extreme el nino warning: દુનિયા પર અત્યારે હવામાનનો એક મોટો કુદરતી ખતરો મંડરાઈ રહ્યો છે. વૈજ્ઞાનિકોની ચેતવણી મુજબ, આ વર્ષે ભયંકર 'અલ નીનો' (El Nino) આવવાની 80% શક્યતા છે, અને તેની અસરો આખી દુનિયામાં ભારે તબાહીના રૂપમાં જોવા મળી શકે છે. વર્લ્ડ મીટીરોલોજીકલ ઓર્ગેનાઈઝેશન (WMO) ના રિપોર્ટ અનુસાર, જૂન અને ઓગસ્ટ મહિનાની વચ્ચે અલ નીનો બનવાના પૂરા ચાન્સ છે અને તે નવેમ્બર સુધી ટકી શકે છે. ક્લાઈમેટ ચેન્જ (આબોહવા પરિવર્તન) ને કારણે આ વખતનો અલ નીનો વધુ ખતરનાક સાબિત થઈ શકે છે. જેનાથી દુનિયાભરમાં ભયંકર દુષ્કાળ, અતિભારે વરસાદ, આકરી ગરમીના મોજા (હીટવેવ) અને પૂર જેવી ગંભીર આફતો આવી શકે છે.
શું છે અલ નીનો અને કેટલી છે તેની શક્યતા?
WMO ના જણાવ્યા પ્રમાણે, જૂનથી ઓગસ્ટ વચ્ચે અલ નીનો સક્રિય થવાની 80% શક્યતા છે અને નવેમ્બર સુધીમાં તે ચાલુ રહેવાના 90% ચાન્સ છે.હવે તમને થશે કે આ અલ નીનો છે શું? સરળ ભાષામાં કહીએ તો, અલ નીનો એક એવી હવામાનની પેટર્ન છે જે દર 2 થી 7 વર્ષે એક્ટિવ થાય છે. આ પ્રક્રિયામાં પૂર્વ પ્રશાંત મહાસાગર (Pacific Ocean) નું પાણી અસામાન્ય રીતે ગરમ થઈ જાય છે. આની સીધી અસર વૈશ્વિક તાપમાન પર પડે છે અને વરસાદની આખી પેટર્ન ખોરવાઈ જાય છે.
આ વખતે ખતરો આટલો મોટો કેમ છે?
વૈજ્ઞાનિકોનું કહેવું છે કે આ વર્ષનો અલ નીનો વધારે મજબૂત અને વિનાશક હોઈ શકે છે. કેટલાક ક્લાઈમેટ મોડેલ્સ એવું સૂચવે છે કે સમુદ્રનું તાપમાન સરેરાશ કરતા 1.5 ડિગ્રી સેલ્સિયસ વધારે રહી શકે છે. આની પાછળ ક્લાઈમેટ ચેન્જ બહુ મોટો ભાગ ભજવી રહ્યું છે. ઔદ્યોગિક ક્રાંતિના સમયથી પૃથ્વીનું તાપમાન 1.3 ડિગ્રી સેલ્સિયસ જેટલું વધી ગયું છે. આ વધેલું ગ્લોબલ વોર્મિંગ અને અલ નીનો બંને ભેગા મળીને પરિસ્થિતિને વધુ વણસાવશે.
આ પણ વાંચોઃ Gujarat Rain Update: આભ ફાટશે! ગુજરાતના આ જિલ્લાઓમાં ૩ દિવસ રેડ એલર્ટ, વહીવટી તંત્ર થયું દોડતું
દુનિયાભરમાં કેવી અસર જોવા મળશે?
અલ નીનો અને આબોહવા પરિવર્તનની આ ડબલ અસરને લીધે કુદરતી આપત્તિઓ વધી જશે.
બેવડી ઋતુનો માર: અમુક વિસ્તારોમાં એટલો બધો વરસાદ પડશે કે પૂરની સ્થિતિ સર્જાશે, તો બીજી તરફ અમુક વિસ્તારો એવા હશે જ્યાં દુષ્કાળ પડશે.
આગ અને ગરમી: હીટવેવ (ગરમીના મોજા) વધશે, જેના કારણે જંગલોમાં આગ લાગવાની ઘટનાઓમાં પણ મોટો ઉછાળો આવી શકે છે.
દરિયાઈ તોફાનો અને ચક્રવાતની તાકાત અને દિશા પર પણ તેની સીધી અને ખરાબ અસર જોવા મળશે.
આ પણ વાંચોઃ આવતીકાલનું હવામાનઃ દેશના 17 રાજ્યોમાં તૂટી પડશે આફત! 80km/hની ઝડપે પવન અને ભારે વરસાદનું એલર્ટ
ભવિષ્ય માટે WMO ની મોટી ચેતવણી
પરિસ્થિતિની ગંભીરતાને જોતા WMO એ ચેતવણી આપી છે કે વર્ષ 2027 અત્યાર સુધીના ઈતિહાસનું સૌથી ગરમ વર્ષ સાબિત થઈ શકે છે. વૈજ્ઞાનિકો માને છે કે આ અલ નીનો આપણને ભવિષ્યમાં હવામાન કેવું હશે તેનું એક જીવંત ટ્રેલર બતાવી રહ્યો છે. જો અત્યારથી જ પર્યાવરણ પ્રત્યે ગંભીર નહીં બનીએ, તો ભવિષ્યમાં આનાથી પણ મોટી આફતોનો સામનો કરવો પડી શકે છે.