Election: પેટાચૂૂંટણીમાં શાંતિપૂર્ણ માહોલમાં મતદાન પૂર્ણ, વાવ બેઠક પર થયું રેકોર્ડ બ્રેક મતદાન

Election Live Update: ભાજપના સ્વરૂપજી ઠાકોર, કોંગ્રેસના ગુલાબસિંહ રાજપૂત અને અપક્ષ માવજીભાઈ વચ્ચે ખરાખરીનો જંગ છે

બ્રેકગ્રાઉન્ડ

Election Live Update:  વાવ વિધાનસભાની પેટાચૂંટણીને લઈ મતદાન શરૂ થયું હતું. વાવ પેટાચૂંટણીમાં ભાજપ-કોંગ્રેસ અને અપક્ષ વચ્ચે ત્રિપાંખિયો જંગ છે. ભાજપના સ્વરૂપજી ઠાકોર, કોંગ્રેસના ગુલાબસિંહ રાજપૂત અને અપક્ષ માવજીભાઈ વચ્ચે ખરાખરીનો જંગ છે. 3 લાખથી વધુ મતદારો મતદાન કરશે. 321 મતદાન કેન્દ્ર પર મતદાન યોજાશે. 97 મતદાન બૂથ સંવેદનશીલ જાહેર કરાયા છે. સંવેદનશીલ મતદાન કેન્દ્રમાં CISFનો સુરક્ષા બંદોબસ્ત ગોઠવાયો છે.કોઈ અનિચ્છનીય બનાવ ન બને તે માટે પોલીસનું સતત પેટ્રોલિંગ ચાલી રહ્યું છે. સાંજે 6 વાગ્યા સુધી મતદાન યોજાશે. ભાજપ ઉમેદવાર સ્વરૂપજી ઠાકોરે મતદાન પહેલા પૂજા-અર્ચના કરી હતી. સ્વરૂપજી ઠાકોર ઈષ્ટદેવની પૂજા કરી મતદાન કરવા બીયોક ખાતે જશે. મતદાન પહેલા સ્વરૂપજી પહેલા પ્રચંડ જીતનો વિશ્વાસ વ્યક્ત કર્યો હતો. 

13/11/2024 18:36:00

વાવ બેઠક પર મતદાન પૂર્ણ

વાવ બેઠક પર મતદાન પૂર્ણ થઇ ચૂક્યુ છે. બનાસકાંઠા જિલ્લાની આ વાવ બેઠક પર આજે યોજાયેલી પેટાચૂંટણી ત્રિપાંખીયો જંગ જામ્યો છે. કુલ 10 ઉમેદવારનોનું ભાવિ ઇવીએમમાં સીલ થઇ ચૂક્યુ છે. વાવમાં આ વખતે 70 ટકાથી વધુ મતદાન થયુ છે. તમામ મતદારોએ શાંતિપૂર્ણ માહોલમાં લોકશાહીના અવસરને મનાવ્યો છે. 

આજે વાવ બેઠક પર પેટાચૂંટણી યોજાઇ હતી, પેટાચૂંટણી માટેનું મતદાન પૂર્ણ થઇ ચૂક્યુ છે. શાંતિપૂર્ણ માહોલમાં થયેલા મતદાનમાં લોકોએ ભારે ઉત્સાહ સાથે મતદાન કર્યુ અને 70 ટકાથી વધુ મતદાનનો આંકડો નોંધાયો છે. ખાસ વાત છે કે, 2022માં વાવ બેઠક પર 75.02 ટકા મતદાન થયુ હતુ, હવે આગામી 23 નવેમ્બરે વાવ બેઠકનું પરિણામ આવશે. અહીં ભાજપ, કોંગ્રેસ અને અપક્ષ એમ તમામ ઉમેદવારોએ જીતના દાવા કર્યા છે.  

13/11/2024 16:56:18

વાવ વિધાનસભામાં બપોરે 3 વાગ્યા સુધીમાં 55% મતદાન

વાવ વિધાનસભાની પેટા ચુંટણીને લઈ મતદાન ચાલું છે. પેટા ચુંટણીમાં મતદાનના અંતિમ 1 કલાક બાકી છે. વાવ વિધાનસભામાં બપોરે 3 વાગ્યા સુધીમાં 55% મતદાન થયું છે. બપોર સુધીમાં ગ્રામ્ય વિસ્તારોમાં મોટા ભાગનું મતદાન થયું છે. વાવના ભાચલી ગામમાં પણ બપોર સુધીમાં 65% મતદાન થયું છે. ભાચલી ગામે 1600 જેટલા કુલ મતદારોની સામે 900 જેટલા મતદારોએ કર્યું મતદાન

13/11/2024 12:27:21

વાયનાડ પેટાચૂંટણી અને ઝારખંડમાં કેટલું થયું મતદાન

13/11/2024 12:26:00

અમારો વિજય નિશ્ચિત છે: ગેનીબેન ઠાકોર

વાવના સરહદીય વિસ્તારમાં પણ જબરદસ્ત મતદાન જોવા મળી રહ્યું છે. વાવ બેઠકની પેટાચૂંટણીના મતદાનને પાંચ કલાક પૂર્ણ થયા છે. પેટાચૂંટણીમાં 12 વાગ્યા સુધીમાં 28 ટકાથી વધુ મતદાન નોંધાયું છે. કૉંગ્રેસ સાંસદ ગેનીબેન ઠાકોર મતદાન કરવા પહોંચ્યા હતા. ભાભરના અબાસણા ગામે ગેનીબેન ઠાકોર મતદાન કરવા પહોંચ્યા હતા. ગેનીબેન ઠાકોરે કહ્યું હતું કે બનાસકાંઠાના મતદારોએ કૉંગ્રેસને મત આપ્યા છે. લોકસભાની જેમ પેટાચૂંટણીમાં પણ મતદારો અમારી સાથે છે. અમારો વિજય નિશ્ચિત છે. મતદારોમાં ભારે ઉત્સાહ જોવા મળી રહ્યો છે. મોટાભાગના બુથો પર લાંબી લાઈનો હતી. ગેનીબેન ઠાકોરે 80 ટકા મતદાન થવાની આશા વ્યક્ત કરી છે. અગાઉની ચૂંટણીઓ કરતા પાંચ ટકા વધુ મતદાન થવાની તેઓને આશા છે.

13/11/2024 11:55:25

Bypolls Election 2024 Live: આશા છે કે વાયનાડના લોકો મને તેમના પ્રતિનિધિ બનવાની તક આપશે - પ્રિયંકા ગાંધી

વાયનાડ લોકસભા પેટાચૂંટણી માટે કોંગ્રેસના ઉમેદવાર પ્રિયંકા ગાંધી વાડ્રાએ કહ્યું હતું કે, "હું આશા રાખું છું કે વાયનાડના લોકો મને તેમના પ્રેમનું ઋણ ચૂકવવા અને તેમના માટે કામ કરવાની અને તેમના પ્રતિનિધિ બનવાની તક આપશે. હું આશા રાખું છું કે દરેક લોકો પોતાના અધિકારનો ઉપયોગ કરશે અને મત આપશે."

13/11/2024 11:51:52

Bypolls Election 2024 Live: તમામ મતદારોએ તેમના મતનો ઉપયોગ કરવો જોઈએ - ચંપઈ સોરેન

ઝારખંડના સરાયકેલા વિધાનસભા મતવિસ્તારના ભાજપના ઉમેદવાર અને ભૂતપૂર્વ સીએમ ચંપઈ સોરેને પોતાનો મત આપ્યા પછી કહ્યું, "તમામ મતદારોએ તેમના મતનો ઉપયોગ કરવો જોઈએ. ગોગો દીદી યોજના ખૂબ જ ફાયદાકારક છે."

13/11/2024 11:40:24

મતદાનના 4 કલાકમાં 30 ટકા મતદાન થયું હતું

વાવ બેઠકની પેટાચૂંટણીના મતદાનના 4 કલાકમાં 30 ટકા મતદાન થયું હતું. 321 મતદાન મથકો પર મતદાન ચાલી રહ્યુ છે. મતદાન મથકો પર મોટી સંખ્યામાં મતદારો ઉમટ્યા હતા. ચૂંટણી પંચના આંકડા મુજબ 11 વાગ્યા સુધીમાં 24.39 ટકા મતદાન યોજાયું હતું.

13/11/2024 10:46:55

ગુલાબસિંહે જીતનો દાવો કર્યો

બનાસકાંઠા વિધાનસભાની પેટાચૂંટણીમાં મતદારોને કિંમતી મત આપવા ગુલાબસિંહ રાજપૂતે અપીલ કરી હતી. એબીપી અસ્મિતા સાથેની વાતમાં ગુલાબસિંહે જીતનો દાવો કર્યો હતો. પ્રથમ નંબરે કોંગ્રેસ,બીજા નંબરે અપક્ષ અને ત્રીજા નંબરે ભાજપ રહેવાનો દાવો કર્યો છે. ગુલાબસિંહે કહ્યું હતું કે ગેનીબેન ઠાકોરે કરેલા કાર્યના કારણે વાવની જનતા કોંગ્રેસને મત આપશે. કેનાલથી લઈ પ્રાથમિક સુવિધાના કાર્ય ગેનીબેન ઠાકોરે કર્યા છે જે હજી જનતાને યાદ છે. 25000 થી વધુની લીડ સાથે વાવની સીટ ઉપર વિજયી થવાનો ગુલાબસિંહને આત્મવિશ્વાસ છે. 

-

13/11/2024 10:23:36

શરૂઆતના બે કલાકમાં 14.25 ટકા મતદાન નોંધાયુ છે

વાવ પેટા ચૂંટણીમાં મતદાનના શરૂઆતના બે કલાકમાં 14.25 ટકા મતદાન નોંધાયુ છે. ભાજપ ઉમેદવાર સ્વરૂપજી ઠાકોરે મતદાન કર્યુ છે. ખાસ વાત છે કે, વાવની ભાખરી મતદાન મથકનું EVM બદલીને મતદાનની કામગીરી ફરી શરૂ કરાઇ છે

13/11/2024 09:59:18

વાયનાડ લોકસભા પેટાચૂંટણી માટે કોંગ્રેસના ઉમેદવાર પ્રિયંકા ગાંધી વાડ્રાએ મતદાન કેન્દ્રની મુલાકાત લીધી

13/11/2024 08:56:26

પ્રિયંકા ગાંધીએ લોકોને મત આપવાની કરી અપીલ

13/11/2024 08:55:25

વાયનાડમાં 13 ઉમેદવારો મેદાનમાં

આ વખતે વાયનાડ પ્રિયંકા ગાંધી માટે મોટી પરીક્ષા છે. આ બેઠક પરથી એલડીએફના સત્યન મોકેરી, એનડીએના નવ્યા હરિદાસ અને અન્ય 13 ઉમેદવારો ચૂંટણી લડી રહ્યા છે. આવી સ્થિતિમાં પ્રિયંકા પાસે પાર્ટીનો ગઢ જાળવી રાખવા ઉપરાંત છેલ્લી બે ચૂંટણીઓમાં ભાઈ રાહુલ ગાંધીની જીત બાદ આ અંતર વધારવાનો પડકાર પણ છે. આ વર્ષે રાહુલની જીતનું માર્જિન 3.5 લાખથી વધુ વોટ હતું, જ્યારે 2019માં તે 4.3 લાખથી વધુ વોટ હતું.

13/11/2024 08:52:53

રાજસ્થાન અને પશ્ચિમ બંગાળમાં પણ મતદાન

રાજસ્થાનના ઝુંઝુનુ, દૌસા, દેવલી-ઉનિયારા, ખિંવસર, ચૌરાસી, સલૂંબર અને રામગઢમાં પેટાચૂંટણી યોજાઈ રહી છે. સલૂંબર અને રામગઢમાં વર્તમાન ધારાસભ્યો- અમૃતલાલ મીણા (ભાજપ) અને ઝુબેર ખાન (કોંગ્રેસ)ના નિધનને કારણે પેટાચૂંટણી યોજવી જરૂરી બની ગઈ હતી. પશ્ચિમ બંગાળમાં સત્તારૂઢ ટીએમસીએ 2021ની વિધાનસભા ચૂંટણીમાં 6માંથી 5 બેઠકો જીતી હતી. તેમાં તાલડાંગરા, સીતાઈ-એસસી, નૈહાટી, હરોઆ, મેદિનીપુર અને મદારીહાટનો સમાવેશ થાય છે. મદારીહાટ સીટ ભાજપ પાસે હતી. આસામ, ધોલાઈ, બેહાલી, સામગુરી, બોંગાઈગાંવ અને સિદલીની પાંચ સીટો પર પેટાચૂંટણી છે, જેના માટે 34 ઉમેદવારો મેદાનમાં છે

13/11/2024 08:18:34

ઝારખંડના રાજ્યપાલે કર્યું મતદાન

13/11/2024 08:17:06

Jharkhand Assembly Election: 43 બેઠકો પર મતદાન શરૂ, PM મોદીએ મતદાન માટે કરી અપીલ

ઝારખંડમાં 43 સીટો પર પ્રથમ તબક્કા માટે મતદાન શરૂ થઈ ગયું છે. વડાપ્રધાન નરેન્દ્ર મોદીએ સોશિયલ મીડિયા પર પોસ્ટ કરીને લોકોને વોટ કરવાની અપીલ કરી છે. તેમણે કહ્યું, 'આજે ઝારખંડ વિધાનસભા ચૂંટણીમાં પ્રથમ રાઉન્ડનું મતદાન છે. હું તમામ મતદારોને લોકશાહીના આ તહેવારમાં પૂરા ઉત્સાહ સાથે મતદાન કરવા વિનંતી કરું છું. આ પ્રસંગે હું મારા તમામ યુવા મિત્રોને અભિનંદન આપું છું જેઓ પ્રથમ વખત મતદાન કરવા જઈ રહ્યા છે! યાદ રાખો- પહેલે મતદાન,ફિર જલપાન.

13/11/2024 08:13:07

ઝારખંડ વિધાનસભાની ચૂંટણીના પ્રથમ તબક્કા માટે આજે મતદાન