જાણીતા હિન્દી દૈનિક પત્રિકાના રિપોર્ટ પ્રમાણે, ભારતીય કિસાન યૂનિયનના જિલ્લા પ્રધાન મલકીત સિંહે જણાવ્યું 1 માર્ચથી ખેડૂતો દૂધના ભાવમાં વધારો કરશે. 50 રૂપિયા લીટર વેચાતા દૂધની કિંમત બમણી થઈ જશે એટલે કે 100 રૂપિયા લીટર વેચાશે. મલકીત સિંહે કહ્યું, કેન્દ્ર સરકારે ડીઝલના ભાવ વધારીને ખેડૂતોને ઘેરવાનો પ્રયાસ કર્યો છે.
ઉલ્લેખનીય છે કે, થોડા દિવસની રાહત બાદ ફરી આજે ભાવમાં વધારો થયો છે. રાજધાની દિલ્હીમાં પેટ્રોલના ભાવમાં 24 પૈસા અને ડીઝલની કિંમતમાં 15 પૈસાનો વધારો થયો છે. કિંમતમાં સતત વધારાના કારણે દિલ્હીમાં પેટ્રોલનો ભાવ 91 રૂપિયાને પાર થઈ ગયો છે. જ્યારે મુંબઈમાં પેટ્રોલની કિંમત 97.47 રૂપિયા પર પહોંચી છે.