Kapil Sibal on Hemant Soren: રાજ્યસભાના સાંસદ કપિલ સિબ્બલે ઝારખંડના પૂર્વ મુખ્યમંત્રી હેમંત સોરેનની ધરપકડને લઈને એન્ફોર્સમેન્ટ ડિરેક્ટોરેટ (ED) પર પ્રહારો કર્યા અને તેને ભારતીય જનતા પાર્ટી (BJP)નું કાવતરું ગણાવ્યું.
તેમણે કહ્યું, "આ દેશમાં શું થઈ રહ્યું છે ? ભાનુ પ્રતાપ (ઈડી દ્વારા ઈસીઆઈઆર હેઠળ ધરપકડ કરાયેલા ટેક્સ વિભાગના અધિકારી) અને હેમંત સોરેન વચ્ચે કોઈ વ્યવહાર, સંબંધ, ટેલિફોન વાતચીત કે મીટિંગ નથી થઈ. તો પછી ઈડીએ ક્યાં આધાર પર તેમની ધરપકડ કરી.
કપિલ સિબ્બલે ED પર નિશાન સાધ્યું
ED પર નિશાન સાધતા તેમણે કહ્યું કે, "EDની વિશ્વસનીયતા પર ઘણી વખત સવાલો ઉઠાવવામાં આવ્યા છે. અગાઉ પણ મેં તમને એવા ઘણા નામો કહ્યા છે જેમણે ચૂંટણી લડી છે અને પોતે પણ જણાવ્યું છે કે તેમની સામે કયા અપરાધિક કેસ છે, તેઓ ભાજપ સાથે સંકળાયેલા છે, તેમની સરકારો સાથે સંકળાયેલા લોકો છે."
તેમણે કહ્યું, "જો EDને આવા ઘણા રાજ્યો વિશે આ માહિતી ખબર છે, તો પછી તેઓ (ED) ત્યાં કાર્યવાહી કેમ નથી કરતા ? ભાજપનો એક જ ધ્યેય છે, વિપક્ષને ટાર્ગેટ કરીને તેમને સત્તા પરથી દૂર કરવા. ભાજપ ઇચ્છે છે કે લોકસભામાં ચૂંટણી જો વિપક્ષ પ્રચાર કરવા સક્ષમ ન હોય તો તેની અસર ચોક્કસપણે થશે.
અગાઉ, ઝારખંડની વિશેષ પીએમએલએ કોર્ટે હેમંત સોરેનને શુક્રવારે (2 ફેબ્રુઆરી) પાંચ દિવસ માટે ED કસ્ટડીમાં મોકલી દીધા છે. શુક્રવારે જ સુપ્રીમ કોર્ટે આ મામલામાં અરજી પર હસ્તક્ષેપ કરવાનો ઇનકાર કરી દીધો હતો.
હેમંત સોરેનનો પક્ષ સુપ્રીમ કોર્ટમાં રાખવામાં આવ્યો હતો
હેમંત સોરેન તરફથી હાજર રહેલા એડવોકેટ કપિલ સિબ્બલે સુપ્રીમ કોર્ટને કહ્યું હતું કે, "આવા કેસમાં આ કોર્ટને સંદેશ મોકલવાની જરૂર છે. આ એક મુખ્યમંત્રી સાથે સંબંધિત કેસ છે, જેની ધરપકડ કરવામાં આવી છે. કૃપા કરીને પુરાવા જુઓ. આ અનુચિત છે.''
તેના પર જસ્ટિસ સંજીવ ખન્નાએ કપિલ સિબ્બલને કહ્યું, “પ્રથમ વાત એ છે કે કોર્ટ દરેક માટે ખુલ્લી છે. હાઈકોર્ટ પણ બંધારણીય અદાલત છે, જો આપણે એક વ્યક્તિને સુપ્રીમ કોર્ટમાં આવવાની પરવાનગી આપીએ તો દરેકને મંજૂરી આપવી પડશે.