Same Sex Marriage in Supreme : કેન્દ્ર સરકારે ગે લગ્ન એટલે કે સમલૈંગિક લગ્નને મંજૂરી આપતી અરજીઓનો વિરોધ કર્યો છે. કેન્દ્ર સરકારે સુપ્રીમ કોર્ટમાં જવાબ દાખલ કરીને તમામ 15 અરજીઓનો વિરોધ કર્યો છે. કેન્દ્રએ કહ્યું હતું કે, સમલૈંગિક લગ્નને મંજૂરી આપી શકાય નહીં. આ ભારતીય પરિવારના અવધારણાની વિરુદ્ધ છે. કુટુંબની અવધારણા પતિ અને પત્ની અને તેમનાથી જન્મેલા બાળકોનો સમાવેશ થાય છે. ભાગીદાર તરીકે સાથે રહેવું અને સમલિંગી વ્યક્તિઓ સાથે સેક્સ માણવું એ પતિ, પત્ની અને બાળકોની ભારતીય કુટુંબ એકમની વિભાવના સાથે તુલનાત્મક નથી જે અનિવાર્યપણે જૈવિક પુરુષને 'પતિ' તરીકે નિયુક્ત કરે છે, જૈવિક સ્ત્રીને 'પત્ની' તરીકે અને બે ના મિલન થી જન્મેલ બાળકના રૂપમાં ગણે છે. જેમનો ઉછેર જૈવિક પુરુષ પિતા તરીકે અને જૈવિક સ્ત્રી માતા તરીકે કરે છે.
પોતાના 56 પાનાના એફિડેવિટમાં સરકારે કહ્યું છે કે, સુપ્રીમ કોર્ટ અને હાઈકોર્ટે તેમના ઘણા નિર્ણયોમાં વ્યક્તિગત સ્વતંત્રતાના અર્થઘટનને સ્પષ્ટ કર્યું છે. આ નિર્ણયોના પ્રકાશમાં આ અરજી પણ ફગાવી દેવી જોઈએ. કારણ કે તેમાં સાંભળવા જેવું કોઈ તથ્ય નથી. યોગ્યતાના આધારે તેને બરતરફ કરવી જ વ્યાજબી લેખાશે. કાયદામાં ઉલ્લેખ મુજબ પણ સમલૈંગિક લગ્નને માન્યતા આપી શકાતી નથી. કારણ કે તેમાં પતિ-પત્નીની વ્યાખ્યા જૈવિક રીતે આપવામાં આવી છે. તદનુસાર, બંને પાસે કાનૂની અધિકારો પણ છે. સમલૈંગિક લગ્નમાં વિવાદના કિસ્સામાં પતિ-પત્નીને અલગથી કેવી રીતે ગણી શકાય?
SCએ તમામ અરજીઓને પોતાની પાસે ટ્રાન્સફર કરી હતી
ઉલ્લેખનીય છે કે, સુપ્રીમ કોર્ટે દિલ્હી હાઈકોર્ટ સહિત દેશની તમામ હાઈકોર્ટમાં પેન્ડિંગ સમલૈંગિક લગ્ન સંબંધિત અરજીઓને એકસાથે ટ્રાન્સફર કરી હતી. સુપ્રીમ કોર્ટે કહ્યું હતું કે, કેન્દ્ર તરફથી હાજર રહેલા વકીલ અને અરજદારોના વકીલ અરુંધતિ કાત્જુ મળીને તમામ લેખિત માહિતી, દસ્તાવેજો અને જૂના દાખલાઓ એકત્રિત કરે જેના આધારે સુનાવણી આગળ વધશે.
બેન્ચે 6 જાન્યુઆરીના તેના આદેશમાં કહ્યું હતું કે, પક્ષકારોએ ફરિયાદોની સોફ્ટ કોપી (ડિજિટલ કોપી) શેર કરવી જોઈએ અને તે કોર્ટને પણ ઉપલબ્ધ કરાવવી જોઈએ. તમામ અરજીઓને એકસાથે સૂચિબદ્ધ કરવી જોઈએ અને કેસોની સૂચનાઓ માટે 13 માર્ચ, 2023ની તારીખ નક્કી કરવી જોઈએ.
સુપ્રીમ કોર્ટે કેન્દ્રને જવાબ માંગ્યો હતો
વિવિધ અરજદારોના વકીલોએ બેન્ચને વિનંતી કરી હતી કે, આ મામલે સત્તાવાર નિર્ણય માટે તમામ બાબતો તેને ટ્રાન્સફર કરવામાં આવે અને કેન્દ્રએ પણ તેનો જવાબ સુપ્રીમ કોર્ટને આપવો જોઈએ. વર્ષ 2018માં જસ્ટિસ ચંદ્રચુડને સુપ્રીમ કોર્ટની બંધારણીય બેંચમાં પણ સામેલ કરવામાં આવ્યા હતા, જેણે સર્વસંમતિથી ગે સેક્સને અપરાધ જાહેર કરવાનો ચુકાદો આપ્યો હતો. જસ્ટિસ ચંદ્રચુડે ગયા વર્ષે નવેમ્બરમાં કેન્દ્રને આ સંદર્ભમાં નોટિસ પાઠવી હતી અને એડવોકેટ જનરલ આર.કે. વેંકટરામણીની મદદ લેવામાં આવી હતી.
2018માં સુપ્રીમ કોર્ટે આપ્યો હતો ઐતિહાસિક નિર્ણય
6 સપ્ટેમ્બર, 2018ના રોજ સુપ્રીમ કોર્ટની પાંચ જજોની બંધારણીય બેંચે સર્વસંમતિથી ઐતિહાસિક ચુકાદામાં દેશમાં ખાનગી જગ્યાએ પુખ્ત વયના લોકો વચ્ચે સહમતિથી સમલૈંગિક અથવા વિજાતીય સેક્સને અપરાધ જાહેર કર્યો હતો.