બિહારના કૃષિ મંત્રી પ્રેમ કુમારે ન્યૂઝ એજન્સીને જણાવ્યું કે, આ યોજના હેઠળ લગભગ 80 હજાર લીચી ઉત્પાદક ખેડૂતોને ટ્રેનિંગ આપવામાં આવશે તથા 3000 એકરમાં જૂના લીચી બગીચાઓને ફરીથી શરૂ કરવામાં આવ શે. આ સાથે જ નવી ટેકનોલોજીથી લીચી માટે નવા બાગ બનાવવાનું લક્ષ્ય રાખવામાં આવ્યું છે.
તેમણે કહ્યું કે, આ યોજના હેઠળ કંપની મુઝફ્ફરપુર, સમસ્તીરપુર અને વૈશાલી જિલ્લામાં લીચીનું ઉત્પાદન વધારવાનું કામ કરશે. આ સાથે લીચી ખેડૂતો અને આ વ્યવસાય સાથે જોડાયેલા લોકોના વિકાસ માટે કામ કરવામાં આવશે.
કૃષિમંત્રી પ્રેમ કુમારે કહ્યું કે, મુઝફ્ફરપુરમાં લીચીનો એક આધુનિક બાગ બનાવવામાં આવશે જ્યાં ખેડૂતોને આધુનિક ટ્રેનિંગ અપાશે. આ યોજનામાં કોકા કોલા ઇન્ડિયા 11000 કરોડ રૂપિયાનું રોકાણ કરશે.