કાશ્મીર ઘાટીમાં આ અગાઉ ફક્ત કેટલીક ખાસ વેબસાઇટ્સના જ ઉપયોગની મંજૂરી હતી. 25 જાન્યુઆરીના રોજ એક સપ્તાહ માટે ઇન્ટરનેટ સેવા શરૂ કરી હતી. ત્યારબાદ તારીખને આગળ વધારવામાં આવી હતી. મુખ્ય ગૃહ સચિવ શાલીન કાબરાએ સુરક્ષા એજન્સીઓ સાથે વાતચીત કરી હતી અને અન્ય જરૂરી વ્યવસ્થા સુનિશ્વિત કરવા માટે ઇન્ટરનેટ સેવાઓ શરૂ કરી હતી.
નોંધનીય છે કે ઓગસ્ટમાં કલમ 370 હટાવ્યા બાદથી ઘાટીમાં સોશિયલ સાઇટ્સ પર પ્રતિબંધ લગાવ્યો હતો. પૂર્વમાં અનેક વેબસાઇટ્સ પરથી પ્રતિબંધ હટાવ્યા બાદ સોશિયલ મીડિયા પર પ્રતિબંધ ચાલુ રાખ્યો હતો. જોકે, વીવીએન મારફતે તમામ લોકો સોશિયલ મીડિયા સાઇટ્સ ચલાવવાની વાત સામે આવી હતી ત્યારબાદ સુરક્ષા એજન્સીઓએ વીપીએન પર પણ પ્રતિબંધ મુકી દીધો હતો.