ISRO એ ઇતિહાસ રચ્યો, લૉન્ચ કર્યુ યૂરોપિયન અંતરિક્ષ એજન્સીનું PROBA-3 મિશન

ISRO: ઈસરોએ ટ્વીટ કરીને આ મિશનની સફળતાની જાહેરાત કરી. PSLV-C59/PROBA-3 મિશન તેના પ્રક્ષેપણ લક્ષ્યોને સચોટ રીતે પૂર્ણ કરે છે

ISRO: ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ આંધ્રપ્રદેશના શ્રીહરિકોટાથી PSLV-C59/PROBA-3 મિશન સફળતાપૂર્વક લૉન્ચ કર્યું. આ મિશન એક કૉમર્શિયલ મિશન હતું, જે ન્યૂસ્પેસ ઈન્ડિયા લિમિટેડ (NSIL) દ્વારા શરૂ કરવામાં આવ્યું હતું. PSLV-C59 રૉકેટ ESA (યુરોપિયન સ્પેસ એજન્સી) ના PROBA-3 ઉપગ્રહને તેની નિયુક્ત ભ્રમણકક્ષામાં મૂકવા માટે લઈ જઈ રહ્યું હતું.

મિશનની સફળતા પર ISRO એ શું કહ્યું ? 
ઈસરોએ ટ્વીટ કરીને આ મિશનની સફળતાની જાહેરાત કરી. PSLV-C59/PROBA-3 મિશન તેના પ્રક્ષેપણ લક્ષ્યોને સચોટ રીતે પૂર્ણ કરે છે, અને ESA ના ઉપગ્રહોને તેમની નિયુક્ત ભ્રમણકક્ષામાં સફળતાપૂર્વક મૂક્યા છે. ISRO એ PSLV ની વિશ્વસનીયતા, NSIL અને ISRO વચ્ચેના સહયોગ અને ESA ના નવીન ઉદ્દેશ્યોનું ઉત્તમ ઉદાહરણ ગણાવ્યું. આ મિશન પીએસએલવીની કામગીરી, ઈસરો અને એનએસઆઈએલ વચ્ચેની ભાગીદારી અને નવી ટેકનોલોજી માટે ESAની પ્રતિબદ્ધતાનું પ્રમાણપત્ર છે.

1,778 કરોડનો થયો છે ખર્ચ 
પ્રૉબા-3 યૂરોપિયન સ્પેસ એજન્સી (ESO)ની પ્રૉબા સીરીઝનું ત્રીજું સૌર મિશન છે. ખાસ વાત એ છે કે પ્રૉબા સીરિઝનું પહેલું મિશન પણ 2001માં ઈસરોએ લૉન્ચ કર્યું હતું. પ્રૉબા-3 મિશન માટે સ્પેન, બેલ્જિયમ, પૉલેન્ડ, ઇટાલી અને સ્વિટ્ઝર્લેન્ડની ટીમોએ કામ કર્યું છે. આના પર લગભગ 20 કરોડ યૂરો (લગભગ 1,778 કરોડ રૂપિયા) ખર્ચ કરવામાં આવ્યા છે.

શું છે પ્રૉબા-3 મિશન ? 
પ્રૉબા-3 (ઓનબૉર્ડ ઓટોનોમી માટેનો પ્રૉજેક્ટ) અવકાશયાનમાં ડબલ-સેટેલાઇટનો સમાવેશ થાય છે, જેમાં બે અવકાશયાન સૂર્યના બાહ્ય વાતાવરણનો અભ્યાસ કરવા માટે એક અવકાશયાન તરીકે ઉડાન ભરશે. ઈસરોએ કહ્યું કે 'પ્રૉબાસ' લેટિન શબ્દ છે, જેનો અર્થ છે 'ચાલો પ્રયાસ કરીએ'. ISROએ જણાવ્યું હતું કે મિશનનો હેતુ ચોક્કસ રચનાની ઉડાન કરવાનો છે અને બે અવકાશયાન - કોરોનાગ્રાફ અને ઓક્યૂલ્ટર - એકસાથે લૉન્ચ કરવામાં આવશે.

સૂર્યના કોરોનાનું અધ્યયન કરશે પ્રૉબા-3 
પ્રૉબા-3 મિશન દ્વારા વૈજ્ઞાનિકો સૂર્યના અંદરના અને બહારના કોરોના વચ્ચે બનેલા ડાર્ક સર્કલનો અભ્યાસ કરશે. સૂર્યના કોરોનાનું તાપમાન 2 મિલિયન ડિગ્રી ફેરનહીટ સુધી પહોંચે છે. કોઈપણ સાધનની મદદથી તેનો અભ્યાસ કરવો શક્ય નથી. પ્રૉબા-3ના બે ઉપગ્રહો કોરોનાગ્રાફ (310 કિગ્રા) અને ઓક્યુલ્ટર (240 કિગ્રા) મળીને સૂર્યગ્રહણનું અનુકરણ કરશે. આ સૂર્યમાંથી નીકળતા તીવ્ર પ્રકાશને અવરોધિત કરશે અને આમ કરવાથી સૂર્યના કોરોનાનો અભ્યાસ કરવો પણ સરળ બનશે. વૈજ્ઞાનિકો શોધી કાઢશે કે સૂર્યના કોરોનાનું તાપમાન તેની સપાટીથી આટલું કેમ વધારે છે.

આ પણ વાંચો