ABP-CVoter Exit Poll 2021 LIVE: પુડ્ડુચેરી, આસામમાં BJP માટે સારા સમાચાર, બંગાળમાં નહી ખીલે કમળ, જાણો અન્ય રાજ્યોના હાલ

ABP-CVoter 5 States Exit Poll 2021 LIVE Updates: આસામ, કેરલ, તમિલનાડુ, પુડ્ડુચેરીમાં વિધાનસભા ચૂંટણીનું મતદાન પહેલા જ થઈ ગયું છે. પશ્ચિમ બંગાળમાં અંતિમ તબક્કાનું મતદાન આજે સાંજે પૂર્ણ થશે.

બ્રેકગ્રાઉન્ડ

ABP Exit Poll Live: આસામ, કેરલ, તમિલનાડુ, પુડ્ડુચેરીમાં વિધાનસભા ચૂંટણીનું મતદાન પહેલા જ થઈ ગયું છે. પશ્ચિમ બંગાળમાં અંતિમ તબક્કાનું મતદાન આજે સાંજે પૂર્ણ થશે. આ સાથે જ પાંચ રાજ્યોની ચૂંટણી પૂર્ણ થશે.  27 માર્ચથી ચાલી રહેલા ધમાસાણ બાદ 2જી મે રોજ આ રાજયોના પરિણામ આવશે. પરંતુ આ પહેલા આજે સાંજે એક્ઝિટ પોલમાં જાણી શકાશે.  આજે સાંજે 5 વાગ્યાથી એબીપી ન્યૂઝ પર પશ્ચિમ બંગાળના એક્ઝિટ પોલ જોઈ શકાશે  અને 2 મેના રોજ જાહેર થનારા ચૂંટણી પરિણામ પહેલા જ સત્તાના સિંહાસન પર કોણ બેસશે તે  જાણી શકાશે. સાંજે 5 વાગ્યાથી સતત  વોટર્સનો મૂડ  જાણી શકો છો. 

29/04/2021 21:16:07

કૈલાશ વિજયવર્ગીયએ જીતનો દાવો કર્યો

 

ભાજપ નેતા અને પશ્ચિમ બંગાળના પ્રભારી કૈલાશ વિજયવર્ગીયે એક્ઝિટ પોલના આંકડામાં પાછળ હોવા છતા બંગાળમાં ભાજપની સરકાર બનવાનો દાવો કર્યો છે. ભાજપની પાસે સ્થાનિક નેતાઓની કમીના સવાલ પર તેમણે કહ્યું બંગાળમાં અમારી પાસે નેતાઓની કોઈ કમી નથી.

29/04/2021 21:14:03

પશ્ચિમ બંગાળના ભાજપ અધ્યક્ષ દિલીપ ઘોષ કહે છે કે

 

પશ્ચિમ બંગાળના ભાજપ અધ્યક્ષ દિલીપ ઘોષ કહે છે કે રાજ્યમાં ચૂંટણીના કારણે કોરોના નથી ફેલાયો. હાર છુપાવવા માટે ટીએમસીના લોકો કોરોનાનું બહાનું બનાવી રહ્યા છે. છત્તીસગઢ અને મહારાષ્ટ્રમાં પ્રધાનમંત્રીની રેલી નથી થઈ છતાં ત્યાં કોરોના ફેલાયો છે. તેમણે કહ્યું મમતા બેનર્જી હારના કારણે બાનું બતાવી રહ્યા છે.

29/04/2021 21:04:11

Kerala Exit Poll 2021

કેરલમાં ચૂંટણીના એક્ઝિટ પોલના આંકડા જણાવે છે કે અહી લેફ્ટની સરકારની વાપસી થઈ રહી છે. રાજ્યમાં 140 બેઠકોમાંથી લેફ્ટને 71-77 બેઠકો મળવાનું અનુમાન છે અને કૉંગ્રેસના યૂડીએફને 62-68 બેઠકો મળવાનું અનુમાન છે. આ સિવાય ભાજપને માત્ર 0-2 બેઠકો  પર જીત મળે તેવી શક્યાતા છે. 

29/04/2021 21:02:19

Puducherry Exit Poll 2021

પુડ્ડુચેરીમાં ભાજપ ગઠબંધનને જીત મળશે અને તે 19-23  બેઠકો પર જીત મેળવી શકે છે. 30 બેઠકો વાળા પુડ્ડુચેરીમાં કૉંગ્રેસને 6-10 બેઠકો મળવાનું અનુમાન છે. અન્યના ખાતામાં 1-2 બેઠકો આવી શકે છે.

29/04/2021 20:12:26

ડીએમકે-કૉંગ્રેસ ગઠબંધનને 46.7 ટકા વોટ શેર

તમિલનાડુમાં વોટ શેરની વાત કરવામાં આવે તો ડીએમકે-કૉંગ્રેસ ગઠબંધનને 46.7 ટકા વોટ શેર મળી રહ્યા છે. એઆઈડીએમકે અને ભાજપ ગઠબંધનને 35 ટકા વોટ શેર મળતા જોવા મળી રહ્યા છે જ્યારે અન્યને 18.3 ટકા વોટ શેર મળી શકે છે.

29/04/2021 20:10:18

તમિલનાડુમાં કૉંગ્રેસ-DMK સરકાર બનાવે તેવુ અનુમાન

તમિલનાડુમાં કૉંગ્રેસ-DMK સરકાર બનાવે તેવુ અનુમાન છે. આ ગઠબંધનને 160-172 બેઠકો મળે તેવી શક્યતા છે.  ભાજપ-એઆઈડીએમકે ગઠબંધનને મોટું નુકશાન થાય તેવું લાગી રહ્યું છે.  ભાજપ-એઆઈડીએમકે ગઠબંધનને  એક્ઝિટ પોલમાં 58-70 બેઠકો મળવાનું અનુમાન છે. અન્યને 0-7 બેઠકો મળી શકે છે.

29/04/2021 19:46:46

https://twitter.com/ABPNews/status/1387770689302802449

29/04/2021 19:45:46

ભાજપ સત્તામાં આવે તેવું અનુમાન

આસામમાં વોટ શેરમાં બીજી નંબર રહેવા છતા ભાજપ સત્તામાં આવે તેવું અનુમાન છે. ભાજપને આસામમાં 126 બેઠકોમાંથી 58-71 બેઠકો મળે તેવું લાગી રહ્યું છે. કૉંગ્રેસના યૂપીએને 53-66 બેઠકો અને અન્યના ખાતામાં 0-5 બેઠકો મળવાનું અનુમાન છે. 

29/04/2021 19:44:08

આસામમાં એક્ઝિટ પોલના આંકડા

આસામમાં એક્ઝિટ પોલના આંકડા સામે આવ્યા છે તે મુજબ વોટ શેરની વાત કરવામાં આવે તો કૉંગ્રેસને 48.8 ટકા અને ભાજપને 42.9 ટકા વોટ શેર મળી રહ્યા છે. અન્યના ખાતામાં 8.3 ટકા વોટ શેર છે. 

29/04/2021 19:32:12

294 બેઠકો માટે ટીએમસીને 42.1 ટકા મત શેર

એક્ઝિટ પોલમાં બંગાળના મતની ટકાવારી આવી છે. 294 બેઠકો માટે ટીએમસીને 42.1 ટકા મત શેર મળતા જોવા મળી રહ્યા છે. ભાજપને 39.2 ટકા અને કૉંગ્રેસને 15.4 ટકા અને અન્યને 3.3 ટકા મત શરે મળતા જોવા મળી રહ્યા છે.

29/04/2021 19:30:02

બંગાળમાં ત્રીજી વખત ટીએમસી સત્તામાં પરત ફરે તેવું લાગી રહ્યું છે

પશ્ચિમ બંગાળમાં ત્રીજી વખત ટીએમસી સત્તામાં પરત ફરે તેવું લાગી રહ્યું છે. મમતા બેનર્જીની પાર્ટી ટીએમસી 152-164 બેઠકો પર જીત મેળવે તેવું અનુમાન છે. ભાજપને 109-121 બેઠકો મળી શકે છે. કૉંગ્રેસને 14-25 બેઠકો મળી શકે છે.

29/04/2021 19:28:30

#ABPCVoterExitPoll:

#ABPCVoterExitPoll: પશ્ચિમ બંગાળ એક્ઝિટ પોલ  (292 સીટ)  TMC+ : 42.1% BJP+ : 39.2% CONG+ : 15.4% OTH : 3.3%

29/04/2021 19:25:06

https://twitter.com/ABPNews/status/1387764718660734978

29/04/2021 19:24:43

પશ્ચિમ બંગાળમાં TMC લગાવશે જીતની હેટ્રિક

 

#ABPCVoterExitPoll: પશ્ચિમ બંગાળ એક્ઝિટ પોલ  (292 સીટ)

TMC+ : 152-164
BJP+ : 109-121
CONG+ : 14-25

29/04/2021 18:19:42

Bengal Exit Poll 2021 Live

પશ્ચિમ બંગાળ વિધાનસભા ચૂંટણીમાં અંતિમ અને આઠમાં તબક્કામાં સાંજે 5.30 વાગ્યા સુધીમાં 76.07 ટકા મતદાન થયું છે. અંતિમ તબક્કાના મતદાનમાં  84 લાખ મતદારોએ વિધાસભાની 35 બેઠકો પર 283થી વધુ ઉમેદવારોના ભાવીનો ફેંસલો કરી રહી છે. 

29/04/2021 18:01:26

https://twitter.com/ABPNews/status/1387740336219254790

29/04/2021 17:59:38

Kerala Exit Poll 2021

 

કેરળમાં 2016માં ચૂંટણીના પરિણામ જોઈએ તો સીપીએમના એલડીએફને 140 બેઠકોમાંથી 91 બેઠકો પર જીત મળી હતી અને કૉંગ્રેસના યૂડીએફને 47 બેઠકો પર જીત મળી હતી.  કેરળમાં ગત વિધાનસભા ચૂંટણીમાં ભાજપને માત્ર 1 બેઠક પર જીત મળી હતી. મુખ્યમંત્રી પિનરાઈ વિજયન સામે કેરળમાં લેફ્ટનો ગઢ બચાવવાનો પડકાર છે. ભાજપે મેટ્રો મેન શ્રીધરનને મેદાનમાં ઉતારી પોતાની સ્થિતિ મજબૂત કરવાનો પ્રયાસ કર્યો છે. 

29/04/2021 17:34:08

પુડ્ડચેરી 2016ના પરિણામ

પુડ્ડચેરી વિધાનસભામાં 2016ના  પરિણામ પર નજર કરીએ તો કૉંગ્રેસની આગેવાનીવાળા યૂપીએને અહીં 30માંથી 17 બેઠકો મળી હતી જેમાં એકલા કૉંગ્રેસે 15 સીટ પર જીત મેળવી હતી. આ પરીણામ બાદ કૉંગ્રેસના સીનિયર નેતા વી નારાયણસ્વામી પુડ્ડ્ચેરીના મુખ્યમંત્રી બન્યા હતા. પરંતુ હાલમાં જ યૂપીએ સરકાર અલ્પમતમાં આવ્યા બાદ સરકાર પડી ગઈ હતી.

29/04/2021 17:22:57

પશ્ચિમ બંગાળના 2016ના પરિણામ

સૌથી પહેલા પશ્ચિમ બંગાળના 2016ના પરિણામની વાત કરીએ તો અહીં ટીએમસીએ 294 બેઠકોમાંથી 211 બેઠકો પર જીત મેળવી હતી અને કૉંગ્રેસને 76 બેઠકો પર જીત મળી હતી. અહીં ભારતીય જનતા પાર્ટીએ માત્ર 3 બેઠકો પર જીત મેળવી હતી. આ સિવાય 4 બેઠકો પર અન્યએ જીત મેળવી હતી. 2016માં ટીએમસીનો દબદબો જોવા મળ્યો હતો પરંતુ આ વખતે ભાજપ શાનદાર ટક્કર આપવાની સ્થિતિમાં છે.