હરિયાણામાં છેલ્લા 10 વર્ષથી ભાજપની સરકાર હતી

08/10/2024 18:05:35

હરિયાણામાં ભાજપે લગાવી સત્તાની હેટ્રિક

હરિયાણામાં ભાજપની બહુમતી સ્પષ્ટ થઇ ચૂકી છે. સાંજના 6 વાગ્યા સુધીના ચૂંટણી પંચના તાજા આંકડા પ્રમાણે, હરિયાણા વિધાનસભાના પરિણામ પર નજર કરીએ તો, પ્રદેશમાં ભારતીય જનતા પાર્ટી 41 બેઠકો પર જીત સાથે આગળ છે, જ્યારે 7 બેઠકો પર લીડ કરી રહી છે. કુલ 90માંથી 48 બેઠકો હરિયાણામાંથી ભાજપના ખાતામાં જઇ રહી છે. તો વળી, કોંગ્રેસ 33 બેઠકો પર જીત અને 4 બેઠકો પર લીડ સાથે કુલ 37 બેઠકો પર જીતતી દેખાઇ રહી છે. પ્રદેશમાં અન્ય પક્ષોની વાત કરીએ તો ઇન્ડિયન નેશનલ લોકદળ -આઇએનએલડીને 2માં જીત અને અપક્ષો 3 બેઠકો પર જીત મેળવી રહ્યાં છે.

08/10/2024 15:20:33

ડોડા સીટ પરથી આમ આદમી પાર્ટીના મેહરાજ મલિકે બીજેપીના ગજય સિંહ રાણાને હરાવ્યા

જમ્મુ-કાશ્મીર વિધાનસભાની ચૂંટણીના પરિણામો આવી રહ્યા છે. નેશનલ કોન્ફરન્સ અને કોંગ્રેસના ગઠબંધનને બહુમતી મળતી દેખાઈ રહી છે ત્યારે આમ આદમી પાર્ટી માટે પણ એક મોટા સમાચાર સામે આવ્યા છે. આમ આદમી પાર્ટીએ જમ્મુ કાશ્મીરમાં ખાતું ખોલ્યું છે. ડોડા સીટ પરથી આમ આદમી પાર્ટીના ઉમેદવાર મેહરાજ મલિકે બીજેપીના ગજય સિંહ રાણાને લગભગ 4500 વોટથી હરાવ્યા છે.

08/10/2024 15:19:49

Haryana Election Results Live: વિનેશ ફોગાટ જુલાનાથી જીત્યા

કુસ્તીબાજ વિનેશ ફોગાટને જુલાના વિધાનસભા બેઠક પરથી જીત મળી છે. 15 રાઉન્ડની મતગણતરી બાદ તેમણે ભાજપના યોગેશ કુમારને 5 હજારથી વધુ મતોના અંતરથી હરાવ્યા હતા.

08/10/2024 15:19:33

Haryana Election Results Live: થાનેસરમાં કોંગ્રેસની જીત

થાનેસર વિધાનસભા બેઠક પર કોંગ્રેસના ઉમેદવાર અશોક કુમાર અરોરાનો વિજય થયો છે. ભાજપના સુભાષ સુધા 3243 મતોના માર્જિનથી હારી ગયા છે.

08/10/2024 15:19:07

Haryana Election Results Live: હરિયાણાના પરિણામો પર અરવિંદ કેજરીવાલે શું કહ્યું?

હરિયાણા વિધાનસભા ચૂંટણીના પરિણામો પર આમ આદમી પાર્ટીના સંયોજક અરવિંદ કેજરીવાલે કહ્યું કે પહેલી વાત એ છે કે કોઈ પણ ચૂંટણીને હળવાશથી ન લેવી જોઈએ, આજની ચૂંટણીમાંથી સૌથી મોટો પાઠ એ છે કે ક્યારેય વધારે આત્મવિશ્વાસ ન હોવો જોઈએ. કોઈપણ ચૂંટણીને હળવાશથી લેવી જોઈએ નહીં. દરેક ચૂંટણી મુશ્કેલ હોય છે. દરેક ચૂંટણીમાં સખત મહેનત કરવી જોઈએ.

08/10/2024 15:18:50

Haryana Election Results Live: 14 રાઉન્ડ પછી અનિલ વિજ આગળ કે પાછળ?

હરિયાણા વિધાનસભા ચૂંટણીમાં મતગણતરી ચાલુ છે. દરમિયાન અંબાલા કેન્ટમાંથી 14 રાઉન્ડની મતગણતરી બાદ પૂર્વ ગૃહમંત્રી અનિલ વિજ 8805 મતોથી આગળ છે.

08/10/2024 15:18:33

Haryana Election Results Live: મનોહર લાલ ખટ્ટરના નિવાસસ્થાને ચાલી રહેલી બેઠક પૂર્ણ

હરિયાણા વિધાનસભા ચૂંટણીમાં ચાલી રહેલી મતગણતરી વચ્ચે મનોહર લાલ ખટ્ટરના નિવાસસ્થાને ચાલી રહેલી બેઠક સમાપ્ત થઈ ગઈ છે. ધર્મેન્દ્ર પ્રધાન, વિપ્લવ દેવ, સુરેન્દ્ર સિંહ નાગર અને જિતિન પ્રસાદ બેઠક બાદ પૂર્વ મુખ્યમંત્રીના નિવાસસ્થાનેથી નીકળી ગયા છે.

08/10/2024 12:29:26

Haryana Election Results Live 2024: 'અંતિમ વિજય કોંગ્રેસની થશેઃ અશોક ગેહલોત

રાજસ્થાનના પૂર્વ મુખ્યમંત્રી અને કોંગ્રેસના વરિષ્ઠ નેતા અશોક ગેહલોતે કહ્યું હતું કે , "અંતિમ જીત કોંગ્રેસની જ થશે. સરકાર કોંગ્રેસની જ બનશે અને તે જ જીતશે. આ વિચારધારાની લડાઈ છે. લોકશાહીમાં લડાઈ માત્ર વિચારધારાની હોવી જોઈએ.."

08/10/2024 12:29:04

નાયબ સિંહ સૈની સીએમ બનશે- BJP નેતા

ભાજપના નેતા કે.કે શર્માએ કહ્યું હતું કે, "પરિણામો હજુ જાહેર થવાના બાકી છે પરંતુ મને વિશ્વાસ છે કે ત્યાં (હરિયાણામાં) ભાજપ ત્રીજી વખત પૂર્ણ બહુમતી સાથે સરકાર બનાવશે અને નાયબ સિંહ સૈની બીજી વખત મુખ્યમંત્રી તરીકે શપથ લેશે."

08/10/2024 12:28:45

Haryana Election Results Live 2024: 'કોંગ્રેસ ભ્રમ પેદા કરે છે'- કેકે શર્મા

ભાજપના નેતા કેકે શર્માએ કહ્યું હતું કે , "કોંગ્રેસ જમીની વાસ્તવિકતાથી દૂર છે. તેમને વાસ્તવિક પરિસ્થિતિ સાથે કોઈ લેવાદેવા નથી. તેઓ હવામાં રહે છે, ભ્રમ પેદા કરે છે. રાહુલ ગાંધીએ લોકસભાની ચૂંટણીમાં પણ એવું જ કર્યું હતું. લોકો તેમના જૂઠને સમજવા લાગી છે અને કોઈ ભ્રમમાં ફસાશે નહીં.

08/10/2024 10:29:49

Haryana Election Results Live 2024: વિનેશ ફોગાટ જુલાના સીટથી પાછળ છે

હરિયાણાની જુલાના વિધાનસભા બેઠક પરથી કોંગ્રેસના ઉમેદવાર વિનેશ ફોગાટ પાછળ રહી ગયા છે. અહીંથી ભાજપના યોગેશ બૈરાગીએ મોરચો સંભાળ્યો છે. અત્યાર સુધી બંને વચ્ચે 2128 મતનો તફાવત છે.

08/10/2024 10:29:36

Haryana Election Results Live 2024: ભાજપ 51 બેઠકો પર આગળ છે

હરિયાણા વિધાનસભા ચૂંટણી 2019માં ભાજપે 40 બેઠકો જીતી હતી. હવે 2024ની ચૂંટણીના શરૂઆતના વલણોમાં ભાજપે 51 બેઠકો પર લીડ મેળવી છે. જો કે અંબાલા કેન્ટથી ભાજપના નેતા અનિલ વિજ હજુ પણ પાછળ છે.

08/10/2024 10:29:07

Haryana Election Results Live 2024: ચૂંટણી પંચના વલણોમાં ભાજપને બહુમતી મળી

ચૂંટણી પંચ દ્વારા અત્યાર સુધી જાહેર કરાયેલા ટ્રેન્ડમાં ભાજપે બહુમતીના આંકને સ્પર્શ કર્યો છે. ભાજપને 46 સીટો પર લીડ મળી છે જ્યારે કોંગ્રેસ 33 સીટો પર આગળ છે.

08/10/2024 10:28:50

Haryana Election Results Live 2024: પાણીપત ત્રીજા રાઉન્ડમાં ભાજપ આગળ

પાણીપતના ત્રીજા રાઉન્ડમાં પાણીપત ગ્રામીણથી ભાજપના મહિપાલ ઢાંડા આગળ છે. ઢાંડાને 4785 મત મળ્યા હતા. કોંગ્રેસના સચિન કુંડૂને 2794 વોટ મળ્યા હતા. અપક્ષ ઉમેદવાર વિજય જૈનને અત્યાર સુધીમાં 3577 વોટ મળ્યા છે.

08/10/2024 10:28:31

Haryana Election Results Live 2024: આદિત્ય સુરજેવાલા કૈથલથી પાછળ

રણદીપ સુરજેવાલાના પુત્ર અને કોંગ્રેસ નેતા આદિત્ય સુરજેવાલા હરિયાણાની કૈથલ વિધાનસભા સીટથી પાછળ છે.

08/10/2024 09:39:24

Haryana Election Results Live 2024: શરૂઆતના વલણમાં કોંગ્રેસની બેઠકો ઘટીને 51 થઈ ગઈ

સવારે 9.00 વાગ્યા સુધીના પ્રારંભિક વલણો અનુસાર કોંગ્રેસે 65 બેઠકો પર લીડ મેળવી હતી. જો કે 9.30 વાગ્યા સુધીના આંકડા મુજબ કોંગ્રેસ 47 સીટો પર આગળ છે. આ સાથે જ ભાજપની બેઠકો વધીને 35 થઈ ગઈ છે. ભાજપ અને કોંગ્રેસ વચ્ચેનો તફાવત ટ્રેન્ડમાં ઓછો થતો જોવા મળી રહ્યો છે.

08/10/2024 08:55:11

Jammu-Kashmir Election Result: NC-BJP વચ્ચે ચુસ્ત હરીફાઈ, બંને 13-13 સીટો પર આગળ છે

જમ્મુ અને કાશ્મીર વિધાનસભા ચૂંટણીની 31 બેઠકો માટેના વલણો જાહેર થયા છે. જેમાં નેશનલ કોન્ફરન્સ 13 પર, ભાજપ 13 પર અને અન્ય ઉમેદવારો 5 સીટો પર આગળ ચાલી રહ્યા છે.

08/10/2024 08:54:51

Jammu-Kashmir Election Result: એનસી 11 પર અને ભાજપ સાત પર આગળ છે.

જમ્મુ-કાશ્મીરમાં વિધાનસભા ચૂંટણીની મતગણતરી શરૂ થઈ ગઈ છે. હાલમાં પોસ્ટલ બેલેટ પેપરની ગણતરી ચાલી રહી છે. અત્યાર સુધીની ગણતરીમાં NC 11 પર અને ભાજપ સાત પર અને અન્ય ઉમેદવારો ત્રણ પર આગળ છે.

08/10/2024 08:54:31

Jammu Kashmir Election Result: 'આગામી સીએમ ડોગરા હશે', ભાજપના નેતાનો દાવો

ભારતીય જનતા પાર્ટીના જમ્મુ પશ્ચિમના ઉમેદવાર અરવિંદ ગુપ્તાએ એબીપી ન્યૂઝ સાથે વાત કરતા મોટો દાવો કર્યો છે. તેમણે કહ્યું છે કે 77 વર્ષ પછી આ પ્રથમ વખત હશે જ્યારે જમ્મુ અને કાશ્મીરમાં ભાજપ સંપૂર્ણ બહુમતી સાથે સરકાર બનાવશે એટલું જ નહીં પરંતુ કેન્દ્રશાસિત પ્રદેશના આગામી મુખ્યમંત્રી ડોગરા હશે.

08/10/2024 08:53:58

Jammu-Kashmir Election Result 2024: : ઓમર અબ્દુલ્લાએ જીતનો દાવો કર્યો

એનસીના વરિષ્ઠ નેતા અને જમ્મુ અને કાશ્મીરના ભૂતપૂર્વ સીએમ ઓમર અબ્દુલ્લાએ એક પોસ્ટ કર્યું તેમણે લખ્યું છે કે અમે ચૂંટણી દરમિયાન સારી લડાઈ લડી હતી. ઇન્શાઅલ્લાહ, પરિણામો પણ અમારી તરફેણમાં આવશે.

08/10/2024 08:53:38

Jammu-Kashmir Election Result: કડક સુરક્ષા બંદોબસ્ત

જમ્મુ-કાશ્મીરમાં આજે મતદાનની ગણતરીને ધ્યાનમાં રાખીને તમામ કેન્દ્રો પર સુરક્ષા વધારી દેવામાં આવી છે. કોઈને પણ નિયમોનું ઉલ્લંઘન કરવાની છૂટ નથી. મતગણતરી શાંતિપૂર્ણ રીતે થાય તે માટે મતગણતરી કેન્દ્રો પર મોટી સંખ્યામાં સુરક્ષા દળો અને પોલીસ કર્મચારીઓ તૈનાત છે.

08/10/2024 08:53:20

Jammu-Kashmir Election Result Live : મતગણતરી શરૂ કરતા પહેલા હવન કરવામાં આવ્યો હતો

જમ્મુ અને કાશ્મીર ભાજપના અધ્યક્ષ અને નૌશેરા વિધાનસભાના ઉમેદવાર રવિન્દ્ર રૈનાએ મંગળવારે સવારે 8 વાગ્યે મતગણતરી શરૂ થાય તે પહેલાં પ્રથમ હવન કર્યો હતો. તેમણે પાર્ટીની જીત માટે ભગવાનને પ્રાર્થના કરી.

08/10/2024 08:51:57

Haryana Election Results Live 2024: હરિયાણામાં તમામ મંત્રીઓ પાછળ

હરિયાણાના પ્રારંભિક વલણોમાં સીએમ નાયબ સિંહ સૈની સહિત તમામ કેબિનેટ મંત્રીઓ પાછળ છે. લાડવા બેઠક પરથી ભાજપના ઉમેદવાર નાયબ સિંહ સૈની પણ પાછળ રહી ગયા છે.

08/10/2024 08:51:40

Haryana Election Results Live 2024: સીએમ નાયબ સિંહ સૈની ફરી આગળ

લાડવા વિધાનસભા સીટના પ્રારંભિક વલણોમાં મુખ્યમંત્રી નાયબ સિંહ સૈની ફરી આગળ થયા હતા. આ પહેલા તેની લીડ થોડા સમય માટે ઘટી હતી.

08/10/2024 08:51:24

Haryana Election Results Live 2024: કોંગ્રેસની હિસારની 7માંથી ચાર બેઠકો પર લીડ

હરિયાણા વિધાનસભા ચૂંટણી પરિણામોના શરૂઆતના વલણો અનુસાર, કોંગ્રેસ હિસાર જિલ્લામાં સાતમાંથી ચાર બેઠકો પર આગળ છે. અત્યાર સુધીના વલણો અનુસાર, કોંગ્રેસ 60 ના આંકડા પર પહોંચી ગઈ છે. ભાજપ 17 બેઠકો પર આગળ છે.

08/10/2024 08:31:24

હરિયાણામાં મતગણતરી ચાલી રહી છે

08/10/2024 08:27:39

Haryana Election Results Live 2024: JJP વડા દુષ્યંત ચૌટાલા પાછળ

પ્રારંભિક વલણોમાં JJP ચીફ દુષ્યંત ચૌટાલા હરિયાણાની ઉચાના કલાં વિધાનસભા બેઠક પરથી પાછળ ચાલી રહ્યા છે. 2019ની વિધાનસભા ચૂંટણીમાં JJPએ 10 બેઠકો જીતી હતી.

08/10/2024 08:27:25

Haryana Election Results Live 2024: કોંગ્રેસ પ્રારંભિક વલણોમાં આગળ છે

હરિયાણા વિધાનસભા ચૂંટણીની બેલેટ પેપરની ગણતરીમાં કોંગ્રેસે અત્યાર સુધીમાં 38 સીટો પર લીડ મેળવી છે અને બહુમત તરફ આગળ વધી રહી છે. ભાજપ હજુ પણ 22 બેઠકો પર આગળ છે. INLD અને અન્ય પક્ષો પણ 2-2 બેઠકો પર આગળ છે.

08/10/2024 08:27:11

Haryana Election Results Live 2024: આદિત્ય સુરજેવાલા કૈથલથી આગળ

રણદીપ સુરજેવાલાના પુત્ર કોંગ્રેસ નેતા આદિત્ય સુરજેવાલા કૈથલ વિધાનસભા સીટ પરથી આગળ છે. ગત વખતે આ સીટ પરથી રણદીપ સુરજેવાલાને હારનો સામનો કરવો પડ્યો હતો.

08/10/2024 08:26:55

Haryana Election Results Live 2024: અભય ચૌટાલા એલનાબાદથી આગળ

INLD ચીફ અભય ચૌટાલા તેમની પરંપરાગત બેઠક એલનાબાદથી પ્રારંભિક વલણોમાં આગળ છે. 2019ની વિધાનસભા ચૂંટણીમાં INLDએ આ જ બેઠક જીતી હતી.

08/10/2024 08:26:34

Haryana Election Results Live 2024: કોંગ્રેસ 30 પર, ભાજપ 10 પર આગળ

પોસ્ટલ બેલેટના પ્રારંભિક વલણોમાં કોંગ્રેસ 30 બેઠકો પર આગળ છે અને ભાજપ 10 બેઠકો પર આગળ છે.

Haryana Results 2024 LIVE: હરિયાણામાં ભાજપની સત્તાની હેટ્રિક, રાજ્યમાં ફરી એકવાર નાયબ સરકાર

બ્રેકગ્રાઉન્ડ