ફાસ્ટૈગને લઈને કેંદ્ર સરકારે લોકોને આપી રાહત, હવે આ તારીખથી થશે ફરજિયાત
એબીપી અસ્મિતા વેબ ટીમ | 29 Nov 2019 09:18 PM (IST)
સરકારના આ નિર્ણયથી એ લોકોને રાહત મળી છે જેમણે અત્યાર સુધી પોતાની ગાડી પર ફાસ્ટૈગ લગાવ્યું નથી.
નવી દિલ્હીઃ નેશનલ હાઇવેના ટોલ પ્લાઝા પર 1 ડિસેમ્બર 2019થી ફાસ્ટૈગનો ઉપયોગને લઇને કેન્દ્ર સરકારે મોટો નિર્ણય લેતા હવે 15 દિવસની લોકોને રાહત આપી છે. સરકારના નિર્ણય બાદ હવે 15 ડિસેમ્બર 2019થી ટોલ પ્લાઝા પરથી પસાર થનારા વાહનો માટે ફાસ્ટૈગ ફરજિયાત થશે. સરકારના આ નિર્ણયથી એ લોકોને રાહત મળી છે જેમણે અત્યાર સુધી પોતાની ગાડી પર ફાસ્ટૈગ લગાવ્યું નથી. શુક્રવારે સાંજે પરિવહન મંત્રાલયે આ સંબંધમાં એક નોટિફિકેશન જાહેર કરી જાણકારી આપી છે.