Parliament Winter Session Day 6 LIVE: લોકસભામાં વંદે માતરમ પર બોલ્યા PM મોદી, કહ્યુ- 'જ્યારે 100 વર્ષ થયા હતા ત્યારે....'

અર્જુન રામ મેઘવાલે જણાવ્યું હતું કે "વંદે માતરમ" ગીતની 150મી વર્ષગાંઠ પર વિગતવાર ચર્ચા કરવામાં આવશે.

બ્રેકગ્રાઉન્ડ

સોમવારે રાષ્ટ્રીય ગીત "વંદે માતરમ" ની 150મી વર્ષગાંઠ નિમિત્તે લોકસભામાં ખાસ ચર્ચા થશે. વડાપ્રધાન નરેન્દ્ર મોદી બપોરે 12 વાગ્યે ચર્ચા શરૂ કરશે. સંસદ શરૂ થાય તે પહેલાં કેન્દ્રીય મંત્રી અર્જુન રામ મેઘવાલે જણાવ્યું હતું કે "વંદે માતરમ" ગીતની 150મી વર્ષગાંઠ પર વિગતવાર ચર્ચા કરવામાં આવશે.કેન્દ્રીય મંત્રી અર્જુન રામ મેઘવાલે IANS ને જણાવ્યું હતું કે, "બિઝનેસ એડવાઈઝરી કમિટીના નિર્ણય મુજબ, દેશ 8 ડિસેમ્બરે "વંદે માતરમ" ગીતની 150મી વર્ષગાંઠની ઉજવણી કરી રહ્યો છે. આ સંદર્ભમાં આ પ્રસંગે સોમવારે લોકસભામાં ચર્ચા યોજાશે અને મંગળવારે રાજ્યસભામાં ચાલુ રહેશે."દરમિયાન, કેન્દ્રીય મંત્રી અર્જુન રામ મેઘવાલે વડાપ્રધાન મોદી અને તેમની નીતિઓની પ્રશંસા કરી. તેમણે કહ્યું, "11 વર્ષથી વડા પ્રધાન નરેન્દ્ર મોદી દેશનું નેતૃત્વ કરી રહ્યા છે અને નીતિઓ ઘડી રહ્યા છે. તેમની નીતિઓ સામાજિક ન્યાયના અમલીકરણનું પ્રદર્શન કરે છે."અર્જુન રામ મેઘવાલે કહ્યું કે ગ્રામીણ વિસ્તારોમાં સામાજિક ન્યાય સ્પષ્ટપણે પહોંચ્યો છે. ઘરોનું અપગ્રેડેશન થઈ રહ્યું છે, વીજળી અને શૌચાલય પૂરા પાડવામાં આવી રહ્યા છે, અને મુદ્રા યોજના હેઠળ લોન આપવામાં આવી રહી છે. મેં ગામડાઓની વારંવાર મુલાકાતો દરમિયાન આ ફેરફારો જોયા છે. અત્યાર સુધીમાં 25 કરોડ લોકોને ગરીબીમાંથી બહાર કાઢવામાં આવ્યા છે, જે સામાજિક ન્યાય લાગુ કરવામાં એક મોટી સિદ્ધિ છે.'વંદે માતરમ' ચર્ચાના સમયપત્રક મુજબ, લોકસભામાં તેના માટે ફાળવવામાં આવેલા કુલ 10 કલાકમાંથી શાસક NDA સભ્યોને ત્રણ કલાક ફાળવવામાં આવ્યા છે. શાસક પક્ષ અને વિપક્ષ વચ્ચે ગીત અંગે મતભેદોને કારણે 'વંદે માતરમ' પર ચર્ચા ઉગ્ર થવાની શક્યતા છે. રાજ્યસભાનું સત્ર મંગળવારે યોજાશે. રાજ્યસભામાં કેન્દ્રીય ગૃહમંત્રી અમિત શાહ મંગળવારે ચર્ચા શરૂ કરશે, ત્યારબાદ આરોગ્યમંત્રી અને ગૃહના નેતા જેપી નડ્ડા ચર્ચા શરૂ કરશે.

08/12/2025 15:09:36

Parliament Winter Session Day 6 LIVE: ગૌરવ ગોગોઈએ પીએમ મોદીને જવાબ આપ્યો

ગૌરવ ગોગોઈએ કહ્યું હતું કે, "મોદીનો ઉદ્દેશ્ય તેને રાજકીય રંગ આપવાનો હતો. તેમણે કોંગ્રેસ કાર્યકારી સમિતિ અને પંડિત નેહરુનો ઉલ્લેખ કર્યો. મારી પાસે એક ટેબલ છે કે મોદી જ્યારે પણ કોઈ પણ વિષય પર બોલે છે ત્યારે કેટલી વાર પંડિત નેહરુ અને કોંગ્રેસનો ઉલ્લેખ કરે છે. ઓપરેશન સિંદૂરમાં પંડિત નેહરુનું નામ 14 વખત લેવામાં આવ્યું હતું. કોંગ્રેસ પાર્ટીનું નામ 50 વખત લેવામાં આવ્યું હતું. તમે ગમે તેટલી કોશિશ કરો તમે નેહરુના યોગદાનને કલંકિત કરી શકશો નહીં."

08/12/2025 15:09:23

Parliament Winter Session Day 6 LIVE: મુસ્લિમ લીગ સમગ્ર વંદે માતરમનો બહિષ્કાર કરવા માંગતી હતી - ગૌરવ ગોગોઈ

કોંગ્રેસ સાંસદ ગૌરવ ગોગોઈએ કહ્યું હતું કે, "મુસ્લિમ લીગ કહેતી હતી કે સમગ્ર વંદે માતરમનો બહિષ્કાર કરવો જોઈએ. મુસ્લિમ લીગને આ અધિકાર ક્યાંથી મળ્યો? શું દેશ તેમની ઇચ્છા મુજબ ચલાવવામાં આવશે? ના. બિલકુલ નહીં. મૌલાના આઝાદે સ્પષ્ટપણે કહ્યું કે મને વંદે માતરમ સામે કોઈ વાંધો નથી. મુસ્લિમ લીગના મૌલાના આઝાદ અને ઝીણા વચ્ચે આ જ તફાવત હતો." ભારે દબાણ છતાં એવું નક્કી કરવામાં આવ્યું હતું કે જ્યાં પણ પરિષદ યોજાશે, અમે પહેલી બે પંક્તિઓ ગાઈશું.

08/12/2025 15:09:05

Parliament Winter Session Day 6 LIVE: ઇન્કલાબ ઝિંદાબાદ સહિત ઘણા સૂત્રોએ ભારતને શક્તિ આપી - ગૌરવ ગોગોઈ

કોંગ્રેસના સાંસદ ગૌરવ ગોગોઈએ વંદે માતરમ પર કહ્યું, "'ઝંડા ઉંચા રહે હમારા', 'ઇંકલાબ ઝિંદાબાદ', 'જય હિંદ', 'સત્યમેવ જયતે', 'ભારત છોડો' વગેરે જેવા ઘણા ગીતો અને નારા હતા, જેણે આપણા સ્વતંત્રતા સંગ્રામ દરમિયાન ભારતીય સમાજને શક્તિ આપી હતી. મંગલ પાંડેના બળવાની નિષ્ફળતા પછી ભારતમાં બેચેનીની લાગણી ફેલાઈ ગઈ, અને અંગ્રેજોનો જુલમ વધ્યો."

08/12/2025 15:08:39

Parliament Winter Session Day 6 LIVE: વંદે માતરમ માત્ર એક ગીત નથી, તે એક પ્રેરણા પણ છે - પીએમ મોદી

વડાપ્રધાન મોદીએ કહ્યું હતું કે, "આજે પણ 15 ઓગસ્ટ અને 26 જાન્યુઆરીએ હર ઘર તિરંગાની વાત આવે છે ત્યારે  દેશભક્તિ અને વંદે માતરમની ભાવના દરેક જગ્યાએ દેખાય છે. વંદે માતરમ માત્ર એક ગીત કે ભાવના નથી, તે એક પ્રેરણા છે. ." પૂજ્ય ગાંધી દ્ધારા જે ભાવ પ્રગટ કરવામાં આવ્યો હતો તે ભાવ આજે પણ છે. આ ભાવના આજે પણ આપણને એક કરે છે.

08/12/2025 15:08:17

Parliament Winter Session Day 6 LIVE: નેહરુએ વંદે માતરમની સમીક્ષા કરાવી હતી - પીએમ મોદી

વડાપ્રધાન મોદીએ કહ્યું હતું કે, "નેહરુએ કહ્યું હતું કે, 'મેં વંદે માતરમ ગીતનું બેકગ્રાઉન્ડ વાંચ્યું છે.' મારું માનવું છે કે આ બેકગ્રાઉન્ડ છે તેનાથી મુસ્લિમો ભડકશે." આ પછી કોંગ્રેસ પાર્ટી દ્વારા એક નિવેદન બહાર પાડવામાં આવ્યું હતું કે કોંગ્રેસ કાર્યકારી સમિતિ 26 ઓક્ટોબરે કોલકાતામાં મળશે, જ્યાં વંદે માતરમના ઉપયોગની સમીક્ષા કરવામાં આવશે.

 

08/12/2025 15:07:56

Parliament Winter Session Day 6 LIVE: જિન્નાએ વંદે માતરમનો વિરોધ કર્યો - પીએમ મોદી

વડાપ્રધાન મોદીએ કહ્યું હતું કે, "જિન્નાએ 1937માં તેનો વિરોધ કર્યો હતો. જવાહરલાલ નહેરુને પોતાનું સિંહાસન ડોલતું દેખાયું. મુસ્લિમ લીગના પાયાવિહોણા નિવેદનોનો કડક જવાબ આપવાને બદલે, તેમણે વંદે માતરમની તપાસ શરૂ કરી. જિન્નાના વિરોધના માત્ર પાંચ દિવસ પછી 20 ઓક્ટોબરના રોજ નેહરુએ નેતાજીને પત્ર લખ્યો. પત્રમાં, નેહરુ જિન્નાની ભાવના સાથે સંમત દેખાયા હતા. 

08/12/2025 12:57:26

Parliament Winter Session Day 6 LIVE: વંદે માતરમ સ્વતંત્રતા ચળવળનો અવાજ બન્યું - PM મોદી

વડાપ્રધાન મોદીએ લોકસભામાં કહ્યું હતું કે, "વંદે માતરમ આઝાદીની ચળવળનો અવાજ બની ગયું. વંદે માતરમ દરેક ભારતીયનો સંકલ્પ બની ગયું. 'ત્વમ હી દુર્ગા, દશ પ્રહર ધારિણી, કમલા કમલ દળ વિહારિણી, વાણી વિદ્યા દાયિની, નમામિ ત્વામ... સુજલામ, સુફલામ્ માતરમ્, વંદે માતરમ્'! જેનો અર્થ થાય છે, ભારત માતા જ્ઞાન અને સમૃદ્ધિની દેવી અને શત્રુઓ સામે શસ્ત્રો ધારણ કરનારી ચંડી પણ છે."

08/12/2025 12:57:12

Parliament Winter Session Day 6 LIVE: વંદે માતરમ ફક્ત રાજકીય સ્વતંત્રતા માટેની લડાઈનો મંત્ર નહોતો - પીએમ મોદી

વડાપ્રધાન મોદીએ કહ્યું હતું કે, "વંદે માતરમ ફક્ત રાજકીય સ્વતંત્રતા માટેની લડાઈનો મંત્ર નહોતો. તે ફક્ત અંગ્રેજો જાય અને પોતાના માર્ગે ચાલે. તે ફક્ત તેની પ્રેરણા માટે જ નહીં પરંતુ તેનાથી વધુ આગળ હતો. આઝાદીની લડાઈ આ માતૃભૂમિને મુક્ત કરવા માટેની લડાઈ પણ હતી.

08/12/2025 12:56:56

Parliament Winter Session Day 6 LIVE: પીએમ મોદીએ બંકિમચંદ્ર ચેટરજીને પણ યાદ કર્યા

વડાપ્રધાન મોદીએ કહ્યું હતું કે, "દેશ આત્મનિર્ભર બને. આપણે 2047માં વિકસિત ભારત બનાવીને રહીશું. આ સંકલ્પને દોહરાવા માટે વંદે માતરમ ખૂબ મોટો અવસર છે. વંદે માતરમની આ યાત્રાની શરૂઆત બંકિમચંદ્ર ચેટરજીએ 1875 માં કરી હતી.  ગીત એવા સમયે લખાયું હતું જ્યારે 1857ના સ્વતંત્રતા યુદ્ધ પછી બ્રિટિશ સામ્રાજ્ય વ્યથિત હતું. ભારત પર અત્યાચાર થઈ રહ્યો હતો. તે સમયે તેમનું રાષ્ટ્રીય ગીત - 'ગૉડ સેવ ધ ક્વિન' - તેને ઘરે-ઘરે પહોંચાડવાનું કાવતરું ચાલી રહ્યું હતું.

08/12/2025 12:56:39

Parliament Winter Session Day 6 LIVE: વંદે માતરમના 150 વર્ષ ગર્વની વાત છે - પીએમ મોદી

વડાપ્રધાન મોદીએ કહ્યું હતું કે, "વંદે માતરમના 150 વર્ષના આ ઐતિહાસિક પ્રસંગના આપણે સાક્ષી છીએ તે ગર્વની વાત છે. એક એવો સમયગાળો જે આપણી સમક્ષ ઇતિહાસની અસંખ્ય ઘટનાઓ લાવે છે. આ ચર્ચા માત્ર ગૃહની પ્રતિબદ્ધતાને જ ઉજાગર કરશે નહીં પરંતુ ભવિષ્યની પેઢીઓ માટે શિક્ષણના સ્ત્રોત તરીકે પણ કામ કરી શકે છે.

08/12/2025 12:56:22

Parliament Winter Session Day 6 LIVE: 'બંધારણનું ગળું દબાવવામાં આવ્યું હતું' - પીએમ મોદી

વડાપ્રધાન મોદીએ કહ્યું હતું કે, "જ્યારે વંદે માતરમને 100 વર્ષ પૂર્ણ થયા ત્યારે દેશને ઈમરજન્સીની બેડીઓથી જકડી દેવામાં આવ્યો હતો. ત્યારે ભારતના બંધારણનું ગળું દબાવવામાં આવ્યું હતું. જ્યારે વંદે માતરમને 100 વર્ષ પૂર્ણ થયા ત્યારે દેશભક્તિ માટે જીવતા-મરતા લોકોને જેલમાં ધકેલી દેવામાં આવ્યા હતા.ત્યારે એક અંધકારમય યુગનો પર્દાફાશ થયો."

 

08/12/2025 12:56:03

Parliament Winter Session Day 6 LIVE: લોકસભામાં વંદે માતરમ પર ચર્ચા શરૂ

લોકસભામાં વંદે માતરમ પર ચર્ચા શરૂ થઈ ગઈ છે. વડાપ્રધાન મોદીએ કહ્યું હતું કે, "દેશની સ્વતંત્રતા ચળવળને ઉર્જા આપનાર અને પ્રેરણા આપનાર અને બલિદાન અને તપસ્યાનો માર્ગ બતાવનાર મંત્ર અને સૂત્ર, વંદે માતરમને યાદ કરવાનો આ આપણો સૌભાગ્ય છે. વંદે માતરમની 150મી વર્ષગાંઠના આ ઐતિહાસિક પ્રસંગના આપણે સાક્ષી છીએ તે ગર્વની વાત છે."