Karnataka Assembly Election Results 2023: કર્ણાટકની ચૂંટણીમાં ભાજપ વિરોધી લહેરના કારણે બસવરાજ બોમ્મઈ કેબિનેટના એક ડઝન મંત્રીઓએ તેમની બેઠકો ગુમાવી દીધી છે. કોંગ્રેસ પાર્ટીએ 135 બેઠકો સાથે સરળતાથી 113નો બહુમતીનો આંકડો પાર કર્યો છે. બીજી તરફ સત્તાધારી ભાજપ ગત ચૂંટણીમાં 105 બેઠકો સામે માત્ર 65 બેઠકો જ જીતી શકી હતી. કર્ણાટકની આ ચૂંટણી 2024ની સંસદીય ચૂંટણી પહેલા બંને પક્ષો માટે લિટમસ ટેસ્ટ તરીકે જોવામાં આવતી ચૂંટણીઓમાંની એક હતી.


કર્ણાટકમાં 10 મેના રોજ યોજાયેલી ચૂંટણીમાં મુખ્યમંત્રી બસવરાજ બોમમાઈ સહિત 26 મંત્રીઓ ચૂંટણી લડ્યા હતા, જેમાંથી 12ની હાર થઈ છે.  પીઢ દલિત નેતા અને સિંચાઈ મંત્રી ગોવિંદ કરજોલને પણ તેમની પાર્ટીની કારમી હારનો સામનો કરવો પડ્યો છે. તેઓ અગાઉ નાયબ મુખ્યમંત્રી તરીકે કામ કરી ચૂક્યા છે.


કર્ણાટકમાં લોકોએ ભાજપના 12 મંત્રીઓને સાઈડલાઈન કર્યા, હારનો સામનો કરવો પડ્યો


ભાજપના આદિવાસી આઇકોન અને પરિવહન મંત્રી બી. શ્રીરામુલુ
ખાંડના વેપારી અને ઉદ્યોગ મંત્રી મુરુગેશ નિરાની
આવાસ મંત્રી વી. સોમન્ના, તેઓ વરુણા અને ચામરાજનગર બંને બેઠકો પર  હારી ગયા
કાયદા મંત્રી જે.સી. મધુસ્વામી
કૃષિ મંત્રી બી.સી. પાટીલ
મંત્રી શંકર પાટીલ મુનેનકોપ્પાને પણ નુકસાન થયું હતું
મહેસૂલ મંત્રી અને વોક્કાલિગા નેતા આર. અશોક તે પદ્મનાભનગરમાંથી જીતવામાં સફળ થયા
આરોગ્ય અને તબીબી શિક્ષણ મંત્રી કે. સુધાકર
પ્રાથમિક અને માધ્યમિક શિક્ષણ મંત્રી બી.સી. નાગેશ
ખાણ મંત્રી હલપ્પા બસપ્પા અચાર
રમતગમત મંત્રી કેસી નારાયણ ગૌડા
પર્યટન મંત્રી આનંદ સિંહના પુત્ર સિદ્ધાર્થ સિંહ
આ સિવાય ભાજપના વરિષ્ઠ નેતા અને વિધાનસભાના અધ્યક્ષ વિશ્વેશ્વર હેગડે કાગેરી, જે છ વખત ધારાસભ્ય છે, તેમને પણ હારનો સામનો કરવો પડ્યો. હોસ્પેટથી ચૂંટણી લડાઈમાં પિતાનું સ્થાન લેનાર પર્યટન મંત્રી આનંદ સિંહના પુત્ર સિદ્ધાર્થ સિંહ પોતાની પ્રથમ ચૂંટણી લડાઈ હારી ગયા છે.  


કર્ણાટકમાં ભાજપ વિરુદ્ધ સત્તા વિરોધી લહેર પર સવાર થઈને કોંગ્રેસે શનિવારે સ્પષ્ટ બહુમતી મેળવી છે. 224 સભ્યોની કર્ણાટક વિધાનસભામાં કોંગ્રેસે 136 બેઠકો જીતી છે. 1989ની વિધાનસભા ચૂંટણી પછી કોંગ્રેસની આ સૌથી મોટી જીત છે. બીજી તરફ ભાજપને માત્ર 64 બેઠકો મળી છે. જેડીએસને 20 બેઠકો મળી છે.


સૂત્રોના જણાવ્યા અનુસાર કોંગ્રેસે  બેંગ્લોર પાસેના એક રિસોર્ટમાં તેમના ધારાસભ્યો માટે રૂમ બુક કરાવ્યાં હતા અને તેમને ત્યાં  રાખ્યા છે. પરિણામો બાદ મલ્લિકાર્જુન ખડગેના ઘરે તમામ નેતાઓની બેઠક યોજાઈ હતી. જે