નરેન્દ્રસિંહ તોમરે કહ્યું હતું કે, MSP ચાલુ રહેશએ એ વાત સરકાર સતત કહેતી આવી છે. અમે તેને લેખિતમાં આપવા તૈયાર છે પરંતુ ખેડૂતસંગઠનોની માંગ છે કે, MSPનો કાયદો બનાવવામાં આવે, તેથી અમે એમએસપીના કાયદાને લઈ અને અન્ય મુદ્દા પર 4 જાન્યુઆરીએ ચર્ચા કરીશું.
સરકારે સ્વીકારી ખેડૂતોની બે માંગ
તોમરે કહ્યું કે ખેડૂતો એવું માની રહ્યાં છે કે, જો ઈલેક્ટ્રિસિટી એક્ટમાં સુધારો કરવામાં આવશે તો તેમને નુકસાન થશે. ખેડૂત સંગઠન ઈચ્છે છે કે, રાજ્ય સરકાર દ્વારા સિંચાઈ માટે ખેડૂતોને જે સબ્સિડી આપવામાં આવે છે તે ચાલુ રહેવી જોઈએ. આ મુદ્દા પર બન્ને પક્ષોની સહમતિ બની છે. તેની સાથે પરાળીને લઈને પણ ખેડૂતોની માંગ સ્વીકારવામાં આવી છે.
કૃષિમંત્રીએ કહ્યું કે, એજન્ડામાંથી 50 ટકા વસ્તુઓ પર સહમતિ બની ગઈ છે. બન્ને પક્ષો વચ્ચે સારા માહોલમાં વાતચીત થઈ. તેમણે વધુમાં કહ્યું કે, ખેડૂત સંગઠનો બે નવા કાયદાને પરત લેવાની માંગ કરી રહ્યાં છે.