Vikas Divyakirti On Old Rajendra Nagar Accident: દિલ્હીમાં કોચિંગ અકસ્માતની વચ્ચે દૃષ્ટિ IAS ડિરેક્ટર વિકાસ દિવ્યકીર્તિનું નિવેદન સામે આવ્યું છે. તેમણે કહ્યું કે તેમને નિશાન બનાવવામાં આવ્યા છે કારણ કે દરેકને બલિનો બકરો જોઈએ છે. સમાજ ગુનેગાર શોધે છે. હરિફોને લાગે છે કે આ એક તક છે, હિસાબ બરાબર કરી લેવો જોઈએ.
વિકાસ દિવ્યકીર્તિએ કહ્યું, "બાળકોનો ગુસ્સો વ્યાજબી છે. કદાચ તેમને મારી પાસેથી વધુ અપેક્ષાઓ હતી, તેથી જ તેઓ મારા પર ગુસ્સે થયા. હું આભારી છું કે તેઓ મારા પર ગુસ્સે થયા. મારા નામે ગાળો આપવાથી વધુ વ્યુઝ મળે છે, તેથી મને ટાર્ગેટ કરવામાં આવ્યો. વર્ચ્યુઅલ મોબ લિંચિંગ જેવું વાતાવરણ છે.
આ સાથે તેણે કહ્યું કે, "હું ભાવનાત્મક બાબતોમાં મુખર નથી. ત્રણ બાળકો મૃત્યુ પામ્યા હતા. મને દુખ છે કે જ્યારે તે પાણીથી ભરાયુ હશે ત્યારે તેમના પર શું વીતિ હશે. મારી મૂળભૂત ચિંતા તે અનુભવને અનુભવવાની છે. વિદ્યાર્થીઓનો ગુસ્સો વાજબી છે. હું એલજી સાથેની મીટિંગમાં ગયો અને કેટલાક બાળકો સાથે વાત કરી છે. તેઓ હવે સહસ છે અને હું એક બે દિવસમાં બાળકોને મળીશ.
તેમણે વધુમાં કહ્યું, "મીટિંગ સારી રહી. એલજી અને દિલ્હી સરકાર સક્રિય છે. બાળકો અને સંસ્થાની વાત સાંભળી. એક કમિટી બનાવવામાં આવી છે જેમાં હું પણ સામેલ છું. આશા છે કે પરિણામ જલ્દી આવશે. નિયમોના સ્તરે એક ભૂલ, પરંતુ અમારા ઇરાદા ખરાબ નહોતા, દિલ્હીમાં 2000 કોચિંગ ઇન્સ્ટિટ્યૂટ છે FIRE NOC ફોર એજ્યુકેશન બિલ્ડીંગ એક પણ પાસે નથી.
વિકાસ દિવ્યકીર્તિએ કહ્યું કે અમારા એક બેઝમેન્ટને સીલ કરી દેવામાં આવ્યું છે. તે અપ્રુવ બેસમેન્ટ છે. નેહરુ વિહારનું બેસમેન્ટ એ મોલનું બેસમેન્ટ છે. તેમાં 7 એક્ઝિટ છે. તે બેસમેન્ટ દિલ્હીની સૌથી સુરક્ષિત ઇમારતોમાંની એક છે.
તેણે એમ પણ કહ્યું, "મને લાગ્યું કે ચિંતા આગની છે. મુખર્જી નગરમાં, જ્યાં કોચિંગ ઇન્સ્ટિટ્યૂટ છે, ત્યાં માત્ર એક જ બહાર નીકળવાનો અને એક જ પ્રવેશ દ્વાર છે અને ત્યાં જ વીજળીનું મીટર છે. મૂળભૂત ખતરો આગથી છે. અમારા મનમાં પણ એ વાત નહોતી આવી કે પાણી ભરાઈ શકે છે. ત્રણ વર્ષ પહેલાં પાણીનું સ્તર વધવા લાગ્યું હતું તે સમયે અમે સાત દિવસની રજા રાખી દીધી હતી, પરંતુ આવું કંઈક થઈ શકે છે એવું અમે વિચાર્યું પણ નહોતું.