દઈએ કે હેલિકોપ્ટર ક્રેશની ઘટનામાં જનરલ બિપિન રાવત, તેમની પત્ની મધુલિકા રાવત સહિત કુલ 13 લોકોના મોત થયા હતા. આ હેલિકોપ્ટરમાં એક અધિકારીનો  જીવ બચી ગયો છે, તેમની સારવાર બેંગ્લોરની હોસ્પિટલમાં ચાલી રહી છે.

09/12/2021 18:40:43

રાહુલ ગાંધી શ્રદ્ધાંજલિ આપશે

કોંગ્રેસ નેતા રાહુલ ગાંધી આવતીકાલે CDS જનરલ બિપિન રાવતને શ્રદ્ધાંજલિ આપવા તેમના નિવાસસ્થાને જશે. અન્ય ઘણા લોકો પણ શ્રદ્ધાંજલિ આપવા તેમના ઘરે જશે.

09/12/2021 18:40:13

પીએમ મોદી લગભગ 9 વાગે શ્રદ્ધાંજલિ આપવા પહોંચશે

 

PM મોદી CDS જનરલ બિપિન રાવતને શ્રદ્ધાંજલિ આપવા માટે દિલ્હીના પાલમ એરપોર્ટ જશે. એવું કહેવામાં આવી રહ્યું છે કે પીએમ મોદી લગભગ 9 વાગે ત્યાં પહોંચશે અને જનરલ રાવતના પાર્થિવ દેહ પર ફૂલ અર્પણ કરશે. આ દરમિયાન રક્ષા મંત્રી રાજનાથ સિંહ, રાષ્ટ્રીય સુરક્ષા સલાહકાર અજીત ડોભાલ ઉપરાંત ત્રણેય સેનાના વડાઓ પણ હાજર રહેશે.

બ્રેકગ્રાઉન્ડ

CDS Bipin Rawat Death News Live Updates: તમિલનાડુના કુન્નુરમાં હેલિકોપ્ટર દુર્ઘટનામાં જીવ ગુમાવનારા CDS બિપિન રાવત અને તેમની પત્નીના પાર્થિવ દેહને આજે લશ્કરી વિમાન દ્વારા દિલ્હી લાવવામાં આવશે. આવતીકાલે રાવતના અંતિમ દર્શન માટે તેમના પાર્થિવ દેહને તેમના નિવાસ સ્થાને રાખવામાં આવશે. લોકો સવારે 11 થી 2 વાગ્યા સુધી રાવતને અંતિમ સલામી આપી શકશે. તે જ સમયે, બે વાગ્યા પછી, રાવતના અંતિમ સંસ્કારની પ્રક્રિયા શરૂ થશે. સાંજે 7.45 વાગ્યાથી મૃતદેહને શ્રદ્ધાંજલિ આપવામાં આવશે. સીડીએસ જનરલ બિપિન રાવતનું પાર્થિવ શરીર સાંજે 7.30 વાગ્યે પાલમ એરપોર્ટ પહોંચશે. અગાઉ, તમામના નશ્વર અવશેષોને નીલગિરિ જિલ્લાના મદ્રાસ રેજિમેન્ટલ સેન્ટરથી સુલુર એરબેઝ પર લઈ જવામાં આવ્યા હતા.

ગઈકાલે એટલે કે બુધવારે, CDS  જનરલ બિપિન રાવત, તેમના પત્ની મધુલિકા રાવત અને અન્ય 11 લોકો સાથે નીલગિરી હિલ્સના વેલિંહટન સ્થિત ડિફેન્સ સર્વિસ સ્ટાફ કૉલેજના સ્ટાફ કોર્સના અધ્યાપક અને વિદ્યાર્થી અધિકારીઓને સંબોધવા જઈ રહ્યા હતા.  આ દરમિયાન તમિલનાડુના કુન્નુર પાસે એક સૈન્ય હેલિકોપ્ટર ક્રેશ થયું અને તેનું મૃત્યુ થયું.