Abhijit Deepke: કોકરોચ જનતા પાર્ટી (CJP) ના સંયોજક અભિજીત દીપકે ચૂંટણી પંચ અને SIR પ્રક્રિયા પર ઊઠી રહેલા સવાલો વચ્ચે મુખ્ય ચૂંટણી કમિશનર જ્ઞાનેશ કુમારની મુશ્કેલીઓ વધારતી જાહેરાત કરી છે.
તેમણે શુક્રવારે (25 સપ્ટેમ્બર) X પર લખ્યું, ''જો જ્ઞાનેશ કુમાર કાલ સુધી રાજીનામું નહીં આપો, તો CJP 2 ઓક્ટોબરે મુંબઈથી પોતાનું દેશવ્યાપી વિરોધ પ્રદર્શન શરૂ કરશે. તેને ભારતભરના શહેરો સુધી લઈ જવામાં આવશે. આ ગાંધી જયંતી પર ચાલો લોકતંત્રને બચાવવાનો સંકલ્પ લઈએ.''
કાલે આપ્યું હતું 48 કલાકનું અલ્ટીમેટમ
આ પહેલા અભિજીત દીપકે અને તેમના સહયોગી સૌરવ દાસ અને આશુતોષ રાંકાએ ગુરૂવારે (24 સપ્ટેમ્બર) પ્રેસ કોન્ફરન્સ કરીને 48 કલાકનું અલ્ટીમેટમ આપ્યું હતું. તેમણે કહ્યું, ''અમે 3 માગણીઓ મૂકી રહ્યા છીએ. પહેલું- જ્ઞાનેશ કુમારનું રાજીનામું થાય અને તેમની સામે ગુનાહિત કાર્યવાહી શરૂ કરવામાં આવે. બીજું- SIR પર રોક લાગે અને જાન્યુઆરી 2025 ની વોટર લિસ્ટને પુનઃસ્થાપિત કરવામાં આવે. 2023 ના કાયદાને રદ કરવામાં આવે અને ચૂંટણી પંચમાં સુધારો થાય.''
અભિજીત દીપકની આ જાહેરાત એટલા માટે મહત્વપૂર્ણ બની જાય છે કારણ કે નીટ પેપર લીક સામે દિલ્હીના જંતર મંતર પર થયેલા CJP ના પ્રદર્શન બાદ શિક્ષણ મંત્રીના પદ પરથી ધર્મેન્દ્ર પ્રધાનને રાજીનામું આપવું પડ્યું હતું. સરકારે વાતચીતની પણ પહેલ કરી હતી.
બે ચૂંટણી કમિશનરોએ ઉઠાવ્યા હતા સવાલ
ચૂંટણી પંચ અને SIR ને લઈને બુધવારે (23 સપ્ટેમ્બર) ઇન્ડિયન એક્સપ્રેસ અખબારના ખુલાસા બાદ નવો વિવાદ શરૂ થયો હતો. રિપોર્ટમાં દાવો કરવામાં આવ્યો છે કે SIR પ્રક્રિયા દરમિયાન ત્રણ ચૂંટણી કમિશનરોમાંથી બે ચૂંટણી કમિશનરોએ કેટલીક વાર વાંધા વ્યક્ત કર્યા હતા. ચૂંટણી પંચની અંદર અનબનની ખબરથી રાજકીય જગતમાં સનસની ફેલાઈ ગઈ હતી.
વિપક્ષી પાર્ટીઓ પહેલાથી જ SIR ની પ્રક્રિયા પર સવાલો ઉઠાવી રહી હતી, પરંતુ નવા ખુલાસાએ તેને મોટો મુદ્દો આપ્યો છે. કોંગ્રેસ, સમાજવાદી પાર્ટી, ડીએમકે, ટીએમસી સહિત અન્ય વિપક્ષી દળોએ મુખ્ય ચૂંટણી કમિશનર (CEC) જ્ઞાનેશ કુમારને પદ પરથી હટાવવામાં આવે તેવી માગ કરી છે. સાથે જ સુપ્રીમ કોર્ટને સુઓ મોટો સંજ્ઞાન લેવા માટે કહ્યું છે.
કોંગ્રેસ આજે જ્ઞાનેશ કુમાર સામે દેશભરમાં ચૂંટણી પંચની ઓફિસ સુધી માર્ચ કાઢી રહી છે. ગુરૂવારે કોંગ્રેસ નેતા રાહુલ ગાંધીએ પ્રેસ કોન્ફરન્સ કરીને જ્ઞાનેશ કુમાર અને ભાજપને નિશાના પર લીધા હતા. વિપક્ષી પાર્ટીઓ જ્ઞાનેશ કુમાર સામે મહાભિયોગ લાવવાની પણ તૈયારી કરી રહી છે.