આ ઉપરાંત આજે બે અન્ય ઈમારતો ગોલ્ડ કાયાલોરમ અને જેન કોરલ તોડવામાં આવશે. કોર્ટે ચારેય ઈમારતને તોડી પાડવા 138 દિવસનો સમય આપ્યો હતો. અધિકારીઓ જમાવ્યા પ્રમાણે, હોલી ફેથ એચ 20 અને આલ્ફા સેરેનને પાડવામાં અંદાજે 800 કિલો વિસ્ફોટકનો ઉપયોગ કરવામાં આવ્યો હતો. સુરક્ષાની દ્રષ્ટિએ ઈમારતોના 200 મીટરના દાયરામાં કલમ 144 લાગુ કરી દેવામાં આવી હતી.
આ ઉપરાંત આજુબાજુના વિસ્તારમાં ડ્રોન ઉડાડવા પર પણ પ્રતિબંધ મુકી દેવામાં આવ્યો હતો. સુરક્ષાદળોના હેલિકોપ્ટરોએ વાયુક્ષેત્ર અને નેવીએ સમુદ્રી ક્ષેત્ર પર નજર રાખી હતી. માર્ગો પર આશરે 500 પોલીસકર્મી તહેનાત કરી દેવામાં આવ્યા હતા. માર્ગો પર આશરે 300 લોકોની ટીમ ટ્રાફિક અને ભીડને નિયંત્રિત કરી રહી હતી.
કાર્યવાહીથી 4 કલાક પહેલાં આજુબાજુના વિસ્તારોને ખાલી કરી દેવામાં આવ્યા હતાં. લોકોને કહેવાયું કે, તે ઘર છોડતાં પહેલાં વીજ ઉપકરણો, બારીઓ દરવાજા બંધ કરી દે જેથી આગ અને પ્રદૂષણથી બચી શકે.