કેટ ક્યુ વાયરસ (સીક્યુવી) જીનસ ઓર્થોબનિયાવાયરસ (બનિયાવીરીડે પરિવાર)ના સિમ્બુ સેરો ગ્રુપનો વાયરસ છે. ઉત્તરીય વિયેતનામમાં 2004માં બાળકોમાં એન્સેફેલિટિસીની સારવાર દરમિયાન આર્બોવાયરની પ્રવૃત્તિઓ પર નજર રાખતી વખતે મચ્છરોમાંથી આ વાયરસને સૌપ્રથમ વખત આઈસોલેટ કરાયો હતો. આ વાયરસ મોટાભાગે ચીનમાં ક્યુલેક્સ મચ્છરોમાં અને ઉત્તરીય વિયેતનામમાં ડુક્કરોમાં મળી આવે છે.
ક્યુલેક્સ મચ્છરો હુંફાળા અને ભેજવાળા વાતાવરણ તરફ આકર્ષાય છે, તેથી કળણ, તળાવ આૃથવા સરોવરની નજીકના વિસ્તારોમાં આ મચ્છરોનો ઉપદ્રવ હોવાનું જોખમ વધુ છે. વધારામાં આ મચ્છરોના બ્રીડિંગ માટે બંિધયાર પાણીની આજુબાજુ અને ઉથલાવેલી ગ્રીલ તથા કચરાપેટી આદર્શ સૃથળો છે. આ મચ્છરો મોટાભાગે મળસ્કે આૃથવા સંધ્યા સમયે દેખાય છે.
ભારતીય સંદર્ભમાં મચ્છરોની કેટલીક ખાસ પ્રજાતીઓ જેવી એઈ-એજિપ્ટી, સીએક્સ-ક્વિનક્યૂફેસિટમ અને સીએક્સ-ટ્રાઈટેનિયોંહિંચસ, સીક્યૂવીને લઈને ખૂબ જ સંવેદનશીલ છે. નિષ્ણાંતો અનુસાર સીક્યૂવી આ મચ્છરો દ્વારા માનવ શરીરમાં સરળતાથી પહોંચી શકે છે.
આઈસીએમઆર અનુસાર ઘરેલુ ડુક્કર પ્રાથમિક સસ્તુન પ્રાણી પશુ છે જેમાં આ વાયરસ મળી આવ્યો છે. જ્યારે ચીનના ડુક્કરોમાં આ વાયરસના એન્ટીબોડી મળી આવ્યા છે. તેનાથી સાબિત થાય છે કે કેટ ક્યુ વાયરસે સ્થાનીક સ્તર પર એક પ્રાકૃતિક ચક્ર વિકસિત કરી લીધુ છે.