Influenza flu: દેશમાં બદલાતા હવામાનને કારણે મોટી સંખ્યામાં લોકો બીમાર પડી રહ્યા છે. છેલ્લા દિવસોથી લોકોમાં તાવ અને ઉધરસ ઝડપથી ફેલાઈ રહ્યા છે. કેટલાક લોકો કહે છે કે દેશમાં એક નવો વાયરસ પ્રવેશ્યો છે. આ સવાલો વચ્ચે ઈન્ડિયન કાઉન્સિલ ઓફ મેડિકલ રિસર્ચ (ICMR) એ પણ આ અંગે ગાઈડલાઈન્સ જાહેર કરી છે. ICMR નિષ્ણાતોએ કહ્યું છે કે ભારતમાં છેલ્લા બે-ત્રણ મહિનાથી સતત ઉધરસ અને તાવનું કારણ 'ઈન્ફ્લુએન્ઝા-એ'નો 'H3N2' પેટા પ્રકાર છે. ICMR શ્વસન વાયરસથી થતા રોગો પર નજીકથી નજર રાખી રહ્યું છે. આ દરમિયાન ICMR અને ઈન્ડિયન મેડિકલ એસોસિએશન (IMA)એ લોકોને એલર્ટ કર્યા છે.


નાના બાળકો અને વૃદ્ધો પર વધુ અસર


લાંબા સમય સુધી માંદગી અને લાંબી ઉધરસ સાથે છેલ્લા કેટલાક મહિનામાં ભારતના ઘણા ભાગોમાં ઈન્ફલ્યુએન્ઝાના કેસોમાં વધારો થઈ રહ્યો છે. કોરોના વાયરસ સામે ઝઝૂમ્યા બાદ હવે આ કેસોમાં થયેલા વધારાથી સામાન્ય લોકોમાં ભયનો માહોલ સર્જાયો છે. આ વાયરસની સૌથી વધુ અસર નાના બાળકોમાં જોવા મળી રહી છે. આ ઉપરાંત 60 વર્ષથી વધુ ઉંમરના વડીલો જેમની રોગપ્રતિકારક શક્તિ ઘટી ગઈ છે અથવા તેઓ ડાયાબિટીસ, અસ્થમા અથવા હૃદય રોગના શિકાર છે.


5 થી 7 દિવસ સુધી તાવ રહે છે


IMAએ જણાવ્યું કે મોસમી તાવ 5 થી 7 દિવસ સુધી રહી શકે છે. આજકાલ તાવ અને ખાંસી ખૂબ ફેલાઈ રહી છે. છેલ્લા કેટલાક મહિનાઓથી દર્દીઓને ભારે હાલાકીનો સામનો કરવો પડી રહ્યો છે. IMAની કમિટીએ કહ્યું કે તાવ 3 દિવસમાં પણ મટી શકે છે. પરંતુ ઉધરસ 3 અઠવાડિયા સુધી ચાલુ રહી શકે છે. H3N2 વાયરસ અન્ય પેટા પ્રકારો કરતાં વધુ હોસ્પિટલમાં દાખલ થવાનું કારણ બને છે. નિષ્ણાતો કહે છે કે છેલ્લા બે-ત્રણ મહિનાથી તે સમગ્ર ભારતમાં ફેલાયો છે


તાવના લક્ષણો


- ઉધરસ


- ઉબકા


- ઉલટી


- સુકુ ગળું


- શરીરમાં દુખાવો


- ઝાડા


શું કરવું અને શું ન કરવું તે જાણો



  • તમારા હાથને પાણી અને સાબુથી નિયમિત ધોવા.

  • ચહેરા પર માસ્ક પહેરો અને ભીડવાળી જગ્યાએ જવાનું ટાળો.

  • તમારા નાક અને મોંને સ્પર્શ કરવાનું ટાળો.

  • ખાંસી અને છીંકતી વખતે તમારા નાક અને મોંને યોગ્ય રીતે ઢાંકો.

  • હાઇડ્રેટેડ રહો અને પુષ્કળ પ્રવાહી પીવો.

  • તાવ અને માથાનો દુખાવો હોય તો પેરાસીટામોલ લો.

  • હાથ મિલાવવાનું ટાળો.

  • જાહેર સ્થળોએ થૂંકશો નહીં.

  • બીજાની નજીક બેસીને ખાવું નહીં.