સૂત્રો અનુસાર, એનસીપી, શિવસેના અને કૉંગ્રેસ વચ્ચે નાયબ મુખ્યમંત્રી અને સ્પીકરના નામ પર હજુ કરી નિર્ણય લેવાયો નથી. આ ફસાયેલા પેંચ વચ્ચે મહારાષ્ટ્રમાં સત્તાની વહેચણીનો નવો ફોર્મ્યૂલા સામે આવ્યો છે. સૂત્રો અનુસાર, કૉંગ્રેસ અને એનસીપી બન્ને પાર્ટીના ડેપ્યુટી સીએમ હશે. જ્યારે સ્પીકરનું પદ એનસીપીના ખાતામાં જશે. એવી પણ ચર્ચા છે કે ડેપ્યૂટી સ્પીકરનું પદ કૉંગ્રેસને આપવામાં આવી શકે છે.
ઉલ્લેખનીય છે કે, મહારાષ્ટ્રના 19માં મુખ્યમંત્રી તરીકે શિવસેના સુપ્રીમો ઉદ્ધવ ઠાકરે ગુરુવારે ઐતિહાસિક શિવાજી પાર્કમાં શપથ લીધા હતા. ઉદ્ધવ ઠાકરે સાથે 6 નેતાઓએ પણ મંત્રી પદના શપથ લીધા હતા.