Karnataka Election: કર્ણાટકમાં મત ગણતરી ચાલી રહી છે. ચૂંટણી પંચની વેબસાઈટ મુજબ કોંગ્રેસ 122 સીટ પર આગળ ચાલી રહી છે. રાજ્યમાં કોંગ્રેસ સરકાર બનાવશે તેવું ચિત્ર સ્પષ્ટ થયા બાદ સોશિયલ મીડિયા પર મીમ્સનું ઘોડાપૂર આવ્યું છે. લોકો અનેક પ્રકારના મીમ્સ શેર કરીને મજા લઈ રહ્યા છે.
કર્ણાટકમાં મત ગણતરી ચાલી રહી છે. આ દરમિયાન રાજ્યમાં પાર્ટીના સંભવિત વિજયને લઈ રાજ્યના પૂર્વ સીએમ અને કોંગ્રેસ નેતા સિદ્ધારમૈયાએ કહ્યું, કોંગ્રેસ પાર્ટી 120થી વધુ સીટ જીતશે.
રાજસ્થાનના મુખ્યમંત્રી અશોક ગેહલોતે કહ્યું, કર્ણાટકે સાંપ્રદાયિક રાજનીતિને જાકારો આપ્યો છે. રાહુલ ગાંધીની ભારત જોડો યાત્રા દરમિયાન કર્ણાટકમાં જે માહોલ જોવા મળ્યો હતો, આજે તેનું પરિણામ કર્ણાટક ચૂંટણી પરિણામમાં સ્પષ્ટ જોવા મળી રહ્યું છે.